ຫວຽດນາມກຽມສັ່ງຊື້ວັກແຊງ ຈາກຣັດເຊຍ

 ກະຊວງສາທາລະນາສຸກ ສສ ຫວຽດນາມກຳລັງພິຈາລະນາຈັດຊື້ວັກແຊງຕ້ານໂຄວິດ-19 ຈຳນວນຫຼາຍ ເພື່ອໃຊ້ປ້ອງກັນເຊື້ອໄວຣັດໂຄວິດ-19 ຈາກຣັດ ເຊຍ ເຖິງແມ່ນວ່າທົ່ວໂລກຍັງສົງໄສເລື່ອງປະສິດພາບ ແລະຄວາມປອດໄພ.

ຕາມຂ່າວສານຫວຽດນາມ ລາຍງານວ່າ ຫວຽດນາມ ຈະໄດ້ຮັບວັກແຊງເຖິງ 150 ລ້ານໂດສ ໂດຍສ່ວນໜຶ່ງເປັນການບໍລິຈາກ ຈາກຣັດເຊຍ ຊຶ່ງລັດຖະມົນ ຕີສາທາລະນາສຸກຂອງຫວຽດນາມ ໄດ້ເຫັນດີເລື່ອງການຈັດຊື້ວັດແຊງ ຈາກຣັດເຊຍຮຽບຮ້ອຍແລ້ວ, ເຈົ້າໜ້າທີ່ສາທາລະນາສຸກຫວຽດນາມລະບຸວ່າ ກ່ອນທີ່ຈະໄດ້ຮັບວັກແຊງ ຈາກຕ່າງປະເທດຫວຽດນາມກໍຍັງຈະພັດທະນາວັກແຊງຂອງຕົນເອງຕໍ່ໄປ, ນອກຈາກນີ້ຫວຽດນາມ ຈະສັ່ງຊື້ວັກແຊງຈາກອັງກິດເຊັ່ນ ດຽວກັນ ເນື່ອງຈາກຫວຽດນາມ ໄດ້ເຮັດຂໍ້ຕົກລົງໃນການພັດທະນາວັກແຊງຮ່ວມກັບມະຫາວິທະ ຍາໄລບຣິສຕອລ.

 ກ່ອນໜ້ານີ້ ຫວຽດນາມໄດ້ຮັບຄວາມຊື່ນຊົມຈາກນານາປະເທດໃນການຮັບມືກັບການແຜ່ລະບາດ ຂອງເຊື້ອໂຄວິດ-19 ແຕ່ຂະນະນີ້ ຫວຽດນາມກຳລັງປະເຊີນກັບ ຄວາມທ້າທາຍໃນການຄວບຄຸມ ການແຜ່ລະບາດທີ່ເກີດຂຶ້ນໃນ ຫຼາຍຈຸດ ໂດຍກ່ຽວຂ້ອງກັບ ເມືອງດານັງ ຊຶ່ງເປັນຕົ້ນຕໍການ ແຜ່ລະບາດຂອງເຊື້ອໂຄວິດ-19 ໃນວັນທີ 25 ກໍລະກົດທີ່ຜ່ານມາ ຂະນະນີ້ ຫວຽດນາມມີຜູ້ຕິດເຊື້ອໂຄວິດແລ້ວຈຳນວນ 929 ຄົນ ແລະເສຍຊີວິດ 21 ຄົນ.

---------

ໜັງສືພິມເສດຖະກິດ-ສັງຄົມ

แชร์