ນັກຮ້ອງວົງ BTS ກຽມປ່ອຍເພງ ໃນວັນທີ 21 ສິງຫານີ້ີ

   ຖືໄດ້ວ່າເປັນທີ່ຮືຮາຈົນ Twitter ເກືອບແຕກເລີຍກໍວ່າໄດ້ ຫຼັງຈາກເມື່ອບໍ່ດົນມານີ້ໜຸ່ມໆວົງ BTS ໄດ້ອອກມາສົ່ງສັນຍານແຫ່ງການກັບມາອີກຄັ້ງຫຼັງຈາກທີ່ໜຸ່ມໆ BTS ໄດ້ພາກັນມາລາຍໃນແອັບພລິເຄຊັນ V Live ຂອງຕົນໂດຍການປະກາດຜ່ານ V Live Audiolivestream ຊຶ່ງໜຸ່ມໆທັງ 7 ຄົນກໍໄດ້ເວົ້າເຖິງແຜນທີ່ພວກເຂົາຈະປ່ອຍເພງໃໝ່ໃນເດືອນໜ້ານີ້ເພງດັ່ງກ່າວນີ້ຈະຖືກປ່ອຍໃນ ສ.ເກົາຫຼີ ແລະສາກົນພ້ອມໆກັນໃນວັນສຸກທີ 21 ເດືອນສິງຫາ 2020 ນີ້ເອງ.

   ຈາກການສົນທະນາກັນຂອງໜຸ່ມໆທັງ 7 ຄົນ ເຮັດໃຫ້ຮູ້ວ່າບົດເພງທີ່ຈະປ່ອຍອອກມານັ້ນແມ່ນເວົ້າເຖິງການໃຫ້ກໍາລັງໃຈແກ່ຜູ້ຄົນໃນທົ່ວໂລກຕໍ່ກັບສະຖານະການທີ່ກໍາລັງເກີດຂຶ້ນໃນປະຈຸບັນ ຫຼື ສະຖານະການໂຄວິດ-19 ນັ້ນເອງ ແລະກໍຍັງຢູ່ໃນໄລຍະພິຈາລະນາວ່າຈະເອົາບົດເພງດັ່ງກ່າວນີ້ເພີ່ມເຂົ້າໃນອາລະບໍ້າໃໝ່ ຫຼື ບໍ່ ຊຶ່ງໜຸ່ມວີກໍຍັງໄດ້ເວົ້າຕື່ມອີກວ່າເນື້ອເພງທີ່ຈະປ່ອຍນີ້ມີເນື້ອຫາເປັນພາສາອັງກິດທຸກຄົນໃນວົງເອງກໍເຫັນວ່າເນື້ອເພງຂ້ອນຂ້າງຈະສົມບູນແບບຫຼາຍ, ແຕ່ແນວໃດ 21 ສິງຫານີ້ທຸກຄົນຢ່າລືມກຽມແບັດໂທ ລະສັບ ແລະທີ່ສໍາຄັນຢ່າລືມກຽມເງິນຕື່ມບັດໂທລະສັບເພື່ອຈະປັ່ນຍອດວິວໄປພ້ອມໆກັນ, ບອກໄດ້ເລີຍວ່າອາລະບໍ້າຊຸດນີ້ອາດຈະເກີນ 100 ລ້ານວິວພາຍໃນ 24 ຊົ່ວໂມງ.

----------

ໜັງສືພິມເສດຖະກິດ-ສັງຄົມ

แชร์