ຝຶກອົບຮົມແນະນຳການນຳໃຊ້ຫຼັກສູດຊັ້ນປະຖົມ ປີທີ 2

  ຫ້ອງການສຶກສາທິການ ແລະກີລາເມືອງໄຊຍະບູລີ ໄດ້ເປີດກອງປະຊຸມຝຶກອົບຮົມແນະນຳ ການນຳໃຊ້ຫຼັກສູດຊັ້ນປະຖົມສຶກສາປີທີ 2 ສະບັບປັບປຸງໃໝ່ໃຫ້ແກ່ຄູ ປ2 ແລະສຶກສານິເທດວັນທີ 24 ສິງຫາ 2020 ທີ່ຫ້ອງປະຊຸມໂຮງຮຽນປະຖົມສົມບູນບ້ານແກ້ງໃຫ້ກຽດເຂົ້າຮ່ວມຂອງທ່ານ ດາວ ເລືງ ສຸກຜາລີ ຮອງຫົວໜ້າຫ້ອງ ການສຶກສາທິການ ແລະກີລາເມືອງ ໄຊຍະບູລີ, ມີຫົວໜ້າຂະແໜງພັດທະນາຄູພະແນກສຶກສາທິການ ແລະກີລາແຂວງ, ທີມງານຄູຝຶກຈາກວິທະຍາໄລຫຼວງພະບາງ, ຈາກພະແນກສຶກສາທິການ ແລະກີລາ ແຂວງ, ຫ້ອງການສຶກສາທິການ ແລະກີລາແຂວງໄຊຍະບູລີ, ຄູສອນ ປ2 ທັງພາກລັດ ແລະເອກະຊົນໃນທົ່ວເມືອງໄຊຍະບູລີເຂົ້າຮ່ວມ.

   ທ່ານ ດາວເລືອງ ສຸກຜາລີ ຮອງຫົວໜ້າຫ້ອງການສຶກສາທິການ ແລະກີລາເມືອງໄຊຍະບູລີ ກ່າວວ່າ:ເພື່ອພັດທະນາການສຶກສາ ແລະກີລາໃຫ້ມີບາດກ້າວອັນໃໝ່ຄຽງຄູ່ກັບບັນດາປະເທດໃນຂົງເຂດກຸ່ມອາຊຽນວຽກງານການສຶກສາ ແລະກີລາຢູ່ພາຍໃນແຂວງ ມີຫຼາຍດ້ານທີບັນລຸໄປແລ້ວແຕ່ຍັງມີບາງດ້ານພວກເຮົາຍັງຈະໄດ້ເອົາ ໃຈໃສ່ແກ້ໄຂເຊັ່ນ: ອັດຕາການເຂົ້າ ຮຽນສຸດທິນັບແຕ່ອະນຸບານຮອດມັດທະຍົມປາຍອັດຕາປະລະຂອງ ນັກຮຽນ, ອັດຕາລອດເຫຼືອໃນຊັ້ນ ປະຖົມ ແລະມັດທະຍົມຍັງມີເປີເຊັນ ຕໍ່າກອງປະຊຸມຝຶກອົບຮົມໃນຄັ້ງ ນີ້ມີຄວາມໝາຍຄວາມສຳຄັນເປັນ ການຍົກລະດັບຄຸນນະພາບການ ສຶກສາຍັງເປັນການສ້າງຂີດຄວາມ ສາມາດໃຫ້ແກ່ຄູສອນຜູ້ອຳນວຍ ການສຶກສານິເທດຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບການຊຸກຍູ້ສົ່ງ ເສີມໃຫ້ຄູໄດ້ເຂົ້າໃຈສິ່ງທີ່ປ່ຽນແປງໃໝ່ສະບັບປັບປຸງໃໝ່ ປ2 ຄື: ວິຊາວິທະຍາສາດ ແລະສິ່ງແວດ ລ້ອມ, ວິຊາສີລະປະກຳ ແລະຫັດຖະກຳ, ວິຊາພາສາລາວ,ວິຊາພະລະສຶກສາ, ວິຊາສິລະປະດົນຕີ, ວິຊາຄຸນສົມບັດສຶກສາ, ສ້າງຄວາມ ລື້ງເຄີຍໃຫ້ຄູຕໍ່ເນື້ອໃນຂອງຫຼັກສູດ, ປຶ້ມແບບຮຽນ ແລະຄູ່ມື, ສື່ ການຮຽນ-ການສອນ ແລະວິທີການຮຽນ-ການສອນ, ເສີມສ້າງ ຄວາມໝັ້ນໃຈໃຫ້ຄູໃນການນຳໃຊ້ ຫຼັກສູດສະບັບປັບປຸງໃໝ່, ສ້າງລະບົບຊຸກຍູ້ຊ່ວຍເຫຼືອຄູ ແລະລະດົມ ໃຫ້ຄູມີສ່ວນຮ່ວມໃນການສືບຕໍ່ການຮຽນ, ໃຫ້ໂອກາດຄູໃນການວາງ ແຜນ, ຖ່າຍທອດຄວາມຮູ້ ແລະ ປະສົບການ ແລະປະສົບການຈາກ ການນຳໃຊ້ຫຼັກສູດສະບັບປັບປຸງ ທ່ານຍັງໄດ້ຮຽກຮ້ອງມາຍັງບັນດາສຳມະນາກອນທຸກທ່ານຈົ່ງພ້ອມກັນເອົາໃຈໃສ່ບົດຮຽນ, ຄົ້ນຄິດປະກອບຄຳຄິດຄຳເຫັນ ແລະນຳເອົາເນື້ອໃນສຳຄັນຕ່າງໆຂອງກອງປະຊຸມໃນຄັງນີ້ໄປຈັດຕັງປະຕິບັດຢູ່ ພາຍໃນເມືອງ, ໂຮງຮຽນໃຫ້ມີປະສິດທິພາບສູງ ແລະສຳເລັດຜົນ.

-----------

ໜັງສືພິມເສດຸະກິດ-ສັງຄົມ

แชร์