ກຸ່ມຜະລິດກະຊິກຳບ້ານໂພນມ່ວງສ້າງລາຍຮັບໄດ້ 2-3 ລ້ານກີບຕໍ່ຄັ້ງ

  ເມືອງເຊໂປນ ແຂວງສະຫວັນນະເຂດ ເປັນເມືອງໜຶ່ງທີ່ຖືເອົາການປູກພືດກະສິກຳເປັນສິນຄ້າສົ່ງອອກຈຳໜ່າຍຕາມທ້ອງຕະຫຼາດ ແລະ ຕາມຂອບເຂດເທ ສະບານເມືອງຊຶ່ງໃນນັ້ນແມ່ນກຸ່ມການຜະລິດປູກພຶດຜັກປອດສານຜິດບ້ານໂພນມ່ວງທີ່ໄດ້ຖືເອົາຜົນຜະລິດດັ່ງກ່າວສົ່ງຂາຍຕາມຕະຫຼາດຕ່າງໆຈົນສາມາດສ້າງລາຍຮັບ 2-3 ລ້ານກີບຕໍ່ຄັ້ງ.

  ຕາມການສໍາພາດກຸ່ມຜະລິດ ປູກພືດຜັກປອດສານພິດບ້ານໂພນມ່ວງໃຫ້ຮູ້ວ່າ: ສຳລັບກຸ່ມຜະລິດ ກະສິກຳຂອງເຮົາແມ່ນໄດ້ສ້າງຕັ້ງເປັນກຸ່ມການຜະລິດປູກພືດຜັກ ປອດສານເຄມີໃນປີ 2018 ຊຶ່ງມີ ສະມາຊິກທັງໝົດສາມຄອບຄົວ ຄື: ຄອບຄົວນາງ ແກ້ວປະເສີດ, ນາງ ວອນ ແລະຄອບຄົວແມ່ເຖົ້າ ອຳມະລີທີ່ໄດ້ຖືເອົາອາຊີບປູກພືດກະສິກຳຈຳໜ່າຍຕອບສະໜອງ ທ້ອງຕະຫຼາດເປັນຕົ້ນ ປູກຜັກກາດ ກວາງຕຸງ, ຜັກກະລໍ່າ, ຜັກບົ່ວ, ໝາກເລັ່ນ, ຜັກບົ້ງ, ຜັກຫອມປ້ອມ, ຜັກກາດຊອມ, ໝາກເຜັດ, ໝາກ ເຂືອ, ໝາກແຕງ ແລະອື່ນໆ ຊຶ່ງ ທັງສາມຄອບຄົວແມ່ນໄດ້ເຮັດ ຮ່ວມກັນ ໃນນັ້ນມີເນື້ອທີ່ປູກທັງ ໝົດ 1,5 ເຮັກຕາ ສຳລັບການລົງ ທຶນໃນເບື້ອງຕົ້ນແມ່ນປະມານ 15-20 ລ້ານກີບ ທີ່ໄດ້ກູ້ຢືມຈາກກອງ ທຶນພັດທະນາຂອງບ້ານ ສຳລັບ ທາງດ້ານຕະຫຼາດທີ່ໄດ້ຜົນຮອງ ຮັບຕອບສະໜອງຫຼັກໆແມ່ນບໍລິ ສັດຊັນເປເປີ້ໂຣນດິ້ງລາວ ຈໍາກັດ ເປັນຜູ້ຮັບເໝົາຊື້ ນອກນັ້ນຍັງມີພໍ່ ຄ້າແມ່ຄ້າຕາມທ້ອງຕະຫຼາດໃນ ເທສະບານເມືອງທີ່ໄດ້ມາຮັບຊື້ ສຳລັບຜັກກະລ່ຳແມ່ນຂາຍລາຄາ ໝື່ນລະ 35 ພັນກີບ, ຜັກກວາງ ຕຸງໝື່ນລະ 30 ພັນກີບ ຈົນສາມາດ ສ້າງລາຍຮັບສະເລ່ຍຄັ້ງໜຶ່ງປະມານ 2-3 ລ້ານກີບຕໍ່ຄອບຄົວ.

 ນອກຈາກນັ້ນເຖິງວ່າກຸ່ມຜະ ລິດກະສິກຳປອດສານຜິດບ້ານ ໂພນມ່ວງສາມາດ ສ້າງລາຍຮັບ ສະເລ່ຍ 2-3 ລ້ານກີບຕໍ່ຄອບຄົວກໍ່ຕາມແຕ່ຍັງມີຂໍ້ຫຍຸ້ງຍາກທີ່ເປັນ ການທ້າທາຍຕໍ່ຜົນຜະລິດຢູ່ເປັນຕົ້ນ ຖ້າຜະລິດພຶດເຕັມສ່ວນກັບເນື້ອທີ່ມີຢູ່ໃນປະຈຸບັນແມ່ນຈະບໍ່ມີຕະ ຫຼາດຮອງຮັບ ຫຼື ບາງຄັ້ງອາດ ເຮັດໃຫ້ລາຄາພຶດຜັກບາງຊະນິດ ຫຼຸດລົງອີກ ເຖິງຢ່າງໃດກໍ່ຕາມ ພວກເຂົາຍັງມີແຜນຂະຫຍາຍພື້ນ ທີ່ຕະຫຼາດທີ່ຮອງຮັບເປັນຫຼັກແຫຼ່ງ ອອກຕື່ມອີກ ເພື່ອຊຸກຍູ້ສົ່ງເສີມ ໃຫ້ພໍ່ແມ່ປະຊາຊົນມີວຽກເຮັດງານ ທໍາສ້າງເສດຖະກິດຄອບຄົວດີຂຶ້ນຫຼຸດພົ້ນອອກຈາກຄວາມທຸກຍາກ.

ໂດຍ: ແພງຕາ-ນສພ ເສດຖະກິດ-ສັງຄົມ

แชร์