ກຸ່ມບໍລິສັດ ດອກງີ້ວ ມີແຜນລົງທຶນຢູ່ຊຽງຂວາງ

  ທ່ານ ຈ່າວເຫວີຍ ປະທານ ກຸ່ມບໍລິສັດ ດອກງີ້ວ ເຂດພິເສດສາມຫຼ່ຽມທອງຄຳ ແຂວງບໍ່ແກ້ວ ພ້ອມດ້ວຍຄະນະໄດ້ຢ້ຽມຢາມ ແລະເຮັດວຽກຢູ່ແຂວງຊຽງຂວາງໃນລະຫ່ວາງວັນທີ 12-13 ສິງຫາ 2020 ຊຶ່ງໄດ້ເຂົ້າຢ້ຽມຂໍ່ານັບທ່ານ ບຸນຕົ້ນ ຈັນທະພອນ ເຈົ້າແຂວງໆຊຽງຂວາງພ້ອມດ້ວຍຄະນະຊຶ່ງທ່ານເຈົ້າແຂວງໆຊຽງຂວາງກໍ່ໄດ້ລາຍງານການພັດທະນາເສດຖະກິດ-ສັງຄົມຂອງແຂວງໄລຍະຜ່ານມາເປັນຕົ້ນແມ່ນການລົງທຶນຂອງນັກທຸລະກິດຊາວຈີນທີ່ເຂົ້າມາລົງທຶນຢູ່ແຂວງຊຽງຂວາງແຂວງໄດ້ຖືເອົາບູລິມະສິດໃນການພັດທະນາຂອງແຂວງຄືການລ້ຽງສັດໃຫຍ່ເປັນສິນຄ້າ,ການທ່ອງທ່ຽວ ແລະການປຸງແຕ່ງແຮ່ທາດກະສິກຳແຂວງຊຽງຂວາງມີທ່າແຮງຫຼາຍດ້ານອາກາດເໝາະສົມ, ປະຊາຊົນມີມູນເຊື້ອດຸໝັ່ນໃນການປູກຝັງ-ລ້ຽງສັດ, ພູມສັນຖານເໝາະສົມໄດ້ເຮັດໃຫ້ນັກທຸລະກິດທັງພາຍໃນ ແລະຕ່າງປະເທດມີຄວາມສົນໃຈເຂົ້າ ມາລົງທຶນຢູ່ແຂວງຊຽງຂວາງແຂວງໄດ້ອຳນວຍຄວາມສະດວກຂັ້ນຕອນຂອງການລົງທຶນເພື່ອເຮັດໃຫ້ການລົງທຶນມີປະສິດທິຜົນສູງ.


 ໂອກາດນີ້ທ່ານປະທານກຸ່ມບໍລິສັດດອກງີ້ວເຂດພິເສດສາມຫຼ່ຽມທອງຄຳແຂວງບໍ່ແກ້ວກໍ່ໄດ້ກ່າວເຖິງການລົງທຶນຢູ່ແຂວງຊຽງຂວາງຊຶ່ງທ່ານໄດ້ກ່າວວ່າອາດຈະລົງທຶນໃນຂະແໜງການທ່ອງທ່ຽວ-ໂຮງແຮມ, ລ້ຽງສັດ, ໂຮງງານຜະລິດຢາສະໝູນໄພພື້ນເມືອງ ແລະສະໜາມກັອບການລົງທຶນວຽກງານອື່ນແມ່ນບໍ່ມັກແຕ່ກໍ່ສາມາດຊັກຊວນໝູ່ມາລົງທຶນ ແລະຕ້ອງມີຄວາມຮັບຜິດຊອບຕໍ່ໝູ່ ແລະແຂວງການຢ້ຽມຢາມແຂວງຊຽງຂວາງໃນຄັ້ງນີ້ທາງບໍລິສັດກໍ່ໄດ້ເຮັດວຽກນຳພະແນກແຜນການ ແລະການລົງ

ທຶນພ້ອມດ້ວຍພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ໄດ້ພ້ອມກັນອອກໄປເບິ່ງເນື້ອທີ່ທີ່ຈະລົງທຶນຢູ່ເຂດເສດຖະກິດພິເສດຄັງໜອງຫຼວງ, ເນື້ອທີ່ຢູ່ຫ້ວຍເທີນ ເມືອງແປກ, ນອກນີ້ຍັງໄດ້ໄປຢ້ຽມຊົມຟາມງົວຂອງບໍລິສັດພັດທະນາກະສິກຳລາວ-ຍີ່ປຸ່ນ ຈຳກັດ, ຟາມແກະຂອງກອງທັບ, ທົ່ງໄຫຫີນ, ສະໜາມກັອບຂອງ ບໍລິສັດ ວຽງວອນ ເຮັດໃຫ້ບໍລິສັດດັ່ງກ່າວມີຄວາມສົນໃຈຢາກມາລົງທຶນຢູ່ແຂວງຊຽງຂວາງຫຼາຍຂື້ນ

____________

ຂ່າວ: ຂ່າວ: ບຸນມີແສງທຸມມີ

ຮູບພາບ: ໜັງສືພິມເສດຖະກິດ-ສັງຄົມ

แชร์