ໄອຍະການອັດຕະປືຍ້ອງຍໍຜົນງານ 30 ປີ

  ໃນວັນທີ 14 ສິງຫາ 2020 ນີ້ອົງການໄອຍະການປະຊາຊົນແຂວງອັດຕະປືໄດ້ຈັດພິທີປະດັບຫຼຽນໄຊແຮງງານ, ຫຼຽນກາແຮງງານແລະໃບຍ້ອງຍໍໃຫ້ແກ່ພະນັກງານບຳນານ ແລະພະນັກງານ-ລັດຖະກອນຂອງອົງການໄອຍະການປະຊາຊົນແຂວງທີ່ໄດ້ປະກອບສ່ວນເຫື່ອແຮງ ແລະສະຕິປັນຍາຈັດຕັ້ງປະຕິບັດໜ້າທີ່ການເມືອງຕະຫຼອດ

ໄລຍະ 30 ປີ ຜ່ານມາພິທີຈັດຂຶ້ນທີ່ຫ້ອງປະຊຸມສະພາປະຊາຊົນແຂວງ, ໂດຍໃຫ້ກຽດເຂົ້າຮ່ວມຂອງ ທ່ານ ເລັດ ໄຊຍະພອນ ເລຂາພັກແຂວງເຈົ້າແຂວງອັດຕະປື, ມີບັນ ດາຫົວໜ້າ-ຮອງຫົວໜ້າອົງການໄອຍະການປະຊາຊົນແຂວງ-ເຂດພ້ອມດ້ວຍພະນັກງານບຳນານ, ພະນັກງານ-ວິຊາການ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

 

 ໃນພິທີໄດ້ຜ່ານລັດຖະດຳລັດປະທານປະເທດວ່າດ້ວຍການປະດັບຫຼຽນໄຊແຮງງານຊັ້ນ l ໃຫ້ໜຶ່ງກົມກອງຄືມອບຫຼຽນໄຊແຮງງານຊັ້ນໜຶ່ງໃຫ້ອົງການໄອຍະການປະ ຊາຊົນແຂວງອັດຕະປື, ມອບຫຼຽນໄຊແຮງງານຊັ້ນ II ມີຈໍານວນ 6 ທ່ານ, ຫຼຽນໄຊແຮງງານຊັ້ນ 3 ມີຈໍານວນ 5 ທ່ານ, ຜ່ານດໍາລັດຂອງນາຍົກລັດຖະມົນຕີວ່າດ້ວຍການປະດັບຫຼຽນກາແຮງງານມີຈໍານວນ 4 ທ່ານ, ຜ່ານດຳລັດນາຍົກລັດຖະມົນຕີວ່າດ້ວຍການຍ້ອງຍໍໃຫ້ແກ່ບຸກຄົນທີ່ມີຜົນງານຜ່ານມາຈໍານວນ 22 ທ່ານ ແລະຜ່ານຂໍ້ຕົກລົງຂອງອົງການໄອຍະການປະຊາຊາຊົນສູງສຸດວ່າດ້ວຍການຍ້ອງຍໍບຸກຄົນທີ່ຜົນງານຜ່ານມາຈຳນວນ 12  ທ່ານ, ໃຫ້ກຽດປະດັບຫຼຽນ ແລະ ໃບຍ້ອງຍໍໂດຍທ່ານ ເລັດ ໄຊຍະພອນ ເລຂາພັກແຂວງເຈົ້າແຂວງອັດຕະປື ແລະທ່ານ ສົມພົງ ສີຊານົນ ຫົວໜ້າອົງການໄອຍະການປະຊາຊົນແຂວງອັດຕະປື.

-------------

ຂ່າວ:  ຂ ອັດຕະປື ວັດທະນາ, ຮູບພາບ: #ຫນັງສືພິມເສດຖະກິດສັງຄົມ

แชร์