ເມືອງຫົວເມືອງປະກາດ 4 ບ້ານເປັນບ້ານວັດທະນະທຳ

  ຕົ້ນເດືອນ ກຸມພາ 2019 ນີ້, ເມືອງຫົວເມືອງແຂວງຫົວພັນ ໄດ້ຈັດ ພິທີປະກາດ 4 ບ້ານຄື: ບ້ານປ່າຊອດ, ບ້ານສາມຫ້ວຍ, ບ້ານມົນ ແລະບ້ານ ຕາດໄກ່ເປັນບ້ານວັດທະນະທຳບ້ານທີ 47, 48, 49, 50 ຂອງເມືອງ ແລະ ບ້ານທີ 406, 407, 408, 409  ຂອງ ແຂວງຫົວພັນ.

    ໃນຈຳນວນ 4 ບ້ານຊຶ່ງປະກອບ ມີ 235 ຫຼັງຄາເຮືອນ, ມີພົນລະເມືອງທັງໝົດ 1.910 ຄົນ, ຍິງ 971 ຄົນ, ມີ 2 ຊົນເຜົ່າອາໃສຢູ່ຮ່ວມກັນຄື: ເຜົ່າ  ມົ້ງ ແລະເຜົ່າຟ້ອງ, ໃນແຕ່ລະບ້ານປະ ກອບມີ 1 ໜ່ວຍພັກ, ລວມມີສະມາ ຊິກພັກທັງໝົດ 33 ສະຫາຍ, ຍິງ 1 ສະຫາຍ, ນອກຈາກນີ້ພາຍໃນບ້ານຍັງ ປະກອບມີບັນດາອົງການຈັດຕັ້ງມະ ຫາຊົນຕ່າງໆຄົບຊຸດທີ່ເຄື່ອນໄຫວຖືກ ຕ້ອງຕາມພາລະບົດບາດຂອງຕົນ. ອາຊີບຕົ້ນຕໍຂອງປະຊາຊົນສ່ວນຫຼາຍ ແມ່ນເຮັດນາ,  ປູກພືດເປັນສິນຄ້າ,  ລ້ຽງສັດ ແລະປູກໄມ້ອຸດສາຫະກຳ, ທັງ 4 ບ້ານມີເນື້ອທີ່ນາທັງໝົດ 72 ເຮັກຕາ, ສະມັດຖະພາບ 3 ໂຕນຕໍ່ເຮັກຕາ, ສະ    ເລ່ຍໃສ່ຜູ້ໜຶ່ງໄດ້ຮັບເຂົ້າເປືອກ 350 ກິໂລກຣາມຕໍ່ຄົນຕໍ່ປີ, ເນື້ອທີ່ປູກພືດຕ່າງໆ 183 ເຮັກຕາ, ປູກໄມ້ອຸດສາຫະກຳ 19 ເຮັກຕາ, ສາມາດສ້າງ ລາຍຮັບເຂົ້າບ້ານໄດ້ 4,95 ຕື້ກີບ ສະເລ່ຍໃສ່ພົນລະເມືອງຜູ້ໜຶ່ງໄດ້ 2,5 ລ້ານກີບຕໍ່ຄົນຕໍ່ປີ. ດ້ານວັດ ທະນະທຳ-ສັງຄົມເດັກເກນອາຍຸ ໄດ້ເຂົ້າໂຮງຮຽນ 100%, ທຸກຄອບ ຄົວໄດ້ນອນໃນມຸ້ງຍ້ອມຢາ, ມີນໍ້າລິນ  ຊົມໃຊ້ພ້ອມນີ້ພາຍໃນບ້ານຍັງໄດ້ອະນຸ ລັກຮັກສາ,  ສົ່ງເສີມມູນເຊື້ອວັດທະນະທຳ, ຮີດຄອງປະເພນີອັນດີງາມຂອງເຜົ່າ, ມີຄວາມສາມັກຄີຊ່ວຍເຫຼືອເຊິ່ງ ກັນ ແລະກັນ, ປະກອບສ່ວນເຂົ້າໃນ ວຽກງານປ້ອງກັນຊາດ-ປ້ອງກັນ ຄວາມສະຫງົບເຮັດໃຫ້ພາຍໃນບ້ານມີ ຄວາມສະຫງົບໂດຍພື້ນຖານ.

  ເຂົ້າຮ່ວມໃນພິທີດັ່ງກ່າວມີທ່ານ ອ່ອນພັນ ທອງທິດາ ເຈົ້າເມືອງໆ ຫົວເມືອງ, ທ່ານ ໄຊຈື ທໍມາລາສິນ ຫົວໜ້າຫ້ອງການຖະແຫຼງຂ່າວ, ວັດ ທະນະທໍາ  ແລະທ່ອງທ່ຽວເມືອງ,  ທ່ານ ຕົ່ງຫວ່າງ  ຊົງຢ້າວ  ປະທານກວດກາ ພັກ-ລັດເມືອງ, ມີພາກສ່ວນທີ່ກ່ຽວຂ້ອງຂັ້ນເມືອງ,  ແຂກຖືກເຊີນ,  ອຳນາດການປົກຄອງ ແລະປະຊາຊົນທັງ 4 ບ້ານເຂົ້າຮ່ວມຢ່າງຫຼວງຫຼາຍ.

แชร์