ທົ່ວໂລກຕິດເຊື້ອໂຄວິດຫຼາຍກວ່າ 22 ລ້ານຄົນ

  ຈຳນວນຄົນເຈັບທີ່ຕິດເຊື້ອໂຄວິດ-19 ທົ່ວໂລກໃນຕອນເຊົ້າຂອງວັນທີ 18 ສິງຫາເພີ່ມຂຶ້ນເປັນສະຖິຕິໃໝ່ຢູ່ທີ່ 22.035.263 ຄົນຫຼັງຈາກມີຜູ້ຕິດເຊື້ອເພີ່ມ 190.239 ຄົນໃນ 24 ຊົ່ວໂມງທີ່ ຜ່ານມາ ເປັນການເພີ່ມຂຶ້ນຂອງ ຜູ້ຕິດເຊື້ອລາຍໃໝ່ອີກ 1 ລ້ານຄົນ ໃນເວລາພຽງ 4 ວັນ.

    ຕາມຂ່າວຕ່າງປະເທດລາຍ ງານວ່າ ປະເທດທີ່ມີການຕິດເຊື້ອ ລາຍໃໝ່ເພີ່ມຫຼາຍທີ່ສຸດຄື ອິນ ເດຍຢູ່ທີ່ 54.288 ຄົນ, ຮອງລົງ ມາອາເມລິກາ 39.737 ຄົນ ແລະບຣາຊິນ 23.038 ຄົນ, ໂດຍ 10 ອັນດັບທຳອິດຂອງປະເທດທີ່ມີຜູ້ຕິດເຊື້ອສູງທີ່ສຸດໃນໂລກຄື ອາເມລິກາຍັງຕິດເຊື້ອຫຼາຍທີ່ສຸດຢູ່ທີ່ 5.611.152 ຄົນ, ບຣາຊິນ 3.363.235 ຄົນ, ອິນເດຍ 2.701.604 ຄົນ, ຣັດເຊຍ 927.745 ຄົນ, ອາຟຣິກາໃຕ້ 589.886 ຄົນ, ເປຣູ 535.946 ຄົນ, ເມັກຊິກ 522.162 ຄົນ ໂຄໂລມບີ 476.660, ຊີເລ 387.502 ຄົນ ແລະແອັດສະປາຍ 382.142 ຄົນ.

  ສຳລັບຍອດຜູ້ເສຍຊີວິດທົ່ວໂລກຢູ່ທີ່ 776.830 ຄົນ ໂດຍມີຜູ້ ເສຍຊີວິດເພີ່ມ 4.051 ຄົນໃນ ໜຶ່ງວັນທີ່ຜ່ານມາ ອາເມລິກາມີຜູ້ເສຍຊີວິດຫຼາຍທີ່ສຸດຢູ່ທີ່ 173.688 ຄົນ, ບຣາຊິນ 108.654 ຄົນ, ເມັກຊິກ 56.757 ຄົນ, ອິນເດຍ 51.925 ຄົນ ແລະອັງກິດ 41.369 ຄົນ, ປິ່ນປົວຫາຍດີແລ້ວ ຢູ່ທີ່ 14.775.187 ຄົນ.

--------

ໜັງສືພິມເສດຖະກິດ-ສັງຄົມ

แชร์