ຫາດຄູນ ຄວາມສວຍງາມທີ່ຄວນໄປສຳຜັດ

  ພູຜາປ່າໄມ້, ສາຍໝອກ ແລະອາກາດເຢັນເປັນແຫຼ່ງທ່ອງທ່ຽວທີ່ຫຼາຍທ່ານໄຝ່ຫາ ແລະແນ່ນອນແລ້ວວ່າແຫຼ່ງທ່ອງທ່ຽວແບບນີ້ມັກຈະມີຢູ່ທຸກພາກຂອງປະເທດລາວ ຊຶ່ງຫາດຄູນ ເມືອງບໍລິຄັນ ແຂວງບໍລິຄຳໄຊ ກໍເປັນສະຖານທີ່ໜຶ່ງທີ່ຈະເຮັດໃຫ້ທ່ານໄດ້ດື່ມດໍ່າກັບທຳມະຊາດທ່າມກາງອາກາດເຢັນໄດ້.

   ຫາດຄູນ ເປັນສະຖານທີ່ທ່ອງທ່ຽວທາງທຳມະຊາດທີ່ໄດ້ຮັບການພັດທະນາໃຫ້ເປັນແຫຼ່ງທ່ອງທ່ຽວຂວັນໃຈຂອງຊາວເມືອງບໍລິຄັນກໍຄືແຂກຕ່າງດ້າວທ້າວຕ່າງແດນທີ່ມາທ່ຽວຊົມຊຶ່ງເປັນສະຖານທີ່ຖືກປະດິດສ້າງໂດຍທຳມະຊາດສ້າງສິ່ງເອື້ອອຳນວຍຫຼາຍປະການໃຫ້ແກ່ການພັກຜ່ອນຢ່ອນອາລົມດ້ວຍການຊົມທິວທັດທີ່ສວຍງາມບັນຍາ ກາດຍາມແລງທີ່ເຢັນສະບາຍ.

  ຫາດຄູນ ຕັ້ງຢູ່ແຄມນໍ້າຊັນບ້ານໂພນມຸງຄູນ ເມືອງບໍລິຄັນ ແຂວງບໍລິຄຳໄຊ ຊຶ່ງທ່ານສາມາດເດີນທາງດ້ວຍລົດເຂົ້າເຖິງສະຖານທີ່ທ່ອງທ່ຽວໄດ້ເລີຍ,ສຳລັບຜູ້ທີ່ຈະໄປທ່ຽວຊົມຈະໄດ້ສຳພັດກັບຫຼາຍກິດຈະກຳເຊັ່ນ: ອາກາດຊົດຊື່ນທຳມະຊາດທີ່ສວຍສົດງົດງາມອາບນໍ້າທີ່ໃສເຢັນຂີ່ເຮືອລ່ອງກົງເບັງ ຫຼືກິນດື່ມອື່ນໆ.

แชร์