ຈີນອະນຸຍາດແຄນຊິໂນຈົດສິດທິບັດວັກແຊງຕ້ານໂຄວິດ

  ສປ ຈີນ ອະນຸຍາດໃຫ້ບໍລິສັດ ແຄນຊິໂນ ໄບໂອໂລຈິກ ຮ່ວມກັບຜູ້ຊ່ຽວຊານດ້ານພະຍາດລະບາດຂອງກອງທັບຈີນຈົດສິດທິບັດວັກແຊງຕ້ານໂຄວິດ Ad5-nCOV.

   ຕາມຂ່າວຕ່າງປະເທດລາຍງານໃນວັນທີ 17 ສິງຫາທີ່ຜ່ານ ມາວ່າ ທາງການຈີນໄດ້ອະນຸມັດໃຫ້ບໍລິສັດ ແຄນຊິໂນ ໄບໂອໂລຈິກ ຜູ້ຊ່ຽວຊານດ້ານການພັດທະນາວັກແຊງ ຈົດສິດທິບັດວັກແຊງ Ad5-nCOV ຊຶ່ງໃຊ້ສຳລັບປ້ອງກັນໄວຣັດໂຄວິດ-19 ແລ້ວຖືເປັນວັກແຊງຕ້ານໄວຣັດໂຄວິດ-19 ຊຸດ ທຳອິດທີ່ໄດ້ຮັບອະນຸມັດໃຫ້ຈົດສິດທິບັດໃນປະເທດຈີນຊຶ່ງໃນເອກະສານຮັບຮອງການຈົດສິດທິບັດທີ່ອອກໂດຍສຳນັກງານຊັບສິນທາງປັນຍາແຫ່ງຊາດຈີນໃນວັນທີ 11 ສິງຫາທີ່ຜ່ານມາ.

  ໜັງສືພິມຣອຍເຕີລາຍງານວ່າຊາອຸດິດອາຣັບບີມີແຜນຈະທົດລອງທາງຄລີນິກຄັ້ງທີ 3 ໃນວັກແຊງປ້ອງກັນໂຄວິດ-19 ທີ່ຜະລິດໂດຍບໍລິສັດແຄນຊິໂນພາຍໃນເດືອນນີ້ ແລະແຄນຊິໂນຍັງກຳລັງເຈລະຈາກັບຣັດເຊຍ, ບຣາຊິນ ແລະຊີເລເຖິງການເລີ່ມທົດລອງທາງຄລີນິກໃນຊຸດທີ 3 ໃນປະເທດເຫຼົ່ານີ້ເຊັ່ນກັນ.

 

แชร์