ກຽມມາສຳພັດ ແຄມຂອງວິວກັບເມນູໃໝ່ ເຂົ້າປຸ້ນແຈ່ວຂີງ

  ຖືວ່າເປັນທີ່ຮູ້ຈັກກັນດີປະຈຸບັນຮ້ານອາຫານແຄມຂອງວິວ ນະຄອນຫຼວງວຽງຈັນ ບ້ານທ່າເດື່ອຖືເປັນຮ້ານໜຶ່ງທີ່ສ້າງຂຶ້ນເໝາະແກ່ການພັກຜ່ອນນັ່ງຫຼິ້ນແບບຄູ່ ແລະຂະບວນພ້ອມຊົມວິວກັບບັນຍາກາດສົດໆມີສະຖານທີ່ຕິດແຄມຂອງເພື່ອຕອບສະໜອງຄວາມຕ້ອງການລູກຄ້າປະຈຸບັນກຽມຈັດເມນູເດັດເຂົ້າປຸ້ນແຈ່ວຂີງທີ່ລົດຊາດແຊບໆ ນອກຈາກນີ້ມີອາຫານນັບແຕ່ພື້ນບ້ານຮອດອາຫານທະເລຫຼາຍ 60-70 ລາຍການໄວ້ຄອຍບໍລິການ.

  ທ່ານ ສີນວນ ຫຼວງຜົມ ເຈົ້າຂອງຮ້ານແຄມຂອງວິວໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມ ໃຫ້ຮູ້ວ່າ: ຮ້ານອາຫານແຄມຂອງວິວເລີ່ມເປີດບໍລິການມາທ້າຍປີ 2019 ຈາກຕົນເອງມີຄວາມມັກຮັກໃນການບໍລິການຮ້ານອາຫານໄປເປັນພະນັກງານມາ 10 ປີ ໄດ້ຮຽນຮູ້ ແລະນຳເອົາປະສົບການເປີດຮ້ານຕົນເອງ.

 ປະຈຸບັນຮ້ານອາຫານແຄມຂອງວິວຖືກເປັນຮ້ານໜຶ່ງທີ່ສັງຄົມໃຫ້ຄວາມສົນໃຈ ແລະເປັນທີ່ຍອມຮັບດີໂດຍສະເພາະຊາວ ເມືອງຫາດຊາຍຟອງ ທີ່ສັງເກດໄດ້ເຫັນວ່າແຕ່ ລະມື້ຄ່ອຍຄໍ່າຍາມແລງຈະມີລູກຄ້າມານັ່ງໃຊ້ບໍລິການເກືອບທຸກໂຕະໂດຍສະເພາະຫຼາຍກ່ອນໝູ່ແມ່ນວັນເສົາ-ທິດ.

  ຮ້ານອາຫານແຄມຂອງວິວມີເມນູອາຫານບໍລິການຖືວ່າ 60-70 ລາຍການນັບແຕ່ອາຫານພື້ນບ້ານຮອດເຄື່ອງປະເພດທະເລໂດຍຈຸດເດັ່ນແລະຈຸດພິເສດຂອງຮ້ານຖືວ່າແມ່ນມີສະຖານທີ່ຕິດຂອງແຄມທີ່ມີທິວທັດທຳມະຊາດໂດຍສະເພາະຍາມແລງພິເສດນອກຈາກບໍລິການປົກກະຕິທາງຮ້ານເພິ່ນເຮັດກິດຈະກຳບາງໄລຍະໂດຍຈະມີ ໝູ່ຄູ່ສ້າງຄວາມມ່ວນຊື່ນໃນການຂີ່ເຈັດສະກີໃນການສ້າງສີສັນແຖວບໍລິເວນຮ້ານ.

   ຮ້ານອາຫານແຄມຂອງວິວກໍບໍ່ນິ່ງນອນໃຈໂດຍເຝົ້າລະວັງພະນັກງານລວມແຂກຕ້ອງກວດອຸ່ນຫະພູມ ແລະ ລ້າງມືເຈວທຸກຄັ້ງຮ້ານເພິ່ນຕັ້ງຢູ່ບ້ານທ່າເດື່ອເມືອງຫາດ ຊາຍຟອງ ນະຄອນຫຼວງວຽງຈັນ ໃຜທີ່ຍັງບໍ່ທັນໄປເຊີນລັບລອງທ່ານຈະບໍ່ຜິດຫວັງ.

แชร์