ລືໄອໂຟນ 12 ຈະວາງຈຳໜ່າຍຊ້າລົງເປັນເດືອນ

   iPhone 12 ນັບເປັນອີກລຸ້ນໜຶ່ງທີ່ເປັນຄວາມຫວັງຂອງ Apple ເນື່ອງຈາກຈະເປັນລຸ້ນທຳອິດທີ່ມາພ້ອມກັບເຕັກໂນໂລຊີ 5ຈີ ຫຼັງຈາກແຕ່ລະແບຣນເປີດໂຕສະ ມາດໂຟນພ້ອມ 5ຈີ ໄປກັນໝົດ ແລ້ວມາຊ້າກວ່ານີ້ມີຫວັງລູູກຄ້າຫາຍໝົດແນ່ນອນແຕ່ເບິ່ງຄືວ່າ Apple ກຳລັງປະສົບບັນຫາບໍ່ສາມາດຜະລິດໄດ້ທັນກຳນົດ.

  Nikkei ລາຍງານວ່າ Apple ກຳລັງປະສົບບັນຫາເປີດໂຕ iPhone12 ລຸ້ນໃໝ່ຊ້າລົງກວ່າເດີມເນື່ອງຈາກການແຜ່ລະບາດຂອງໄວຣັດໂຄໂຣນາ ຫຼື ໂຄວິດ-19 ເກີດການປະກາດປິດເມືອງເຮັດໃຫ້ຫຼາຍໂຮງງານປິດຊົ່ວຄາວ ໂດຍແຫຼ່ງ ທີ່ມາຂອງ Nikkei ລາຍງານວ່າ Apple ໄດ້ຮ່ວມມືກັບຜູ້ຜະລິດແກ້ ບັນຫາຄວາມຊັກຊ້າໃຫ້ຫຼາຍທີ່ສຸດເທົ່າທີ່ຈະເຮັດໄດ້ສ່ວນຂ່າວລືກ່ອນໜ້ານີ້ທີ່ລະບຸວ່າ Apple ຈະເລື່ອນເປີດໂຕ iPhone 12 ຊ້າໄປຈົນ ເຖິງປີ 2021  ນັ້ນກໍບໍ່ໜ້າຈະເກີດຂຶ້ນ ແລ້ວສ່ວນຈະເປີດໂຕຊ້າຫຼາຍປານ ໃດກໍຂຶ້ນຢູ່ກັບສະຖານະການໃນປະຈຸບັນ.

    ນອກຈາກບັນຫາເລື່ອງໂຮງ ງານຜູ້ຜະລິດຕ້ອງຢຸດຊົ່ວຄາວແລ້ວ Apple ກໍຕິດບັນຫາເລື່ອງພະນັກງານຕ້ອງເຣັດວຽກຢູ່ກັບເຮືອນແທນເຮັດໃຫ້ Apple ຕັດສີນໃຈຕ້ອງປະກາດໃຫ້ພະນັກງານກັບມາເຮັດວຽກທີ່ບໍລິສັດຕື່ມອີກເນື່ອງຈາກວຽກບາງຢ່າງບໍ່ສາມາດດຳເນີນຕໍ່ດ້ວຍມາດຕະການ Work From Home ໄດ້ເຊັ່ນຂະບວນການທົດສອບເປັນຕົ້ນເມື່ອຂະບວນການທົດສອບບໍ່ສາມາດເຮັດໄດ້ກໍເຮັດໃຫ້ດິໄຊ (ສຸດທ້າຍ) ຂອງ iPhone ນັ້ນຍັງບໍ່ຮຽບຮ້ອຍດີອີກດ້ວຍ.

----------

ໜັງສືພິມເສດຖະກິດ-ສັງຄົມ

แชร์