ກຸ່ມບໍລິສັດ ເຄພີເອັສ ເນັ້ນຂອດບໍລິການ ມັດໃຈລູກຄ້າ

  ທຸລະກິດຂອງກຸ່ມບໍລິສັດ ເຄພີເອັສ ( KPS) ຕັ້ງຢູ່ເຂດນໍ້າຖ້ວມເມືອງນໍ້າບາກ ແຂວງຫຼວງພະບາງ ທີ່ເປີດບໍລິການລູກຄ້າໃນປະຈຸບັນມີ 5 ກິດຈະການເປັນຕົ້ນແມ່ນຮ້ານອາຫານເອເຊຍ, ຮ້ານບັນເທິງ, ຮ້ານຈໍາໜ່າຍລົດໃຫຍ່, ຂາຍອາໄຫລ່ລົດ ແລະຕະຫຼາດເອເຊຍຊຶ່ງທາງບໍລິສັດແມ່ນໄດ້ເນັ້ນຂອດບໍລິການເປັນຫຼັກເພື່ອມັດໃຈລູກຄ້າທີ່ມາໃຊ້ບໍລິການເພື່ອໃຫ້ລູກຄ້າມີຄວາມປະທັບໃຈ.


  ທ່ານ ສອນສະຫວັນ ພາລິນະຄອນ ຜູ້ອໍານວຍການໃຫຍ່ກຸ່ມບໍລິສັດເຄພີເອັສ ໄດ້ໃຫ້ສໍາພາດຕໍ່ທີມຂ່າວພວກເຮົາວ່າງບໍ່ດົນມານີ້ວ່າ: ໃນການດໍາເນີນທຸລະກິດກ່ອນເກີດມີການລະບາດເຊື້ອພະຍາດໂຄວິດ-19ກໍເຫັນວ່າມີລູກຄ້າເຂົ້າໃຊ້ບໍລິການດີພໍສົມຄວນ ແລະມາໃນຊ້ວງໄລຍະເກີດການລະບາດໂຄວິດ-19 ນັບວ່າກິດຈະການແຕ່ລະບ່ອນແມ່ນເກືອບວ່າຢຸດຕົວລົງເນື່ອງຈາກບໍ່ມີລູກຄ້າເຂົ້າມາໃຊ້ບໍລິການເລີຍ ແລະ ໄດ້ເປີດໃຫ້ບໍລິການພຽງ 2 ກິດຈະການຄືຮ້ານຂາຍເຄື່ອງອາໄຫລ່ລົດ ແລະ ຮ້ານອາຫານ.

ສໍາລັບກິດຈະການຫຼັກຂອງທາງບໍລິສັດໄດ້ເປີດໃຫ້ບໍລິການທັງໝົດມີ 5 ກິດຈະການ ເປັນຕົ້ນແມ່ນຮ້ານອາຫານເອເຊຍ, ຮ້ານບັນເທິງເອເຊຍ, ຮ້ານຈໍາໜ່າຍລົດໃຫຍ່, ຂາຍອາໄຫລ່ລົດ-ສ້ອມແປງລົດ ແລະຕະຫຼາດເອເຊຍຊຶ່ງທາງບໍລິສັດແມ່ນໄດ້ເນັ້ນຂອດບໍລິການເປັນຫຼັກເພື່ອມັດໃຈລູກຄ້າທີ່ມາໃຊ້ບໍລິການທຸກຄັ້ງຕ້ອງໃຫ້ລູກຄ້າມີຄວາມ ປະທັບໃຈ ພິເສດກໍຄືການບໍລິການອາຫານ ແລະ ເຄື່ອງດື່ມປະເພດຕ່າງໆທີ່ລູກຄ້າຕ້ອງການ. ລູກຄ້າສ່ວນໃຫຍ່ກໍຈະແມ່ນຢູ່ພາຍໃນເມືອງນໍ້າບາກ ແລະ ລູກຄ້າທີ່ເດີນ

ທາງຜ່ານໄປມາເພື່ອພັກລົດເຊົາແວ່ເຄິ່ງທາງເພື່ອຮັບປະທານອາຫານເພາະເມືອງນໍ້າບາກຖືເປັນເມືອງທາງຜ່ານຂອງ 4 ແຂວງພາກເໜືອເໝາະແກ່ການພັກເຊົາເອົາແຮງເພື່ອເຕີມພະລັງໃຫ້ຮ່າງກາຍໃນການເດີນທາງຕໍ່ໄປສູ່ຈຸດໝາຍ. ສະນັ້ນຫາກທ່ານໃດທີ່ເດີນທາງຂຶ້ນເໜືອຜ່ານແຂວງຫຼວງພະບາງກໍຢ່າລືມໄປແວ່ຮັບປະທານອາຫານສໍາພັດບັນຍາກາດຂອງຮ້ານອາຫານເອເຊຍທີ່ຕົບແຕ່ງດ້ວຍສີສັນ, ສະອາດງາມຕາທີ່ຕັ້ງຢູ່ບ້ານຊາງ ເມືອງນໍ້າບາກ ຮັບຮອງວ່າທ່ານຈະປະທັບໃຈ. ພ້ອມນີ້ຫາກລົດຂອງທ່ານມີບັນຫາກໍສາມາດກວດເຊັກສ້ອມແປງນໍາໜ່ວຍງານບໍລິການດ້ານເຕັກນິກລົດຂອງບໍລິສັດໄດ້ແບບເປັນກັນເອງເລີຍ.


   ທ່ານ ສອນສະຫວັນ ກ່າວຕື່ມອີກວ່າສໍາລັບແຜນການໃນຕໍ່ໜ້າທາງບໍລິສັດຈະໄດ້ມີການຂະຫຍາຍກິດຈະການໃໝ່ໃນປີ 2021-2025 ແມ່ນຈະຂະຫຍາຍກິດຈະ ການດ້ານກະສິກໍາໂດຍຈະເຮັດຟາມງົວເອເຊຍປູກຫຍ້າ-ຜະລິດຫຍ້າເພື່ອລ້ຽງງົວ ແລະສົ່ງອອກໄປຂາຍຢູ່ປະເທດຈີນຕື່ມອີກ.

------------

ຂ່າວ: ສີສຸວັນ 

ຮູບພາບ: #ຫນັງສືພິມເສດຖະກິດສັງຄົມ

แชร์