ສ. ເກົາຫຼີ ຕິດຕັ້ງປ້າຍລໍຖ້າລົດປະຈຳທາງອັດສະລິຍະ

  ສ. ເກົາຫຼີ ຕິດຕັ້ງປ້າຍລໍຖ້າ ລົດປະຈຳທາງອັດສະລິຍະໃນນະ ຄອນຫຼວງເຊອູນທີ່ມີລະບົບການ ກວດວັດອຸນຫະພູມ ແລະຫຼອດໄຟຂ້າເຊື້ອດ້ວຍແສງອັນຕຣາໄວໂອ ເລດ ຫວັງຊ່ວຍປ້ອງກັນການລະບາດຂອງເຊື້ອໂຄວິດ-19.

 ຕາມຂ່າວຕ່າງປະເທດລາຍງານ ວ່າທາງການ ສ. ເກົາຫຼີ ຕິດຕັ້ງບູໄຮເທັກຕາມປ້າຍລົດເມ 10 ຈຸດ ທາງຕາເວັນອອກສ່ຽງເໜືອຂອງນະຄອນຫຼວງເຊອູນ ໂດຍກ່ອນ ເຂົ້າໄປໃນຫ້ອງດັ່ງກ່າວທີ່ມີລັກສະນະເປັນຫ້ອງແກ້ວ ຜູ້ໂດຍສານຈະຜ່ານການກວດວັດແທກອຸນຫະພູມຮ່າງກາຍດ້ວຍກ້ອງຖ່າຍຮູບ ຄວາມຮ້ອນອັດຕະໂນມັດທີ່ຕິດ ຕັ້ງເອົາໄວ້ບໍລິເວນໜ້າບູດ ຊຶ່ງປະຕູຈະເປີດໃຫ້ເຂົ້າໄປໄດ້ກໍຕໍ່ເມື່ອມີອຸນຫະພູມຮ່າງກາຍຕໍ່າກວ່າ 37,5 ອົງສາເຊ, ພາຍໃນບູດຍັງມີລະບົບ ເຄື່ອງປັບອາກາດລວມທັງໂຄມໄຟຂ້າເຊື້ອດ້ວຍແສງອັນຕຣາໄວ ໂອເລດ ເພື່ອປ້ອງກັນການແຜ່ກະຈາຍທາງອາກາດຂອງເຊືອພະຍາດ ແລະເຊື້ອໄວຣັດຕ່າງໆ ນອກຈາກນີ້ ຍັງມີບໍລິການວາຍຟາຍ ພ້ອມໜ້າຈໍສະແດງຜົນເວລາທີ່ ລົດເມປະຈຳທາງຈະມາເຖິງ ແລະຖ່າຍທອດສົດການຈະລາຈອນພາຍນອກອີກດ້ວຍ, ຊຶ່ງເຈົ້າໜ້າທີ່ເບິ່ງແຍງໂຄງການປ້າຍລໍຖ້າລົດ ເມອັດສະລິຍະໂຄງການນີ້ເປີດເຜີຍ ວ່າໄດ້ຕິດຕັ້ງອຸປະກອນຕ່າງໆທີ່ຄິດວ່າສາມາດປ້ອງກັນການລະບາດ ຂອງເຊື້ອໂຄວິດ-19 ໄດ້ໃນປ້າຍລົດເມອັດສະລິຍະເຫຼົ່ານີ້ ແລະນັບຕັ້ງແຕ່ມີການຕິດຕັ້ງໃນອາທິດທີ່ຜ່ານມາ ແຕ່ລະບູດກໍມີຜູ້ໃຊ້ງານປະ ມານວັນລະ 300-400 ຄົນ ໂດຍຍັງມີເຄື່ອງສີດເຈວລ້າງມື ແລະຜູ້ໂດຍສານຍັງໄດ້ຮັບຄຳແນະນໍາໃຫ້ໃສ່ຜ້າປິດປາກອະນາໄມຕະຫຼອດເວລາພ້ອມຮັກສາໄລຍະຫ່າງ 1 ແມັດ ຊຶ່ງຕັ້ງເປົ້າສ້າງບູດໄຮເທັກສຳລັບລໍຖ້າລົດປະຈຳທາງ ເພີ່ມອີກ 10 ບູດພາຍໃນປີນີ້ ໂດຍ ຄ່າກໍ່ສ້າງຢູ່ທີ່ບູດລະ 84.000 ໂດ ລາສະຫະລັດ.

ທັງນີ້ ສ. ເກົາຫຼີ ເຄີຍເປັນປະເທດທີ່ມີການລະບາດຂອງເຊືອໂຄ ວິດ-19 ຮຸນແຮງທີ່ສຸດນອກຈາກ ສປ ຈີນ ແຕ່ກໍສາມາດຄວບຄຸມສະຖານະການການແຜ່ລະບາດໄດ້ເປັນສ່ວນໃຫຍ່ດ້ວຍມາດຕະການທີ່ເຂັ້ມງວດໃນການຕິດຕາມ, ກວດ ແລະປິ່ນປົວຜູ້ທີ່ຕິດເຊື້ອ ໂດຍທີ່ບໍ່ມີຄຳສັ່ງປິດເມືອງ ຊຶ່ງຍອດຜູ້ຕິດເຊື້ອຫຼ້າສຸດຢູ່ທີ່ 14.770 ຄົນ ແລະເສຍຊີວິດ 305 ຄົນ.

-------

ໜັງສືພິມເສດຖະກິດ-ສັງຄົມ

แชร์