ໂຮນລັງ ທຳລາຍໂຮງງານຜະລິດຢາເສບຕິດ

ຕຳຫຼວດໂຮນລັງບຸກທຳລາຍໂຮງງານຜະລິດຢາເສບຕິດປະເພດໂຄເຄນ ໃນເມືອງຊົນນະບົດທາງພາກເໜືອໂດຍໂຮງງານແຕ່ກ່ອນເປັນຄອກມ້າແຂງ ແຕ່ປ່ຽນເປັນໂຮງຮຽນສອນຂັບລົດຕົບຕາຕໍາຫຼວດ ນັບເປັນໂຮງງານຜະລິດໂຄເຄນຂະໜາດໃຫຍ່ສຸດເທົ່າທີ່ຄົ້ນພົບໃນປະເທດ.ຕາມຂ່າວຕ່າງປະເທດລາຍງານວ່າ ການຈັບກຸມມີຂຶ້ນໃນທ້າຍອາທິດທີ່ຜ່ານມາ ທີ່ເມືອງໄນເຈເວນ ຕຳຫຼວດຄວບຄຸມຕົວຜູ້ຕ້ອງສົງໄສໄດ້ຢ່າງໜ້ອຍ 16 ຄົນ ສ່ວນ ໃຫຍ່ຖືໜັງສືເດີນທາງສັນຊາດໂຄໂລມບີ ແລະຜູ້ຕ້ອງສົງໄສຄົນທີ 17 ຖືກຈັບກຸມທີ່ເມືອງອາເປດູມ ທາງພາກກາງ ຫຼັງການສອບສວນຂະຫຍາຍຜົນ ຜູ້ຕ້ອງສົງໄສທັງ 17 ຄົນ ຈະຖືກນໍາຕົວຟ້ອງສານດຳເນີນຄະດີ, ທ່ານ ອັງເດ ຟານຣິ ກ່າວໃນຖະແຫຼງການວ່າ ນີ້ເປັນໂຮງງານຜະລິດໂຄເຄນຂະໜາດໃຫຍ່ສຸດເທົ່າທີ່ເຄີຍມີມາໃນໂຮງລັງ ສາມາດຜະລິດໂຄເຄນໄດ້ວັນລະປະມານ 150-200 ກິໂລກຣາມ ຊຶ່ງມີມູນຄ່າຕາມທ້ອງຖະໜົນ 4,5-6 ລ້ານເອີໂຣ ຕຳຫຼວດຍັງພົບສານເຄມີຕັ້ງຕົ້ນສຳລັບການຜະລິດຫຼາຍພັນລິດ ແລະໂຄເຄນຜະລິດສຳເລັດ 100ກິໂລກຣາມ.ການກວດຄົ້ນເຮືອນຜູ້ຕ້ອງສົງໄສລາຍທີ 17 ໃນເມືອງອາເປດູມ ຕຳຫຼວດພົບວັດຖຸຂົນສົ່ງ  (carrier material) ລວມນໍ້າໜັກປະມານ 120 ໂຕນ ສ່ວນໃຫຍ່ເປັນເສື້ອຜ້າ ສຳລັບເຄືອບດ້ວຍໂຄເຄນ ຊຶ່ງຈະຖືກສະກັດອອກດ້ວຍຂະບວນການທາງເຄມີ ເມື່ອຢາເສບຕິດຖືກສົ່ງເຖິງຈຸດໝາຍ

.-------- 

ໜັງສືພິມເສດຖະກິດ-ສັງຄົມ

แชร์