ເມືອງວຽງໄຊປູກພືດລະດູແລ້ງໄດ້ບໍ່ເຖິງແຜນ

ເມືອງວຽງໄຊ ແຂວງຫົວ ພັນ ໄດ້ກຳນົດການປູກພືດລະດູ ແລ້ງໃຫ້ໄດ້ທັງໝົດ 375 ກວ່າເຮັກ ຕາ ຜ່ານການຈັດຕັ້ງປະຕິບັດຕົວ ຈິງໄດ້ພຽງ 358 ເຮັກຕາ, ໃນນັ້ນ ລວມມີໝາກແຕງ, ໝາກອຶ, ສາລີ ຫວານ,ໝາກເຜັດ ແລະອື່ນໆ.

  ຕາມການລາຍງານຂອງ ຫ້ອງ ການກະສິກຳ ແລະປ່າໄມ້ ເມືອງ ວຽງໄຊໃຫ້ຮູ້ວ່າ: ເພື່ອເປັນການ ແກ້ໄຂຊີວິດການເປັນຢູ່ຂອງປະ ຊາຊົນພາຍໃນເມືອງທີ່ຖືກຜົນກະທົບຈາກໄພທຳມະຊາດຂອງລະດູຝົນໃນປີຜ່ານມາໃຫ້ດີຂຶ້ນ, ໃນປີ 2019 ນີ້ ຫ້ອງການກະສິກຳ ແລະ ປ່າໄມ້ ເມືອງວຽງໄຊ ໄດ້ສົມທົບກັບອຳນາດການປົກຄອງທຸກຂັ້ນ ຊຸກຍູ້ປະຊາຊົນປູກພືດລະດູແລ້ງ ທົດແທນຜົນລະປູກທີ່ເສຍຫາຍ ຜ່ານມາ ຢູ່ເຂດທີ່ມີເງື່ອນໄຂ ໂດຍ ຈະເລັ່ງໃສ່ 4 ກຸ່ມບ້ານຄື: ກຸ່ມປົວ, ກຸ່ມໂສຍ, ກຸ່ມຊຽງລວງ ແລະກຸ່ມ ເມືອງກ້າງ ຄາດວ່າທົ່ວເມືອງຈະ ມີເນື້ອທີ່ປູກພືດລະດູແລ້ງ ທັງ ໝົດ 375 ເຮັກຕາ, ເນື້ອທີ່ປະຕິ ບັດໄດ້ຕົວຈິງ 358 ເຮັກຕາ ໃນ ນີ້ມີເນື້ອທີ່ ປູກແຕງຊັ້ງ 28 ເຮັກ ຕາຄາດວ່າຜົນຜະລິດຈະໃຫ້ໄດ້ 112 ໂຕນ, ແຕງໂມ 33 ເຮັກຕາ ຜົນຜະລິດຈະໃຫ້ໄດ້ 660 ໂຕນ, ແຕງລາຍ 26 ເຮັກຕາ ຜົນຜະ ລິດຈະໃຫ້ໄດ້ 130 ໂຕນ, ໝາກ ບວບຫອມ, ໝາກອຶ, ກະລຳປີ ຢ່າງລະ 3 ເຮັກຕາ ຜົນຜະລິດ ຈະໃຫ້ໄດ້ 73 ໂຕນ, ສາລີ

ຫວານ 10 ເຮັກຕາ ຜົນຜະລິດຈະໃຫ້ໄດ້ 40 ໂຕນ, ຜັກບົ່ວ 46 ເຮັກຕາ ຜົນ ຜະລິດຈະໃຫ້ໄດ້ 92 ໂຕນ, ຜັກ ທຽມ 90 ເຮັກຕາ ຜົນຜະລິດຈະ ໃຫ້ໄດ້ 180 ໂຕນ, ໝາກເຜັດ 20 ເຮັກຕາ ຜົນຜະລິດຈະໃຫ້ໄດ້ 40 ໂຕນ, ຖົ່ວຕ່າງໆ 11 ເຮັກຕາ ຜົນຜະລິດຈະໃຫ້ໄດ້ 22 ໂຕນ ແລະພືດຜັກຕ່າງໆ 102 ເຮັກຕາ ຜົນຜະລິດຈະໃຫ້ໄດ້ 204 ໂຕນ. ຄາດວ່າປະຊາຊົນ ຈະມີລາຍຮັບ ຈາກການຂາຍຜົນຜະລິດໃນສົກນີ້ 7 ຕື້ 33 ລ້ານກີບ.

    ເພື່ອເຮັດໃຫ້ຜົນຜະລິດຂອງ ປະຊາຊົນ ໄດ້ຕາມລະດັບຄາດ ໝາຍທີ່ວາງໄວ້ ຫ້ອງການກະສິກໍາ ແລະປ່າໄມ້ເມືອງ ໄດ້ສົ່ງພະນັກ ງານລົງໃກ້ສິດຕິດຕາມ-ແນະນຳ ວິທີການປູກ, ບົວລະບັດຮັກສາ, ເສຍຫຍ້າໃສ່ຝຸ່ນ ໃຫ້ຖືກຕ້ອງຕາມຫຼັກເຕັກນິກວິຊາການ.

ໂດຍ: ອາລຸນໄຊ-ນສພ ເສດຖະກິດ-ສັງຄົມ

แชร์