ຮ້ານ YE551 ຈັດກິດຈະກຳຄືນກຳໄລໃຫ້ລູກຄ້າ

 ວັນທີ 14 ສິງຫາ 2020 ຮ້ານ YE551 ໄດ້ຈັດກິດຈະກຳມອບລາງວັນຄືນກຳໄລໃຫ້ແກ່ລູກຄ້າເຂົ້າຮ່ວມງານໂດຍທ່ານ ແສງເພັດ ສິຣິມະໂນທັມ ຜູ້ອຳນວຍການຮ້ານອາຫານ YE551 ແລະທ່ານ ຢອງຊອນ ແຢ ຜູ້ກໍ່ຕັ້ງຮ້ານ YE551 ພ້ອມບັນດາສິລະປິນນັກຮ້ອງ, ແຟນເພງແລະສື່ມວນຊົນເຂົ້າຮ່ວມຢ່າງຄຶກຄື້ນ.

  ທ່ານ ແສງເພັດ ສິຣິມະໂນທັມ ກ່າວວ່າ: ຮ້ານ YE551 ແມ່ນສ້າງຕັ້ງຂຶ້ນໂດຍການຮ່ວມມືລະຫວ່າງນັກທຸລະກິດລາວ ແລະນັກທຸລະກິດຈາກປະເທດເກົາຫຼີຊຶ່ງເລີ່ມກໍ່ສ້າງມາແຕ່ປີ 2018 ສຳເລັດທ້າຍເດືອນກໍລະກົດ 2020 ນີ້ ແລະໄດ້ທົດລອງເປີດຢ່າງເປັນທາງການມາແຕ່ຕົ້ນເດືອນສິງຫາ 2020 ຖືວ່າໄດ້ຮັບຜົນຕອບຮັບເປັນຢ່າງດີຈາກສັງຄົມສຳລັບຮ້ານອາຫານຮ້ານເຮົາຮັບປະກັນເລື່ອງຄວາມສະອາດຊຶ່ງໄດ້ນໍາໃຊ້ວັດຖຸດິບທີ່ສົດໃໝ່ໃນແຕ່ລະມື້ຊຶ່ງມີອາຫານ ແລະ ເຄື່ອງດື່ມຫຼາກຫຼາຍລາຍ ການໄວ້ຕ້ອນຮັບລູກຄ້າ ແລະ ພິເສດເມນູແນະນຳຈະມີການປ່ຽນແປງໃນແຕ່ລະເດືອນເພື່ອຕອບສະໜອງຄວາມຕ້ອງການໃຫ້ກັບລູກຄ້າຢ່າງທົ່ວເຖິງໂດຍສ້າງສັນເມນູຈາກພໍ່ຄົວຜູ້ມີສີມືດ້ານການປຸງອາຫານທີ່ມີປະສົບການຫຼາຍສິບປີນອກນັ້ນເນັ້ນໜັກທີ່ສຸດໃນເລື່ອງການບໍລິການທີ່ປະທັບໃຈຊຶ່ງເຊື່ອແນ່ນອນວ່າລູກຄ້າທຸກໆທ່ານຈະຫຼົງ ໄຫຼໃນຄວາມພິເສດຂອງ YE551 ຢ່າງແນ່ນອນ.

  ສະນັ້ນຈຶ່ງໄດ້ຈັດກິດຈະກຳຄັ້ງນີ້ເພື່ອຄືນກຳໄລໃຫ້ລູກຄ້າດ້ວຍການມອບໂຊກໃນການຮັບປະທານອາຫານ ແລະແຈກຂອງຂວັນລາງວັນຕ່າງໆນຳອີກດ້ວຍນອກນັ້ນຮ້ານເຮົາຍັງເປັນບ່ອນເປີດໂອກາດໃຫ້ໄວໜຸ່ມລາວທີ່ມີຄວາມກ້າສະແດງອອກຢາກມາແຂ່ງຂັນຮ້ອງເພງພາຍໃນຮ້ານເພື່ອສ້າງສີສັນພາຍໃນຮ້ານນຳອີກດ້ວຍສະຖານທີ່ຕັ້ງຢູ່ບ້ານດົງປ່າແຫຼບ, ເມືອງຈັນທະບູລີ, ນະຄອນຫຼວງວຽງຈັນ ຢ່າງໃດກໍ່ຕາມດັ່ງທີ່ເຮົາຮູ້ນຳກັນແລ້ວວ່າປະຈຸບັນນີ້ຢູ່ໃນຊ່ວງຕ້ານ ແລະ ສະກັດກັ້ນການລະບາດຂອງພະຍາດໂຄວິດ-19 ທາງຮ້ານ YE551 ແມ່ນໄດ້ມີການປະກອບສ່ວນຢ່າງເອົາໃສ່ໃນການຮັກສາໄລຍະຫ່າງທາງສັງຄົມຂອງລູກຄ້າທີ່ມາໃຊ້ບໍລິການພາຍໃນຮ້ານ ແລະການຮັກສາດ້ານສຸຂະນາໄມພາຍໃນຮ້ານຢ່າງສະໝໍ່າສະເໝີປະຕິບັດຕາມມາດຕະການປ້ອງກັນຂອງຄະນະສະເພາະກິດວາງອອກ.

แชร์