ອາເມລິກາ-ຈີນ ໂຈະການປຶກສາຫາລືຂໍ້ຕົກລົງການຄ້າ

  ກອງປະຊຸມປຶກສາຫາລືທາງອອນລາຍກ່ຽວກັບຂໍ້ຕົກລົງການຄ້າລະຫວ່າງອາເມລິກາ ແລະ ສປ ຈີນ ທີ່ຄາດວ່າດຳເນີນໃນວັນທີ 15 ສິງຫານັ້ນ ໄດ້ຖືກໂຈະໄວ້ 2 ຝ່າຍຍັງບໍ່ທັນມີຄວາມເປັນເອກະພາບກັນກ່ຽວກັບວັນເວລາທີ່ຈະຈັດກອງປະຊຸມປຶກສາຫາລືດັ່ງກ່າວ.

   ຕາມຂ່າວຕ່າງປະເທດລາຍງານວ່າກ່ອນໜ້ານັ້ນ, 2 ຝ່າຍ ຄາດວ່າຈະດຳເນີນກອງປະຊຸມປຶກສາຫາລືທາງອອນລາຍລະຫວ່າງທ່ານ Robert Ligh thizer ຜູ້ຕາງໜ້າດ້ານການຄ້າອາເມລິກາ, ທ່ານ Steven Mnuchin ລັດຖະມົນຕີກະຊວງການເງິນອາເມລິກາ ແລະທ່ານ ລຽວເຄືອ ຮອງນາຍົກລັດຖະມົນຕີຈີນເພື່ອຕີ ລາຄາກ່ຽວກັບການປະຕິບັດຂໍ້ຕົກລົງການຄ້າລະຫວ່າງອາເມລິກາ ແລະ ຈີນ ໄລຍະ 1 ນີ້ແມ່ນການເຄື່ອນໄຫວທີ່ນອນໃນຂໍ້ກຳນົດຂອງຂໍ້ຕົກລົງສະບັບດັ່ງກ່າວຢ່າງໃດກໍຕາມ, ປະຈຸບັນຍັງບໍ່ທັນຮູ້ລາຍລະອຽດກ່ຽວກັບສາເຫດທີ່ເຮັດໃຫ້ການເຄື່ອນໄຫວດັ່ງກ່າວ ຖືກໂຈະໄວ້ ເມື່ອບໍ່ດົນມານີ້ 2 ຝ່າຍໄດ້ແລກປ່ຽນກ່ຽວກັບຂໍ້ຕົກລົງການຄ້າໄລຍະ 1 ແມ່ນໃນການໂອ້ລົມທາງໂທລະສັບເມື່ອຕົ້ນເດືອນພຶດສະພາ.

  ຢ່າງໃດກໍຕາມ, ໂລກລະບາດໂຄວິດ-19 ໄດ້ເຮັດໃຫ້ການເຄື່ອນໄຫວແລກປ່ຽນການຄ້າຖືກຢຸດສະງັກ ແລະໃນຖະແຫຼງການໜຶ່ງໂດຍຫ່າງຈາກນີ້ 2–3 ອາທິດ, ທ່ານ ໂດນັລ ທຣຳປະທານາທິບໍດີອາເມລິກາໄດ້ສົ່ງສັນຍານແຂງກະດ້າງກ່ຽວກັບຜົນສັກສິດຂອງຂໍ້ຕົກລົງໄລຍະ 1 ກໍຄືຄວາມສາມາດ 2 ຝ່າຍອາດຈະບັນລຸໄດ້ຂໍ້ຕົກລົງໄລຍະ 2.

 

แชร์