ຮ້ານກຸ້ງຖັງໂດຍອ້າຍເອງຜູ້ປຸງແຕ່ງສູດເດັດອາຫານທະເລ

   ອາຫານທະເລຫຼາຍໆຄົນແມ່ນມັກຮັບປະທານເພາະວ່າເປັນອາຫານທີ່ຫາຍາກເນື່ອງຈາກວ່າຢູ່ບ້ານເຮົາບໍ່ມີທະເລສ່ວນໃຫຍ່ແມ່ນຕ້ອງໄດ້ນຳເຂົ້າມາຈາກຕ່າງປະເທດສຳລັບທ່ານໃດຢາກກິນອາຫານທະເລລວມທີ່ເປັນເມນູສູດເດັດທີ່ໄດ້ຮັບຄວາມນິຍົມຕ້ອງໄປຮ້ານກຸ້ງຖັງໂດຍອ້າຍເອງ.

  ທ່ານ ວິລະກອນ ແກ້ວວິເສດ ເຈົ້າຂອງຮ້ານກຸ້ງຖັງໂດຍອ້າຍເອງໃຫ້ສຳພາດວ່າ: ໃນຊ້ວງຕ້ານການລະບາດຂອງໂຄວິດ-19 ຕົນເອງມີໂອກາດໄດ້ເຮັດວຽກຢູ່ເຮືອນກັບຄອບຄົວ,ຈຶ່ງມີແນວຄິດໃນການສ້າງສັນເມນູອາຫານພິເສດເພື່ອຮັບປະທານພາຍໃນຄອບຄົວໂດຍຄິດຮອດເມນູທີ່ຂ້າພະເຈົ້າໄດ້ຮັບປະທານທີ່ປະເທດເພື່ອນບ້ານທີ່ເຂົາເຈົ້າໃສ່ຊື່ວ່າ: “ກຸ້ງຖັງ” ເມື່ອຄິດໄດ້ແນວນັ້ນຈຶ່ງໄດ້ທົດລອງເຮັດເມນູດັ່ງກ່າວຂຶ້ນມາຮັບປະທານພາຍໃນຄອບຄົວຊຶ່ງປາກົດວ່າມີລົດຊາດແຊບ ແລະຢາກເຜີຍແຜ່ໃຫ້ຄົນອື່ນໄດ້ຮັບປະທານນຳຈຶ່ງຕັດສິນໃຈສືບຕໍ່ເຮັດເປັນການຂາຍຜ່ານສື່ອອນລາຍຂຶ້ນມາຊຶ່ງປາກົດວ່າໄດ້ຮັບຜົນຕອບຮັບເປັນຢ່າງດີຈາກສັງຄົມ, ຄວາມພິເສດຂອງຮ້ານກຸ້ງຖັງໂດຍອ້າຍເອງແມ່ນຈະຢູ່ທີ່ນໍ້າຊອດ ແລະ ເຄື່ອງປຸງສູດເດັດທີ່ຂ້າພະເຈົ້າເປັນຜູ້ຄິດຄົ້ນສູດດັ່ງກ່າວຂຶ້ນມາເອງ, ເປັນເຄື່ອງປຸງທີ່ມີຄວາມຫອມຂອງສະໝຸນໄພ ແລະ ລົດຊາດທີ່ນຸ້ມນວນເປັນພິເສດ, ນຳໃຊ້ວັດຖຸດິບທີ່ສົດໃໝ່ ແລະ ຄຸນນະພາບດີໃນການປຸງຊຶ່ງເມນູທຸກຢ່າງພາຍໃນຮ້ານກຸ້ງຖັງໂດຍອ້າຍເອງແມ່ນເໝາະກັບລູກຄ້າທຸກເພດທຸກໄວທີ່ສາມາດຮັບປະທານໄດ້.

  ສຳລັບເມນູທີ່ເດັ່ນສຸດແມ່ນເມນູກຸ້ງຖັງທະເລລວມທີ່ເປັນຈານເດັດທີ່ໄດ້ຮັບຄວາມນິຍົມຊົມຊອບຈາກລູກຄ້າເພາະວ່າມີຄວາມຫອມຂອງເຄື່ອງປຸງສູດເດັດ ແລະມີສ່ວນປະສົມຂອງສະໝຸນໄພເປັນອາຫານເພື່ອສຸຂະພາບທີ່ມີທາດບຳລຸງລ້ຽງສູງຫຼາກຫຼາຍຊະນິດຈາກທະເລທີ່ລວມໄວ້ໃນຈານດຽວເຊັ່ນ: ປາໝຶກ, ກຸ້ງ, ປູ ແລະຫອຍ ເໝາະແກ່ຜູ້ທີ່ກຳລັງຟື້ນຟູກຳລັງກາຍ ແລະ ຕ້ອງການຈະເລີນອາຫານປະຈຸບັນຮ້ານເຮົາຈະເນັ້ນຂາຍທາງສື່ອອນລາຍເປັນຫຼັກໂດຍມີບໍລິການຈັດສົ່ງເຖິງເຮືອນຂອງລູກຄ້າ ຫຼື ທ່ານຢາກມາຊື້ຢູ່ຮ້ານກໍ່ມາໄດ້ສະຖານທີ່ຕັ້ງຢູ່ບ້ານຄຳສະຫວາດ, ເມືອງຈັນທະບູລີ, ນະຄອນຫຼວງວຽງຈັນ ໂທສອບຖາມຂໍ້ມູນເພີ່ມຕື່ມໄດ້ທີ່: 020 77525000.

แชร์