ນາຍົກລັດຖະມົນຕີແຫ່ງ ສປປ ລາວ ຢ້ຽມຢາມ ບຣູຊາລາມ ຢ່າງເປັນທາງການ

   ໂດຍຕອບສະໜອງຕາມຄຳເຊີນຂອງສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ດາຣູຊາລາມ, ພະນະທ່ານ ທອງລຸນ ສີສຸລິດ, ນາຍົກລັດ ຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະຄະນະເດີນ ທາງຢ້ຽມຢາມ ບຣູໄນ ດາຣູຊາລາມ ຢ່າງເປັນທາງການໃນລະຫວ່າງວັນທີ 16-17 ກຸມພາ 2019, ເພື່ອເສີມຂະຫຍາຍສາຍພົວພັນມິດຕະພາບ ແລະການຮ່ວມມືອັນດີງາມລະຫວ່າງ ລາວ-ບຣູໄນ, ເຊິ່ງເປັນການຢ້ຽມຢາມຄັ້ງທຳອິດນັບຕັ້ງແຕ່ດຳລົງຕຳແໜ່ງເປັນນາຍົກລັດຖະມົນຕີ ແຫ່ງ ສປປ ລາວ.

  ໃນວັນທີ 16 ກຸມພາ 2019, ທີ່ ພະ ລາຊະວັງ ອິດສະຕານາ ນູຣູນ ອີມານ ແຫ່ງ ບຣູໄນ ດາຣູຊາລາມ. ພາຍຫຼັງພິທີຕ້ອນຮັບຢ່າງເປັນທາງການ, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ພົບປະສອງຝ່າຍກັບສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ດາຣູຊາ ລາມ. ໃນ ໂອກາດພົບປະຄັ້ງນີ້, ສອງຝ່າຍໄດ້ຕີລາ ຄາສູງຕໍ່ສາຍພົວພັນມິດຕະພາບ ແລະ ການຮ່ວມມືທີ່ດີຂອງສອງປະເທດ ທີ່ໄດ້ ຮັບການເສີມຂະຫຍາຍຂຶ້ນເລື້ອຍໆຕະ ຫຼອດໄລຍະ 25 ປີ ນັບແຕ່ໄດ້ສ້າງຕັ້ງສາຍ ພົວພັນການທູດລະຫວ່າງສອງປະເທດ (27/7/1993-27/7/2018), ເຊິ່ງເຫັນ ໄດ້ຈາກມີການແລກປ່ຽນການຢ້ຽມຢາມ ເຊິ່ງກັນ ແລະກັນ ຂອງການນຳຂັ້ນສູງ ຂອງສອງປະເທດຢ່າງເປັນປົກກະຕິ. ໃນໂອກາດດຽວກັນ, ສອງຝ່າຍຍັງໄດ້ປຶກສາຫາລືກັນໃນຫຼາຍດ້ານ ເປັນຕົ້ນແມ່ນການຮ່ວມມືດ້ານເສດຖະກິດ, ການສຶກສາ, ວັດທະນະທຳ, ການທ່ອງທ່ຽວ ແລະ ອື່ນໆ. ນອກຈາກນີ້, ສອງຝ່າຍຍັງໄດ້ ແລກປ່ຽນທັດສະນາກັນກ່ຽວກັບບັນຫາ ພາກພື້ນ ແລະສາກົນນຳອີກ.

ໃນໂອກາດດັ່ງກ່າວ, ພະນະທ່ານນາ ຍົກລັດຖະມົນຕີ ທອງລຸນ ສີສຸລິດ ໄດ້ນຳ ເອົາຄວາມຢື້ຢາມຖາມຂ່າວຈາກພະນະ ທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ມາຍັງ ສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູ ໄນ ດາຣູຊາລາມ, ພ້ອມທັງເຊື້ອເຊີນສົມ ເດັດໄປຢ້ຽມຢາມ ສປປ ລາວ ໃນໂອ ກາດອັນເໝາະສົມ. ພ້ອມນີ້, ກໍໄດ້ສະ ແດງຄວາມຂອບໃຈຕໍ່ລັດຖະບານ ແລະ ປະຊາຊົນ ບຣູໄນ ທີ່ໄດ້ໃຫ້ການຊ່ວຍເຫຼືອ ດ້ານຕ່າງໆໃຫ້ແກ່ຜູ້ປະສົບໄພນໍ້າຖ້ວມ ທາງພາກໃຕ້ຂອງ ສປປ ລາວ ທີ່ແຂວງ ອັດຕະປື ໃນປີ 2018 ທີ່ຜ່ານມາ.

  ພາຍຫຼັງສຳເລັດການພົບປະ, ພະນະທ່ານນາຍົກລັດຖະມົນຕີ ທອງລຸນ ສີສຸລິດ ແລະສົມເດັດ ຊຸນຕານ ຮາຈິ ຮັດຊານານ ໂບນເກຍ ຍັງໄດ້ເຂົ້າຮ່ວມເປັນສັກຂີພະຍານໃນການລົງນາມບົດບັນທຶກຄວາມ ເຂົ້າໃຈວ່າດ້ວຍການຮ່ວມມືດ້ານການສຶກສາ.

    ຄຽງຄູ່ກັນນີ້, ໃນພາກທຸລະກິດໄດ້ຈັດໃຫ້ມີກອງປະຊຸມຮ່ວມນັກທຸລະກິດ ລະຫວ່າງ ລາວ-ບຣູໄນ ເຊິ່ງສອງຝ່າຍ ໄດ້ປຶກສາຫາລືເພື່ອຊອກຫາຊ່ອງທາງ ໃນການຮ່ວມມື ແລະແລກປ່ຽນຂໍ້ມູນຂ່າວ ສານດ້ານເສດຖະກິດ ເຊິ່ງລັດຖະບານລາວໄດ້ມີນະໂຍບາຍສົ່ງເສີມການລົງທຶນໃນຂະແໜ່ງກະສິກຳສະອາດ ແລະ ເປັນມິດຕໍ່ສິ່ງແວດລ້ອມ ແລະເພື່ອເປັນ ການເຊີນຊວນໃຫ້ນັກທຸລະກິດບຣູໄນ ມາລົງທຶນຢູ່ ສປປ ລາວ ໃຫ້ຫຼາຍຂຶ້ນ.

   ໃນໄລຍະຜ່ານມາ, ລັດຖະບານບຣູ ໄນ ໄດ້ໃຫ້ການສະໜັບສະໜູນຊ່ວຍເຫຼືອ ໃນຫຼາຍດ້ານເຊັ່ນ: ການພັດທະນາຊັບ ພະຍາກອນມະນຸດ ເປັນຕົ້ນແມ່ນໃຫ້ທຶນ ການສຶກສາ, ການຝຶກອົບຮົມພາສາອັງ ກິດ, ການຊ່ວຍເຫຼືອດ້ານການເງິນ ກໍຄື ການສ້າງສູນສຶກສາສຳລັບເດັກພິການ ທາງສາຍຕາ, ການປັບປຸງຫ້ອງວາງສະແດງສິນສາຍໄຫມຂອງສະຫະພັນແມ່ຍິງ ແລະສູນຝຶກອົບຮົມວິຊາຊີບ.

 ໃນຕອນບ່າຍວັນດຽວກັນ, ພະນະ ທ່ານນາຍົກລັດຖະມົນຕີ ທອງລຸນ ສີສຸ ລິດ ກໍ່ຍັງໄດ້ເດີນທາງຢ້ຽມຢາມສະຖານ ທີ່ພື້ນຖານການຜະລິດ, ໂຮງງານກຸ້ງສີຟ້າ ທີ່ເມືອງຕູຕົງ ຂອງ ບຣູໄນ ດາຣູຊາລາມ ຕື່ມອີກ.

ຂ່າວ ນສພ-ເສດຖະກິີດ-ສັງຄົມ

แชร์