ສະຫຼຸບ 6 ເດືອນຕົ້ນປີຂອງໜ່ວຍບໍລິການ ທະນາຄານນະໂຍບາຍເມືອງບົວລະພາ

  ອາທິດຜ່ານມາຢູ່ທີ່ຫ້ອງປະຊຸມໜ່ວຍບໍລິການທະນາຄານນະໂຍບາຍເມືອງບົວລະພາ, ໄດ້ເປີດກອງປະຊຸມສະຫຼຸບ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2020,ໂດຍການເປັນປະທານຂອງທ່ານ ສຸກຂະເສີມ ແກ້ວຈັນທະລາຮອງເຈົ້າເມືອງໆບົວລະພາມີຄະນະພັກເມືອງ, ຫົວໜ້າໜ່ວຍບໍລິການຮອງຫົວໜ້າໜ່ວຍບໍລິການພ້ອມວິຊາການ, ພາຍໃນໜ່ວຍບໍລິການທະນາຄານນະໂຍບາຍເມືອງບົວລະພາເຂົ້າຮ່ວມ.

 ໃນກອງປະຊຸມຄັ້ງນີ້ ທ່ານ ສຸກຂະເສີມ ແກ້ວຈັນທະລາ ຮອງເຈົ້າເມືອງໆບົວລະພາກໍໄດ້ປະກອບຄຳຄິດເຫັນຊີ້ນຳພ້ອມທັງກ່າວເປີດກອງປະຊຸມຢ່າງເປັນທາງການ,ຈາກນັ້ນກອງປະຊຸມກໍ່ໄດ້ຮັບຟັງການລາຍງານຈາກໜ່ວຍບໍລິການທະນາຄານນະໂຍບາຍເມືອງ, ໃນການຈັດຕັ້ງປະຕິບັດເຄື່ອນໄຫວໜ້າທີ່ວຽກງານໃນໄລຍະ 6 ເດືອນຕົ້ນປີ 2020 ພ້ອມນັ້ນກໍ່ຍັງຜ່ານທິດທາງແຜນການ 6 ເດືອນທ້າຍປີ 2020 ໃນການເກັບກູ້ໜີ້ສິນຈາກຜູ້ທີ່ກູ້ຍືມໃຫ້ບັນລຸຕາມຄາດໝາຍ ແລະກອງປະຊຸມຍັງໄດ້ຄົ້ນຄວ້າປຶກສາຫາລືແກ້ໄຂບັນຫາໜີ້ສິນລູກຄ້າລາຍກຸ່ມ-ລາຍບຸກຄົນທີ່ຕິດພັນກັບຄອບຄົວພະນັກງານໃຫ້ສໍາລະໜີ້ສິນຕາມລະບຽບທະນາຄານວາງອອກແຕ່ລະໄລຍະເພື່ອສ້າງຄວາມເຂັ້ມເເຂງໃຫ້ແກ່ໜ່ວຍບໍລິການໃນການເກັບກູ້ໜີ້ສິນ ແລະ ເພື່ອສ້າງເງື່ອໄຂໃຫ້ແກ່ການພັດທະນາເມືອງບົວລະພາມີທ່າອ່ຽງຂະຫຍາຍຕົວເທື່ອລະກ້າວ ແລະເພື່ອສືບຕໍ່ການຈັດຕັ້ງຜັນຂະຫຍາຍແຈ້ງການສະບັບເລກທີ 03/ຈຂ.ຄມ ລົງວັນທີ 26 ກຸມພາປີ 2020, ການປະຕິບັດການແກ້ໄຂໜີ້ສີນກັບທະນາຄານນະໂຍບາຍ.

  ໃນຕອນທ້າຍກອງປະຊຸມຄັ້ງນີ້ປະທານກອງປະຊຸມກໍ່ໄດ້ໃຫ້ທິດຊີ້ນຳເປັນຕົ້ນເເມ່ນທ່ານໄດ້ເນັ້ນໜັກບັນຫາການຄຸ້ມຄອງສີນເຊື່ອ ແລະ ໜີ້ສິນໃຫ້ເປັນລະບົບຕໍ່ເນື່ອງສືບຕໍ່ກວດກາບັນຫາໜີ້ສິນທີ່ຕິດພັນກັບພາກສ່ວນຄອບຄົວ-ພະນັກງານແມ່ນໃຫ້ແກ້ໄຂຕາມລະບຽບຂອງທະນາຄານວາງອອກ ແລະໃນນັ້ນທ່ານກໍ່ຍັງໄດ້ຮຽກຮ້ອງໃຫ້ທຸກຊັ້ນຄົນຕ້ອງມີຄວາມຮັບຜິດຊອບສູງຕໍ່ໜີ້ສິນຂອງຕົນກໍ່ຄືການປະກອບສ່ວນເຂົ້າໃນການສ້າງສາພັດທະນາປະເທດຊາດຢ່າງເຕັ້ມສ່ວນ. 

___________

ຂ່າວ: ທ. ບຸນປະພາດ  

ຮູບພາບ: ໜັງສືພິມເສດຖະກິດ-ສັງຄົມ

แชร์