ເຫດນໍ້າຖ້ວມຢູ່ອິນເດຍເສຍຊີວິດເກືອບ 900 ຄົນ

  ເກີດເຫດຝົນຕົກລົງມາຢ່າງໜັກທົ່ວປະເທດອິນເດຍຕໍ່ເນື່ອງມາຫຼາຍວັນສົ່ງຜົນເຮັດໃຫ້ເກີດນໍ້າຖ້ວມ ແລະດິນເຈື່ອນເປັນບໍລິເວນກວ້າງເຮັດໃຫ້ມີຜູ້ເສຍຊີວິດແລ້ວ 868 ຄົນ.

  ຕາມຂ່າວຕ່າງປະເທດລາຍງານວ່າສຳນັກງານບໍລິຫານຈັດການໄພພິບັດຂອງກະຊວງປ້ອງກັນປະເທດອິນເດຍລະບຸວ່າຝົນທີ່ຕົກລົງມາຢ່າງໜັກເຮັດໃຫ້ເກີດນໍ້າຖ້ວມໃນຫຼາຍລັດຊຶ່ງລວມທັງລັດພິຫານ, ອັສສຳ ແລະ ຫຼາຍພື້ນ ທີ່ຂອງລັດເມຂາໄລ, ມູນໄບ, ຄອນຄານ ແລະອື່ນໆ ໃນຕົ້ນເດືອນສິງຫາທີ່ຜ່ານມາ ແລະຍັງເກີດນໍ້າຖ້ວມກະທັນຫັນໃນລັດຣາດສະຖານໃນວັນທີ 15 ສິງຫາທີ່ຜ່ານມາເຮັດໃຫ້ມີຜູ້ເສຍຊີວິດແລ້ວ 868 ຄົນ ຈາກເຫດການນໍ້າຖ້ວມໃນ 11 ລັດເມື່ອທຽບກັບ 908 ຄົນໃນ ໄລຍະເວລາດຽວກັນຂອງປີທີ່ຜ່ານມາ, ນອກຈາກນີ້ກະແສນໍ້າຍັງພັດເອົາເຮືອນຊານປະຊາຊົນອຍໄປຕາມກະແສນໍ້າ ແລະຖ້ວມພື້ນທີ່ກະສິກຳ, ພືດຜັກຜົນລະປູກໄດ້ຮັບຄວາມເສຍຫາຍຢ່າງໜັກໃນຫຼາຍລັດ, ປະຊາຊົນຫຼາຍລ້ານຄົນໄດ້ຮັບຄວາມເດືອດຮ້ອນ.

 ເຈົ້າໜ້າທີ່ກູ້ໄພໄດ້ເຂົ້າໄປໃຫ້ຄວາມຊ່ວຍເຫຼືອຜູ້ປະສົບໄພໃນພື້ນທີ່ໆໄດ້ຮັບຄວາມເດືອດຮ້ອນແລ້ວສຳນັກງານອຸຕຸນິຍົມວິທະຍາຂອງອິນເດຍເຕືອນວ່າຄາດວ່າຝົນຈະຍັງຕົກໜັກຕໍ່ເນື່ອງໃນພາກຕາເວັນຕົກສຽງເໜືອຂອງປະເທດ.

• 21/08/2020