ເມືອງໄຊຍະບູລີ ສະຫຼຸບການຈັດຕັ້ງແຜນງົບປະມານແຫ່ງລັດ 6 ເດືອນຕົ້ນປີ

  ວັນທີ 12 ສິງຫາ 2020 ນີ້ ເມືອງໄຊຍະບູລີ ໄດ້ຈັດກອງປະຊຸມສະຫຼຸບການຈັດຕັ້ງແຜນງົບປະມານແຫ່ງລັດ 6 ເດືອນຕົ້ນປີ, ແຜນດັດແກ້ 6 ເດືອນທ້າຍປີ ແລະຄາດຄະເນປະຕິບັດໝົດປີ 2020 ທີ່ຫ້ອງປະຊຸມຫ້ອງວ່າການ ເມືອງໄຊຍະບູລີ ໂດຍການເປັນປະທານຂອງທ່ານ ສອນສະຫວັນ ຈັນທະວົງ ຮອງເຈົ້າເມືອງໄຊຍະບູລີ, ມີກໍາມະການພັກເມືອງ,ຫົວໜ້າ, ຮອງຫົວໜ້າຫ້ອງການ, ພະນັກງານວິຊາການຫຼັກແຫຼ່ງຂອງຫ້ອງການອ້ອມຂ້າງເມືອງ, ອົງການປົກຄອງບ້ານພ້ອມດ້ວຍຂະແໜງການເງິນຂອງບ້ານເຂົ້າຮ່ວມ.

ໃນກອງປະຊຸມທ່ານ ວືຊົ່ງ ເຊັ່ຍລີ ວ່າການຫົວໜ້າຫ້ອງການ-ການເງິນເມືອງໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ ແລະທິດທາງແຜນການ 6 ເດືອນທ້າຍປີ, ຄາດຄະເນໝົດປີ 2020 ບາງຕອນທ່ານກ່າວວ່າ: ໃນປີ 2020 ເມືອງໄຊຍະບູລີ ຕົວເລກແຜນຮັບງົບປະມານຈາກແຂວງເບື້ອງຕົ້ນຈໍານວນ 5 ຕື້ກວ່າກີບ,ແຜນດັດແກ້ 4 ຕື້ກວ່າກີບ,ທຽບໃສ່ແຜນເບື້ອງຕົ້ນຫຼຸດລົງເທົ່າກັບ 27,48%,ເປັນເງິນ 1 ຕື້ກວ່າກີບ,ທຽບໃສ່ແຜນການປີຜ່ານມາຫຼຸດລົງ 46,48%, ເປັນເງິນ 4 ຕື້ກວ່າກີບ, ແຜນເບື້ອງຕົ້ນ 6 ເດືອນຕົ້ນປີ 2 ຕື້ກວ່າກີບ, ກວມເອົາ 50% ຂອງແຜນການປີຜ່ານການຈັດຕັ້ງປະຕິບັດ 6 ເດືອນຜ່ານມາ ສາມາດຈັດເກັບລາຍຮັບໄດ້ທັງໝົດ 1 ຕື້ກວ່າກີບ ເທົ່າກັບ 65,15% ຂອງແຜນ 6 ເດືອນຕົ້ນປີ ເທົ່າກັບ 32,57% ຂອງແຜນການປີ, ທຽບໃສ່ແຜນດັດແກ້ເທົ່າ ກັບ 46,43% ທຽບ ໃສ່ໄລຍະດຽວກັນເທົ່າກັບ 42,93% ໃນນີ້ສ່ວຍສາອາກອນແຜນປີ 5 ຕື້ກວ່າກີບ, ແຜນດັດແກ້ 3 ຕື້ກວ່າກີບ, ເທົ່າກັບ 69,88% ເປັນເງິນ 1 ຕື້ກວ່າກີບ,ແຜນເບື້ອງຕົ້ນ 6 ເດືອນຕົ້ນປີ 2 ຕື້ກວ່າກີບ ກວມເອົາ 50% ຂອງແຜນການປີ, ໃນ 6 ເດືອນສາມາດປະຕິບັດໄດ້ 1  ຕື້ກວ່າກີບ ເທົ່າກັບ 59,56% ຂອງແຜນ 6 ເດືອນຕົ້ນປີເທົ່າກັບ 29,78% ຂອງແຜນການປີ, ທຽບໃສ່ແຜນດັດແກ້ເທົ່າກັບ 42,61% ທຽບໃສ່ໄລຍະດຽວກັນຂອງປີຜ່ານມາເທົ່າກັບ 38,35% ແລະຂະແໜງຄຸ້ມຄອງຊັບສິນຂອງລັດແຜນປີ 520 ລ້ານກີບ, ແຜນ 6 ເດືອນຕົ້ນປີ 260 ລ້ານກີບ, ກວມເອົາ 50% ຂອງແຜນການປີ. ໃນ 6 ເດືອນສາມາດປະຕິ ບັດໄດ້ 321 ລ້ານກວ່າກີບ, ເທົ່າກັບ 123,47% ຂອງແຜນ 6 ເດືອນ ຕົ້ນປີເທົ່າກັບ 61,63% ຂອງແຜນການປີ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 111,58%.

  ໃນພິທີຜູ້ເຂົ້າຮ່ວມກອງປະຊຸມກໍ່ຍັງໄດ້ຮັບຟັງແຈ້ງການຂອງກະຊວງການເງິນສະບັບເລກທີ 1951/ກງ, ລົງວັນທີ 21 ກໍລະກົດ 2020 ກ່ຽວກັບມາດຕະການ ຄຸ້ມ ຄອງ ແລະການຈັດຕັ້ງປະຕິບັດງົບປະມານແຫ່ງລັດ 6 ເດືອນ ທ້າຍປີ 2020, ແຈ້ງການກະຊວງການເງິນສະບັບເລກທີ 2056/ກງ,ລົງວັນທີ 30 ກໍລະກົດ 2020 ກ່ຽວກັບການຈັດຕັ້ງປະຕິບັດມາດຕະການຊຸກຍູ້ການເກັບລາຍຮັບໃນ 6 ເດືອນທ້າຍປີ 2020, ແຈ້ງການກະຊວງການເງິນສະບັບເລກທີ 1989/ກງ, ລົງວັນທີ 23 ກໍລະກົດ 2020 ກ່ຽວກັບການປຸກລະດົມ ແລະຊຸກຍູ້ການເສຍຄ່າທໍານຽມທາງ ແລະຮັບຟັງຂໍ້ຕົກລົງຂອງທ່ານເຈົ້າເມືອງວ່າດ້ວຍການແຕ່ງຕັ້ງຄະນະຮັບຜິດຊອບແຈກ ຢາຍສະຫຼາກຊີງໂຊກເພື່ອຕ້ອນຮັບກອງປະຊຸມໃຫຍ່ອົງຄະນະພັກແຂວງຄັ້ງທີ VII ສະບັບເລກທີ 420/ຈມ. ຊຍ, ລົງວັນທີ 10 ສິງຫາ 2020.

  ໃນກອງປະຊຸມຜູ້ເຂົ້າຮ່ວມກໍ່ຍັງໄດ້ປະກອບຄໍາຄິດຄໍາເຫັນຢ່າງກົງໄປກົງມາ ແລະຕອນທ້າຍກອງປະຊຸມທ່ານ ສອນສະຫວັນ ຈັນທະວົງ ຮອງເຈົ້າເມືອງກໍ່ໄດ້ໃຫ້ກຽດໂອ້ລົມຕໍ່ກອງປະຊຸມຕື່ມອີກ.

-------------

ຂ່າວ: ອໍາມາລາ ໄຊຍະທັກ

ຮູບພາບ: ໜັງສືພິມເສດຖະກິດ-ສັງຄົມ

แชร์