ບຸນມະໂຫລານສົ່ງເສີມການອ່ານ ຈະມີການສະແດງປຶ້ມກວ່າ 1 ລ້ານຫົວ

     ກອງປະຊຸມປຶກສາຫາລື ແລະກະກຽມໃຫ້ແກ່ການເປີດງານບຸນມະໂຫລານສົ່ງເສີມການອ່ານນະຄອນຫຼວງວຽງຈັນ ຄັ້ງທີ I ປະຈຳປີ 2019 ຈັດຂຶ້ນໃນວັນທີ 14 ກຸມພາ ຜ່ານມາ ຢູ່ຫ້ອງວ່າການ ປົກຄອງ ນະຄອນຫຼວງວຽງຈັນ ພາຍໃຕ້ການເປັນປະທານຂອງທ່ານ ສີຫຸນ ສິດທິລືໄຊ ຮອງເຈົ້າຄອງນະ ຄອນຫຼວງວຽງຈັນ, ມີຄະນະຈັດ ງານ, ບໍລິສັດປານຄໍາຈໍາປາ, ພາກການສຶກສາເອກະຊົນໃນນະຄອນ ຫຼວງວຽງຈັນ  ແລະ ພາກສ່ວນກ່ຽວ ຂ້ອງເຂົ້າຮ່ວມ.

  ທ່ານ ວຽງສະໄໝ ພາສະເຫຼີມ ສຸມ ຮອງຫົວໜ້າຫ້ອງວ່າການປົກ ຄອງນະຄອນຫຼວງວຽງຈັນ ໄດ້ຜ່ານຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບບຸນມະໂຫລານສົ່ງເສີມການອ່ານນະຄອນຫຼວງ ວຽງຈັນ ຄັ້ງທີ 1 ສະບັບເລກທີ 0124, ລົງວັນທີ 5 ກຸມພາ 2019 ແລະຜ່ານຮ່າງຂໍ້ຕົກລົງແຕ່ງຕັ້ງ ໜ່ວຍງານຊ່ວຍວຽກຈັດງານດັ່ງ ກ່າວ.

ຈາກນັ້ນ ຕາງໜ້າບໍລິສັດປານ ຄໍາຈໍາປາ ຫຼື ໂຮງພິມ ປານຄໍາຈໍາປາ  ແລະສໍານັກພິມມີດີບຸກສ໌ທັງເປັນເຈົ້າຂອງງານບຸນມະໂຫລານສົ່ງເສີມການອ່ານນະຄອນຫຼວງວຽງ ຈັນ ຄັ້ງທີ 1 ປະຈໍາປີ 2019 ໄດ້ລາຍງານແຜນຈັດງານວ່າ: ງານ ຄັ້ງນີ້ຈະຈັດຂຶ້ນພາຍໃຕ້ຄຳຂວັນ “ສ້າງການອ່ານໃຫ້ເປັນວັດທະນະ ທຳນຳຄວາມຮູ້ສູ່ຄວາມກ້າວໜ້າ ຢ່າງຍືນຍົງ” ທັງນີ້ກໍເພື່ອເປັນການລະດົມໃຫ້ຄົນລາວເລັງເຫັນຄວາມ ສໍາຄັນຂອງການອ່ານ ແລະ ສົ່ງເສີມ ໃຫ້ອ່ານໜັງສືຢ່າງຕໍ່ເນື່ອງລວມເຖິງການຊ່ວຍເຫຼືອພໍ່ແມ່ຜູ້ປົກຄອງ, ຄູ-ອາຈານຮັບຮູ້  ແລະມີຄວາມເຂົ້າ ໃຈເຕັກນິກວິທີການສົ່ງເສີມການ ອ່ານໃຫ້ແກ່ເດັກ ແລະເຍົາວະຊົນ ຢ່າງເໝາະສົມ ແລະໄດ້ຜົນ, ທັງຍັງ ເປັນການເປີດໂອກາດໃຫ້ຄົນລາວ ໄດ້ສໍາພັດກັບປື້ມຈາກນາໆຊາດ ເພື່ອເປີດໂລກະທັດ ແລະ ເບິ່ງເຫັນ ການພັດທະນາອຸດສາຫະກໍາປື້ມໃນຕ່າງປະເທດ  ແລະຂະນະດຽວກັນກໍເປີດໂອກາດໃຫ້ຄົນຕ່າງຊາດສໍາພັດກັບປື້ມອ່ານຂອງລາວ ແລະຍັງ ເປັນການສື່ກາງໃນການສ້າງໂອກາດໃຫ້ກັບນັກຂຽນ ແລະສໍານັກ ພິມຂອງລາວໃນການຈໍາໜ່າຍລິຂະ ສິດໃຫ້ກັບຕ່າງປະເທດ. ນອກຈາກ ນີ້ຍັງເປັນການສົ່ງເສີມໃຫ້ສໍານັກພິມ ໃນປະເທດລາວເກີດຄວາມຕື່ນຕົວປັບປຸງ ແລະພັດທະນາການຜະລິດປື້ມໃຫ້ມີຄຸນນະພາບມີຄວາມຫຼາກ ຫຼາຍເປັນປະໂຫຍດແກ່ຜູ້ອ່ານ  ແລະ ການພັດທະນາປະເທດໃນທຸກດ້ານອີກດ້ວຍ.

 ງານດັ່ງກ່າວຈະຈັດຂຶ້ນໃນລະ ຫວ່າງວັນທີ 7-17 ມີນາ 2019 ທີ່ສູນການຄ້າສາກົນເວີສເທຣດ ເຊັນເຕີ (WTC), ຖະໜົນຄູວຽງ, ນະຄອນຫຼວງວຽງຈັນ. ພາຍໃນ ງານຈະມີການຈັດສະແດງປຶ້ມອ່ານກວ່າ 1 ລ້ານຫົວ ຈາກທັງພາຍໃນ ແລະຕ່າງປະເທດ ໂດຍສະເພາະຈາກບັນດາປະເທດໃນອາຊຽນ ແລະມີ ກິດຈະກຳສົ່ງເສີມການອ່ານ, ຖາມ- ຕອບຄວາມຮູ້ອາຊຽນ, ການສະ ແດງສີລະປະ-ວັນນະຄະດີ, ການ ແຂ່ງຂັນກີລາ ແລະກິດຈະກຳອື່ນໆອີກຫຼາກຫຼາຍລາຍການ.

แชร์