ສສຊ ເຂດເລືອກຕັ້ງທີ 4 ເຜີຍແຜ່ຜົນກອງປະຊຸມສະພາຢູ່ເລົ່າງາມ

  ໃນວັນທີ 24 ສິງຫາ 2020, ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 14 ແຂວງສາລະວັນໄດ້ລົງເຄື່ອນໄຫວຜັນຂະຫຍາຍ ແລະໂຄສະນາເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ແລະສະພາປະຊາຊົນແຂວງສາລະວັນຊຸດທີ I ຢູ່ບ້ານນໍ້າແບ່ງ, ຫວ້ຍແສງ ແລະບ້ານສັນທົ່ງ ເມືອງເລົ່າງາມໂດຍມີທ່ານ ນາງ ສູນໄຖ ໄຊຍະແສງ ຮອງປະທານສະພາປະຊາຊົນແຂວງສາລະວັນສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 14 ແຂວງສາລະວັນ, ທ່ານ ສະຫວັນຄອນ ຣາຊມຸນຕຣີ ສະມາຊິກສະພາແຫ່ງຊາດປະຈໍາເຂດເລືອກ ຕັ້ງທີ 14 ແຂວງສາລະວັນ, ມີສະມາຊິກສະພາປະຊາຊົນແຂວງປະຈໍາເມືອງ ແລະ ພາກສ່ວນກ່ຽວຂ້ອງ.
  ທີ່ປະຊຸມເລຂາພັກບ້ານນໍ້າແບ່ງລາຍງານໃຫ້ຮູ້ວ່າ: ບ້ານນໍ້າແບ່ງສ້າງຂຶ້ນໃນປີ 1973 ປະຈຸບັນມີ 131 ຫຼັງຄາເຮືອນ, 186 ຄອບຄົວ, ມີພົນລະເມືອງ 804 ຄົນ, ມີເນື້ອທີ່ 1.245 ເຮັກຕາ ໃນນີ້ເນື້ອທີ່ປູກກາເຟກວມເອົາ 1.140 ເຮັກຕາ; ດ້ານວຽກງານການເມືອງພາຍໃນບ້ານມີມີອົງການຈັດຕັ້ງບ້ານ, ມີໜ່ວຍພັກ 1 ໜ່ວຍ ມີສະມາຊິກພັກ 20 ສະຫາຍ; ດ້ານວຽກງານເສດຖະກິດປະຊາຊົນພາຍໃນບ້ານແມ່ນຢຶດຖືອາຊີບຊາວສວນເປັນຫຼັກສະເລ່ຍລາຍຮັບ 8,5ລ້ານກີບຕໍ່ຄົນຕໍ່ປີ, ຊຶ່ງແຜນງົບປະມານທີ່ຂັ້ນເທິງມອບໃຫ້ແມ່ນ 50 ລ້ານກີບ ມາຮອດປະຈຸບັນສາມາດປະຕິບັດໄດ້ 45 ລ້ານກີບ ທຽບໃສ່ແຜນການປີປະຕິບັດ 90%; ວຽກງານປ້ອງກັນຊາດປ້ອງກັນຄວາມສະຫງົບໜ່ວຍງານ ປກສ-ປກຊ ໄດ້ຈັດຕັ້ງເຄື່ອນໄຫວຕາມມະຕິຄໍາສັ່ງຂອງຂ້າງເທິງຊຶ່ງເຫັນວ່າມີຄວາມສະຫງົບໂດຍພື້ນຖານໃນນີ້ໄດ້ມີການປ້ອງກັນເວນຍາມຂອບເຂດຊາຍແດນບ້ານຕໍ່ບ້ານ ແລະ ປ້ອງກັນເວຍາມໃນລະດູເກັບກ່ຽວຜົນຜະລິດ; ວຽກງານວັດທະນະທໍາສັງຄົມປະຊາຊົນພາຍໃນບ້ານມີວຽກເຮັດງານທໍາ ກວມເອົາ 99,26%, ຜູ້ທີ່ຮຽນຈົບມາຍັງບໍ່ໄດ້ເຮັດວຽກ 0,74%, ພາຍໃນບ້ານມີ ລະບົບນໍ້າບາດານ, ມີໂທລະໂຄ່ງ 1 ໜ່ວຍ, ປະຊາຊົນໄດ້ຮັບການສັກຢາຢອດຢາ ເປັນປົກກະຕິ, ປະຈຸບັນພາຍໃນບ້ານຍັງມີຄອບຄົວບໍ່ທັນກຸ້ມກິນ 30 ຄອບຄົວ ແລະມີຄອບຄົວທຸກຍາກ 1 ຄອບຄົວ.
  ສ່ວນບ້ານຫວ້ຍແສງເປັນບ້ານໜຶ່ງທີ່ຂຶ້ນກັບເຂດ 6 ເມືອງເລົ່ງງານ, ພາຍໃນບ້ານມີການຈັດຕັ້ງ 9 ຂະແໜງການ, ມີໜ່ວຍພັກ 1 ໜ່ວຍ ການຊີ້ນໍາໆພາຂອງບ້ານແມ່ນຢຶດໝັ້ນອຸດົມການພັກນໍາພາ, ມີ 189 ຫຼັງຄາເຮືອນ 223 ຄອບຄົວ ມີພົນລະເມືອງ 947 ຄົນ ປະກອບມີ 10 ຊົນເຜົ່າຄື: ລາວລຸ່ມ, ລະເວນ, ລະແວ, ສ່ວຍ, ຜູ້ໄທ, ໄທດໍາ, ລື້, ຂະມຸ, ກະຕາງ ແລະຊົນເຜົ່າຢວນ; ອາຊີບຫຼັກຂອງປະຊາຊົນແມ່ນປູກກາເຟຊຶ່ງມີລາຍຮັບ 8 ລ້ານກີບຕໍ່ຄົນຕໍ່ປີໃນຕອນບ່າຍຂອງວັນດຽວກັນສະມາ ຊິກສະພາແຫ່ງຊາດປະຈໍາເຂດເລືອກຕັ້ງທີ 14 ແຂວງສາລະວັນພ້ອມຄະນະຍັງໄດ້ລົງເຄື່ອນໄຫວຜັນຂະຫຍາຍ ແລະ ໂຄສະນາເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 9 ຂອງສະພາ ແຫ່ງຊາດຊຸດທີ VIII ແລະສະພາປະຊາຊົນແຂວງສາລະວັນຊຸດທີ I ຢູ່ ບ້ານສັນທົ່ງ ເມືອງເລົ່າງາມຕື່ມອີກ.

แชร์