ຖວທ ເມືອງໝື່ນ ເຜີຍແຜ່ເອກະສານດ້ານວັດທະນະທຳ

  ກອງປະຊຸມເຜີຍແຜ່ເອກະສານກໍ່ສ້າງບຸກຄົນ, ຄອບຄົວ, ບ້ານ ແລະກຸ່ມບ້ານຕົວແບບທາງດ້ານວັດທະນະທຳຂອງຫ້ອງການ ຖະແຫຼງຂ່າວວັດທະນະທໍາ ແລະທ່ອງທ່ຽວ (ຖວທ) ເມືອງໝື່ນ ແຂວງວຽງຈັນ ໄດ້ຈັດຂຶ້ນໃນອາທິດຜ່ານມາຢູ່ບ້ານໂນນໄຮ ໂດຍມີ ທ່ານ ໄທທ່າວ ເຈີ່ຈິງ ຫົວໜ້າໂຄສະນາອົມຮົມເມືອງ, ທ່ານ ສຸວັນນີ ທຳມີພົນ ວ່າການຫົວໜ້າຫ້ອງການ ຖວທ ເມືອງ, ມີທ່ານ ຄົວຟື ທ່າວ ນາຍບ້ານໂນນໄຮ, ມີເຖ້າແກ່ແນວໂຮມ ແລະອົງການປົກຄອງບ້ານເຂົ້າຮ່ວມ.

 ໃນພິທີຄະນະກຳມະການກໍ່ສ້າງບຸຄົນ, ຄອບຄົວ ແລະບ້ານວັດທະນະທຳໄດ້ຜ່ານຂໍ້ຕົກລົງຂອງ ທ່ານເຈົ້າເມືອງ-ເມືອງໝື່ນ ສະບັບເລກທີ 165 /ຈມ.ມໝ ລົງວັນທີ 15 ມີຖຸນາ 2020 ວ່າດ້ວຍ ການແຕ່ງຕັ້ງຄະນະຮັບຜິດຊອບວຽກງານການກໍ່ສ້າງບຸກຄົນ, ຄອບຄົວ, ບ້ານ, ກຸ່ມບ້ານ, ກົມກອງ ແລະບ້ານຕົວແບບທາງດ້ານວັດທະນະທຳ, ຫຼັງຈາກນັ້ນທ່ານ ສຸວັນນີ ທໍາມີພົນ ວ່າການຫົວໜ້າຫ້ອງການ ຖວທ ເມືອງໝື່ນ ໄດ້ຜ່ານຈຸດປະສົງໃນການລົງເກັບຂໍ້ມູນຄອບຄົວພາຍໃນບ້ານ ແລະຜ່ານເອກະສານມາດຖານບຸກຄົນ, ຄອບຄົວທີ່ໄດ້ ເປັນຕົວແບບທາງດ້ານວັດທະນະທຳ, ນອກນັ້ນຍັງໄດ້ແນະນຳກ່ຽວກັບການນຳໃຊ້ແບບຟອມເອກະສານປະເມີນຄອບຄົວພາຍໃນບ້ານ ໃຫ້ແກ່ບັນດາຜູ້ເຂົ້າຮ່ວມເພື່ອໄປຈັດຕັ້ງປະຕິບັດໃຫ້ຖືກຕ້ອງຕາມ ເປົ້າໝາຍທີ່ກຳນົດໄວ້.

 ທ້າຍກອງປະຊຸມທ່ານ ຄົວຟືທ່າວ ນາຍບ້ານ-ບ້ານໂນນໄຮ ຍັງໄດ້ເໜັ້ນໜັກໃຫ້ເຖົ້າແກ່ແນວໂຮມຫົວໜ້າສີງຊາວໃຫ້ເອົາໃຈໃສ່ປຸກລະດົມພໍ່ແມ່ປະຊາຊົນພາຍໃນບ້ານ ໂນນໄຮໃຫ້ພ້ອມກັນເຂົ້າວຽກງານດັ່ງກ່າວພ້ອມປັບປຸງຄອບຄົວຂອງ ຕົນໃຫ້ຖືກຕ້ອງຕາມມາດຖານບຸກ ຄົນ, ຄອບຄົວວັດທະນະທຳ ແລະ ຍັງໄດ້ເໜັ້ນໜັກໃຫ້ບັນດາຫົວໜ້າໜ່ວຍພາຍໃນບ້ານເອົາໃຈໃສ່ໃນການເກັບກໍາຂໍ້ມູນຄອບຄົວຂອງ ລູກໜ່ວຍຂອງຕົນໃຫ້ຖືກຕ້ອງ ແລະຊັດເຈນຕາມຄວາມເປັນຈິງ.

----------

ໜັງສືພິມເສດຖະກິດ-ສັງຄົມ

แชร์