ປກສ ເມືອງໄຊຈໍາພອນຈະສຸມໃສ່ 4 ຄາດໝາຍ ແລະ 4 ແຜນງານໃຫ້ບັນລຸຜົນ

  ກອງປະຊຸມສະຫຼຸບວຽກງານການຊີ້ນໍາ-ນໍາພາປະຈໍາ 6 ເດືອນຕົ້ນປີ ແລະວາງທິດທາງແຜນການ 6 ເດືອນທ້າຍປີ 2020 ຂອງກອງບັນຊາການ ປກສ ເມືອງໄຊຈໍາ ພອນ, ແຂວງບໍລິຄໍາໄຊໄດ້ຈັດຂຶ້ນໃນອາທິດຜ່ານມາໂດຍການເປັນປະທານຂອງ ທ່ານ ພັທ ທອງສຸກ ທິດສາທໍາ ຫົວໜ້າກອງບັນຊາການ ປກສ ເມືອງໄຊຈໍາພອນໃຫ້ ກຽດເຂົ້າຮ່ວມໂດຍຂອງທ່ານ ໂກ່ ໄຊສົມບັດ ເຈົ້າເມືອງໄຊຈໍາພອນ ມີທ່ານ ພັອ ກົງຈັນ ໄຊປັນຍາ ຫົວໜ້າກອງບັນຊາການ ປກສ ແຂວງ, ມີຄະນະພັກ,ຄະນະກອງບັນ ຊາການ, ບັນດາແຂກທີຖຶກເຊີນ, ພະນັກງານນັກຮົບເຂົ້າຮ່ວມ.


   ທີ່ປະຊຸມໄດ້ຮັບຟັງການສະຫຼຸບຕີລາຄາການເຄື່ອນໄຫວວຽກງານປະຈໍາ 6 ເດືອນຕົ້ນປີ ແລະທິດທາງແຜນການ 6 ເດືອນທ້າຍປີ 2020 ຊຶ່ງໄດ້ຍົກໃຫ້ເຫັນການຊີ້ ນໍາ-ນໍາພາຂອງຄະນະພັກ,ຄະນະບັນຊາແມ່ນໄດ້ຖືເອົາວຽກງານສຶກສາອົບຮົມການເມືອງ-ແນວຄິດ ໃຫ້ສະມະຊິກພັກ, ພະນັກງານນັກຮົບເປັນບັນຫາສໍາຄັນຕົ້ນຕໍ, ຊຶ່ງ ໄດ້ນໍາເອົາບັນດາເອກະສານຕ່າງໆ ເປັນຕົ້ນມະຕິຄໍາສັ່ງ, ຂໍ້ກໍານົດ, ລະບຽບ ແລະເອກະສານຕ່າງໆທີ່ສໍາຄັນນໍາມາເຜີຍແຜ່ເຊື່ອມຊຶມເພື່ອໃຫ້ພະນັກງານ-ນັກຮົບມີແນວຄິດອຸ່ນອ່ຽນທຸ່ນທ່ຽງ, ມີຄຸນສົມບັດສິນທໍາປະຕິວັດໜັກແໜ້ນ, ມີສະຕິເຄົາລົບລະບຽບກົດໝາຍ,ເຮັດສໍາເລັດໜ້າທີ່ວຽກງານທີ່ການຈັດຕັ້ງມອບໝາຍໃຫ້ເອົາໃຈໃສ່ເກັບກໍາຂໍ້ມູນແຫຼ່ງຂ່າວ,ສະພາບການຕ່າງໆຂອງກຸ່ມຄົນບໍ່ດີ,ທີ່ມີການເຄື່ອນໄຫວບໍ່ຖືກຕ້ອງສອດຄ່ອງຕາມລະບຽບກົດໝາຍ ແລະໄດ້ຕີລາຄາຜົນສຳເລັດໃນແຕ່ລະດ້ານເຊັ່ນ: ວຽກງານພະແນກຫ້ອງການໄດ້ເອົາໃຈໃສ່ເປັນເສນາທິການໃຫ້ແກ່ຂັ້ນເທິງ, ວຽກງານບໍລິການຮັບໃຊ້ການນໍາ, ວຽກງານຂະບວນການ, ວຽກງານການຄຸ້ມຄອງນໍາໃຊ້ ເຄື່ອງສື່ສານເອເລັກໂຕຣນິກທີ່ຮັບໃຊ້ເຂົ້າໃນວຽກງານວິຊາສະເພາະ, ວຽກງານພາລາທິການ, ວຽກງານປັບປຸງກໍ່ສ້າງ ແລະປົກປັກຮັກສາກໍາລັງປ້ອງກັນຄວາມສະຫງົບ, ວຽກງານຄຸ້ມຄອງສໍາມະໂນຄົວ ແລະກໍ່ສ້າງຮາກຖານໂດຍລວມແມ່ນສາມາດປະຕິບັດໄດ້ຄື: ປ່ຽນປຶ້ມສໍາມະໂນຄົວໄດ້ 10 ຫົວ, ອອກປຶ້ມສໍາມະໂນຄົວໃໝ່ 10 ຫົວ, ຈໍາ ນວນພົນ 97 ຄົນ,ຍິງ 54 ຄົນ, ອາຍຸ 15 ປີຂຶ້ນໄປ 52 ຄົນ, ຍິງ 28 ຄົນ, ຮ່າງນ້ອຍ 36 ໃບ, ຮ່າງໃຫ່ຍ 10 ໃບ, ໄດ້ຕິດຕາມກວດກາຄົນເຂົ້າ-ອອກເມືອງ 195 ຄົນ, ຍິງ 53 ຄົນ, ວຽກງານສັນຕິບານໄດ້ປັບປຸງຊັບປ່ຽນພະນັກງານປະຈໍາຢູ່ຈຸດກວດກາຈຳນວນ 2 ແຫ່ງ ແລະ 1 ດ່ານ, ຊຶ່ງມາສາດເກັບກໍາຄົນເຂົ້າ-ອອກທັງໝົດ 48 ຄົນ, ຍິງ 9 ຄົນ, ລົດໃຫຍ່ເຂົ້າ-ອອກ 2 ຄັນ, ລົດຈັກເຂົ້າ-ອອກທັງໝົດ 46 ຄັນ ແລະວຽກງານອື່ນໆສຳລັບທິດ ທາງແຜນການໃນ 6 ເດືອນທ້າຍ ປີ 2020 ແມ່ນຈະໄດ້ສຸມໃສ່ຈັດຕັ້ງປະຕິບັດ 4 ຄາດໝາຍ, 4 ແຜນງານໃຫຍ່ 41 ໂຄງການໃຫ້ບັນລຸຜົນ ແລະໃຫ້ມີຜົນສຳເລັດຫຼັງຈາກນັ້ນບັນດາທ່ານທີ່ເຂົ້າຮ່ວມກໍ່ໄດ້ຜັດປ່ຽນກັນຂຶ້ນປະກອບຄໍາຄິດຄໍາເຫັນແລກປ່ຽນບົດຮຽນເຊິ່ງກັນ ແລະກັນເພື່ອເຮັດໃຫ້ຮ່າງບົດສະຫຼຸບ ແລະທິດທາງແຜນການໃຫ້ມີເນື້ອໃນຄົບຖ້ວນສົມບູນ.
  ຕອນທ້າຍ ທ່ານ ພັອ ກົງຈັນ ໄຊປັນຍາ ເລຂາຄະນະພັກຫົວໜ້າກອງບັນຊາການ ປກສ ແຂວງບໍລິຄໍາໄຊ ແລະທ່ານ ໂກ່ ໄຊສົມບັດ ເຈົ້າເມືອງໄຊຈໍາພອນກໍ່ໄດ້ພັດປ່ຽນ ກັນໃຫ້ກຽດມີຄໍາເຫັນໂອ້ລົມຊຶ່ງໄດ້ເນັ້ນໜັກໃຫ້ຄະນະພັກຄະນະບັນຊາຈົ່ງເພີ່ມທະວີເຮັດວຽກງານສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ, ພະນັກງານ-ນັກຮົບຢ່າງເປັນປົກກະຕິຕໍ່ເນື່ອງ, ເອົາໃຈໃສ່ປັບປຸງແບບແຜນວິທີນໍາພາ-ບັນຊາ, ແບບແຜນວິທີເຮັດວຽກໃຫ້ເຂົ້າສູ່ລະບົບທັນສະໄໝ, ມີວິທະຍາສາດ, ເສີມຂະຫຍາຍ ທາດແທ້, ມູນເຊື້ອທັດສະນະຫຼັກໝັ້ນຊົນຊັ້ນ, ຄຸນທາດການເມືອງ, ຄຸນສົມບັດສິນທໍາປະຕິວັດໃຫ້ໜັກແໜ້ນ ແລະເອົາໃຈໃສ່ຊີ້ນໍາ-ນໍາພາການຈັດຕັ້ງປະຕິບັດວຽກງານວິຊາສະເພາະໃຫ້ໄດ້ຮັບຜົນສໍາເລັດຢ່າງມີປະສິດທິຜົນສູງ ແລະພ້ອມກັນເອົາໃຈໃສ່ຍົກສູງສະຕິ, ຕ້ານ ແລະສະກັດກັ້ນການແຜ່ລະບາດພະຍາດໂຄວິດ-19 ຕື່ມອີກ.

-------------

ຂ່າວ: ວຽງໄຊ ມະນີຊັບ

แชร์