ອິດສະຣາແອນ-ຢູເອອີ ຟື້ນຟູຄວາມສຳພັນ

ວັນ​ທີ 13 ສິງ​ຫາ​ນີ້ ທີ່ຜ່ານມາ ກະ​ຊວງ​ການ​ຕ່າງ​ປະ​ເທດສະຫະລັດ ອາຣັບອາມິເຣດ(ຢູເອອີ)ອອກ​ຖະ​ແຫຼງ​ການ​ວ່າ, ການ​ພົວ​ພັນ​ລະ​ຫວ່າງ​ ຢູເອອີ ກັບ ອິ​ດສະ​ຣາ​ແອນ​ໄດ້​ຟື້ນ​ຟູ​​ສູ່​ຄວາມເປັນ​ປົກ​ກະ​ຕິ​ຢ່າງ​ຮອບ​ດ້ານ.ຕາມຂ່າວຕ່າງປະເທດລາຍງານວ່່າ ອິດສະຣາແອນ ແລະ ສະຫະລັດ ອາຣັບອາມິເຣດ(ຢູເອອີ) ໄດ້ບັນລຸຂໍ້ຕົກລົງໃນການປັບຄວາມສຳພັນລະຫວ່າງກັນໃຫ້ກັບເຂົ້າສູ່ພາວະປົກກະຕິ ໂດຍອິດສະຣາແອນໄດ້ເຫັນດີ ທີ່ຈະໂຈະແຜນການໃນການບວກເວສແບງເຂົ້າມາເປັນສ່ວນໜຶ່ງຂອງອິດສະຣາແອນລົງ, ເລື່ອງດັ່ງກ່າວ ຖືກເປີດເຜີຍຈາກຖະແຫຼງການຂອງທ່ານ ໂດນັລທຣຳ ປະທານາທິບໍດີ ອາເມລິກາ ຊຶ່ງເປັນຕົວກາງໃນການປະສານງານຈົນສາມາດບັນລຸຂໍ້ຕົກລົງຄັ້ງນີ້ໄດ້ຂະນະທີ່ປະເທດຕ່າງໆລະບຸວ່າ ຂໍ້ຕົກລົງທີ່ເກີດຂຶ້ນຖືເປັນຂໍ້ຕົກລົງຄັ້ງປະຫວັດສາດທີ່ຈະຊ່ວຍໃຫ້ເກີດສັນຕິພາບຂຶ້ນໃນພາກພື້ນ.ທ່ານ ທຣຳ ກ່າວວ່າ ຂໍ້ຕົກລົງຄັ້ງນີ້ ຖືເປັນວິນາທີແຫ່ງປະຫວັດສາດຢ່າງແທ້ຈິງ ແລະເປັນຂໍ້ຕົກລົງທາງສັນຕິພາບຄັ້ງທີ 3 ລະຫວ່າງອິດສະຣາແອນກັບຊາດອາຣັບ ນັບຕັ້ງແຕ່ອິດ ສະຣາແອນໄດ້ປະກາດຕົນເອກະລາດໃນປີ 1948.

-------

ໜັງສືພິມເສດຖະກິດ-ສັງຄົມ

• 14/08/2020