ຕົ້ນກະພຸກ ມີປະໂຫຍດຫຼາຍກວ່າທີ່ທ່ານຄິດ

  ຕົ້ນກະພຸກຈັດເປັນພືດລົ້ມລຸກ, ມີເຫງົ້າເລືອໄປກັບພື້ນໜ້າດິນຄືກັບບອນ, ລໍາຕົ້ນຕັ້ງຊື່, ສູງໄດ້ 1-2 ມ ສ່ວນໃຫຍ່ມັກນິຍົມເອົາຕົ້ນມາປູກເປັນໄມ້ປະດັບຊຶ່ງເຫງົ້າຕົ້ມ ໃຫ້ສຸກສາມາດໃຊ້ຮັບປະທານໄດ້ ຫຼືຈະໃຊ້ສໍາຫຼັບໃສ່ແກງກໍໄດ້ ແລະນອກນັ້ນຍັງມີປະໂຫຍດອີກຫຼາຍຢ່າງເປັນຕົ້ນ: ໃຊ້ເປັນຢາລະບາຍ, ຂັບປັດສະວະ, ແກ້ພິດແມງກັດ, ໃຊ້ພອກແຜເປັນໜອງ, ບາງທ້ອງຖິ່ນໃຊ້ເປັນອາຫານ, ເຢັນແກ້ອາການອັກເສບບວມແດງຕາມຂໍ້ ແລະໃຊ້ເປັນຢາແກ້ອາການໄອ.

 ວິທີໃຊ້: ຮັກສາແຜທີ່ເປັນໜອງໂດຍໃຊ້ເຫງົ້າຫົວໃຕ້ດິນ 15-30 ກຣາມ, ລ້າງນໍ້າໃຫ້ສະອາດຊອຍແລ້ວຕໍາໃຫ້ມຸ່ນປະສົມເຫຼົ້າຕົ້ມເລັກນ້ອຍແລ້ວໃຊ້ພອກແຜທີ່ມີໜອງ ຕອນເຊົ້າ ແລະຕອນແລງ, ຊຶ່ງການໃຊ້ເປັນຢາລະບາຍ ແລະຂັບປັດສະວະໂດຍໃຊ້ຮາກສົດ 30-50 ກຼາມ,ຕັດໃສ່ໝໍ້ດິນເຕີມນໍ້າສະອາດ 3 ສ່ວນ,ຕົ້ມ ແລະຂ້ຽວໃຫ້ເຫຼືອ ນໍ້າພຽງ 1 ສ່ວນ ກອງເອົານໍ້າດື່ມຄັ້ງລະ 1 ແກ້ວ (250 ຊີຊີ) ມື້ລະ 2 ເທື່ອ, ຫຼັງອາຫານອາການຈະດີຂຶ້ນ.

----------

ຮຽບຮຽງໂດຍ: ຟ້າ

แชร์