ສິງກະໂປ ທຳລາຍງາຊ້າງຜິດກົດໝາຍ 9 ໂຕນ

  ສິງກະໂປທຳລາຍງາຊ້າງ ຜິດກົດໝາຍທີ່ຢຶດໄດ້ 9 ໂຕນ ແລະງາຊ້າງທີ່ຕັດມາຈາກຊ້າງ ອາຟຣິກາ ຫຼາຍກວ່າ 300 ໂຕ ໃນວັນທີ 11 ສິງຫາທີ່ຜ່ານມາ ຖືວ່າເປັນຄວາມເຄື່ອນໄຫວຕໍ່ຕ້ານ ການຄ້າງາຊ້າງຄັ້ງໃຫຍ່ສຸດຂອງ ໂລກໃນຮອບຫຼາຍປີທີ່ຜ່ານມາ.

   ຕາມຂ່າວຕ່າງປະເທດລາຍງານວ່າຄະນະກຳມາທິການອຸທິຍານແຫ່ງຊາດຂອງສິງກະໂປເປີດເຜີຍວ່າການທຳລາຍງາຊ້າງດັ່ງກ່າວມີຂຶ້ນກ່ອນເຖິງວັນຊ້າງໂລກໃນວັນທີ 12 ສິງຫາ ໂດຍໃຊ້ເຄື່ອງບົດຫີນໃນການທຳລາຍງາຊ້າງ ເພື່ອປ້ອງກັນບໍ່ໃຫ້ນໍາ ງາຊ້າງ ກັບມາຂາຍໃນທ້ອງຕະຫຼາດ ແລະຂັດຂວາງຕ່ອງໂສ້ອຸປະທານການຄ້າງາຊ້າງຜິດກົດໝາຍ ຂັ້ນຕອນທຳລາຍງາຊ້າງ ທີ່ຢຶດມາ ໄດ້ຕັ້ງແຕ່ປີ 2014-2019 ຈະໃຊ້ ເວລາ 3-5 ວັນ ຈຶ່ງຈະສຳເລັດ ຈາກນັ້ນຈະນໍາເສດງາຊ້າງທີ່ຖືກບົດລະອຽດໄປເຜົາ ງານດັ່ງກ່າວ ໄດ້ສະທ້ອນໃຫ້ເຫັນວ່າ ສິງກະໂປມີ ຄວາມມຸ້ງໝັ້ນ ແລະຕັ້ງໃຈທີ່ຈະຕໍ່ຕ້ານການຄ້າສັດປ່າທີ່ຜິດກົດໝາຍຫຼັງຈາກໃນປີທີ່ຜ່ານມາສິງກະໂປຢຶດງາຊ້າງຜິດກົດໝາຍໄດ້ເຖິງ 8,8 ໂຕນ ແລະມີມູນຄ່າ 17,6 ລ້ານໂດລາສິງກະໂປ.

  ງາຊ້າງເປັນທີ່ຕ້ອງການໃນຕະຫຼາດເນື່ອງຈາກສາມາດນໍາໄປດັດແປງເປັນເຄື່ອງໃຊ້ທີ່ທັນສະໄໝໄດ້ເຊັ່ນ: ຫວີ, ເຄື່ອງປະດັບ ແລະອັນ ຍະມະນີທີ່ແປກໃໝ່ທັງນີ້ການຄ້າງາຊ້າງທົ່ວໂລກຖືເປັນສິ່ງຜິດກົດໝາຍມາຕັ້ງແຕ່ປີ 1989 ຫຼັງຈາກມີຈຳນວນຊ້າງຫຼຸດລົງຈາກຫຼາຍລ້ານໂຕໃນໄລຍະກາງຄຣິດສະຕະວັດທີ່ 20 ເຫຼືອພຽງ 6 ແສນ ໂຕໃນໄລຍະທ້າຍຄຣິດທົດສະວັດ 1980.

 

แชร์