ເມືອງໂຂງ ມີ 86 ກອງທຶນ ພັດທະນາບ້ານ ມີເງິນທ້ອນ 17 ຕື້ກວ່າກີບ

   ເມືອງໂຂງ ແຂວງຈໍາປາສັກຖືເປັນອີກເມືອງໜຶ່ງທີ່ມີການລະດົມການສ້າງກອງທຶນບ້ານ ແລະເປັນການຈັດຕັ້ງປະຕິບັດຢ່າງມີປະສິດທີ່ຜົນ ແລະ ສາມາດສ້າງເງື່ອນໄຂໃຫ້ກັບປະຊາຊົນໄດ້ມີບ່ອນຜ່ານ, ມີລາຍຮັບເຮັດໃຫ້ປະຊາຊົນມີຄວາມເຊື່ອໝັ້ນຕໍ່ການບໍລິຫານຈັດການກໍ່ຄືການນໍາຄວາມຮູ້ຂອງຂະແໜງການກ່ຽວຂອງລົງສູ້ບ້ານຈົນເຮັດໃຫ້ປະຈຸບັນທົ່ວເມືອງໄດ້ມີກອງທຶນບ້ານເຖິງ 86 ກອງທຶນ ແລະມີເງິນທ້ອນຂອງສະມາຊິກທັງໝົດຫຼາຍກວ່າ 17 ຕື້ກວ່າກີບ.
  ກອງທຶນພັດທະນາບ້ານເປັນກອງທຶນເພື່ອສ້າງໃຫ້ປະຊາຊົນໄດ້ມີໂອກາດເຂົ້າເຖິງສິນເຊື່ອ ແລະມີເງື່ອນໄຂຢຶມເພື່ອທໍາການຜະລິດ, ເຮັດທຸລະກິດຂະໜາດນ້ອຍ ແລະທັງເປັນການຫຼຸດຜ່ອນກູ້ຢືມເງິນນອກລະບົບທີ່ມີອັດຕາດອກເບ້ຍສູງ, ດັ່ງນັ້ນເມືອງໂຂງ ແຂວງຈໍາປາສັກຈຶ່ງໄດ້ສ້າງກອງທຶນພັດທະນາບ້ານດັ່ງກ່າວຂຶ້ນ,ມາຮອດປະຈຸບັນທົ່ວເມືອງມີກອງທຶນບ້ານທັງໝົດ 86 ກອງທຶນ, ລວມທັງ ສສງ ຫຼືສະຫະກອນສິນເຊື່ອ ແລະເງິນຝາກປະຢັດ 2 ແຫ່ງ ໃນນັ້ນເປັນກອງທຶນທີ່ສະຫະພັນແມ່ຍິງເມືອງຮັບຜິດຊອບຈໍານວນ 20 ກອງທຶນ ແລະຫ້ອງການກະສີກໍາ ແລະປ່າໄມ້ເມືອງຮັບຜິດຊອບຈໍານວນ 68 ກອງທຶນ, ລວມມີເງິນທ້ອນຂອງສະມາຊິກທັງໝົດຈໍານວນທັງ ໝົດ 17 ຕື້ກວ່າກີບ, ມີສະມາຊິກທັງໝົດ 6 ພັນກວ່າຄົນ.
  ທ່ານ ທອງໃສ ສິມຈະເລີນ ຫົວໜ້າຫ້ອງການກະສີກໍາ ແລະປ່າໄມ້ເມືອງໂຂງ ແຂວງຈໍາປາສັກ ໄດ້ລາຍງາຍໃຫ້ຮູ້ວ່າ: ໃນທົ່ວເມືອງມີກອງທຶນບ້ານທີ່ເຂັ້ມແຂງສາມາດປັນຜົນໃຫ້ສະມາຊິກໃນທ້າຍປີໄດ້ຈໍານວນ 16 ກອງທຶນຄື: ບ້ານນາຝັ່ງ, ບຸ່ງ, ບຶງງາມ, ດອນເຫຼັກໄຟ, ນາ, ນາກະສັງ, ທ່າຄໍ້, ຂະເໝົາໂພນຈໍາປາ, ຫົວໂລງບວກໂລງຊົ້ງ, ຫົວຮີນ້ອຍ, ນາສົ້ມໂຮງ, ຫ້ວຍ, ພິມານໂພນ, ຫາດ, ຫົວສະດໍາ, ລວມທັງ ສສງ 2 ແຫ່ງ, ມີກອງທຶນ ລະ ດັບປານກາງ 24 ກອງທຶນຄື: ບ້ານເວີນ ສົ້ມ, ດອນເດດ, ພຽງດີ, ດອນຄອນ, ໂພນ, ດອນພະເພັງ, ຫາງສະດໍາ, ດອນເຊໂຮງ, ດອນຊົມ, ດອນຕານ, ຫາງໂລງ, ໂລງກາງ, ດອນກະເດັນ,ຂະເໝົາພູແມວ, ກາງໂຂງ, ໂສດ, ນາປາກຽບ ແລະບ້ານດອນສົມເວັນອອກ ແລະນອກນີ້ຍັງມີກອງທີ່ບໍ່ສາມາດປັນຜົນໃຫ້ສະມາຊິກໄດ້ມີຈໍານວນ 46 ກອງທຶນ.

แชร์