ຫົວໜ້າຄະນະໂຄສະນາອົບຮົມສູນກາງພັກເຄື່ອນໄຫວເຮັດວຽກຢູ່ເມືອງຍົມມະລາດ

  ໃນວັນທີ 11 ສິງຫາຜ່ານມາທ່ານ ຄຳພັນ ພົມມະທັດ ຫົວໜ້າຄະນະໂຄສະນາອົບຮົມສູນກາງພັກພ້ອມຄະນະໄດ້ລົງເຄື່ອນໄຫວຢ້ຽມຢາມເມືອງຍົມມະລາດແຂວງຄໍາມ່ວນໂດຍເປັນກຽດຕ້ອນຮັບຂອງທ່ານ ບຸນທັນ ສຸວັນນະລາດ ເລຂາຄະນະບໍລິຫານງານພັກເມືອງ,ເຈົ້າເມືອງໆຍົມມະລາດຊຶ່ງມີບັນດາທ່ານຄະນະປະຈຳພັກເມືອງ, ກຳ ມະການພັກເມືອງຕະຫຼອດຮອດພໍ່ແມ່ປະຊາຊົນໃຫ້ການຕ້ອນຮັບ.


 ໃນການລົງເຄື່ອນໄຫວຄັ້ງນີ້ທ່ານ ຄຳພັນ ພົມມະທັດ ຫົວໜ້າຄະນະໂຄສະນາອົບຮົມສູນກາງພັກພ້ອມຄະນະໄດ້ລົງຢ້ຽມຢາມເບິ່ງຄອງຊົນລະປະທານເຂດລຸ່ມເຮືອນຈັກໂຄງການນໍ້າເທີນ 2 (ເຂດປະຕູນໍ້າປ່ອງ 3), ສວນກະສິກຳ ແລະໂຮງງານຂອງບໍລິສັດ ພອນສັກກຸຣບ ຈຳກັດ ຊຶ່ງ ທ່ານ ຄຳສຸກ ວົງວິລາດ (ເທິນ) ຜູ້ບໍລິຫານບໍລິສັດ ພອນສັກກຸຣບຈຳກັດ ໄດ້ລາຍງານໃຫ້ຮູ້ ວ່າ: ສວນກະສິກຳຂອງບໍລິສັດ ພອນສັກ ກຸຣບຈຳກັດ ມີເນື້ອທີ່ທັງໝົດ 620 ເຮັກຕາ ຊຶ່ງປະຈຸບັນສວນດັ່ງກ່າວໄດ້ປູກໜໍ່ໄມ້ກິມຈຸງ (ໜໍ່ໄມ້ລືມແລ້ງ), ຫຍ້າເນເປຍ (ຫຍ້າພັນ) ນອກຈາກນີ້ຍັງໄດ້ລ້ຽງງົວລາດ ແລະງົວພັນຈຳນວນ 100 ກວ່າໂຕ, ລ້ຽງໄກ່ລາດ ແລະລ້ຽງປາຈຳນວນໜຶ່ງເພື່ອສະໜອງໃຫ້ແກ່ຕະຫຼາດພາຍໃນປະເທດ.

_____________

ຂ່າວ: ຄໍາພູວາ ໄຊຍະອ່ອນຕາ

ຮູບພາບ: ໜັງສືພິມເສດຖະກິດ-ສັງຄົມ

แชร์