ສະມາຊິກຊາວໜຸ່ມບ້ານດອນ ໄດ້ຮັບການສຶກສາອົບຮົມການເມືອງ-ແນວຄິດ

  ໃນວັນທີ 6 ສິງຫາ ຜ່ານມາ, ຄະນະບໍລິຫານງານຊາວໜຸ່ມແຂວງຄໍາມ່ວນໂດຍສົມທົບກັບຄະນະບໍລິຫານງານຊາວໜຸ່ມເມືອງນາກາຍໄດ້ລົງເຄື່ອນໄຫວພົບປະໂອ້ລົມ, ສຶກສາອົບຮົມ ແລະເຜີຍ ແຜ່ເອກະສານສໍາຄັນຕ່າງໆໃຫ້ແກ່ສະມາຊິກຊາວໜຸ່ມ-ໄວໜຸ່ມທີ່ບ້ານ ດອນ ຊຶ່ງນໍາໂດຍທ່ານ ສາຍຄໍາ ພະໄຊສິດທິເດດ ເລຂາຄະນະບໍລິຫານງານຊາວໜຸ່ມແຂວງຄໍາມ່ວນພ້ອມຄະນະມີບັນດາສະຫາຍການນໍາຂອງເມືອງ, ຄະນະຊາວໜຸ່ມເມືອງ, ຄະນະພັກອົງການປົກຄອງບ້ານຕະຫຼອດຮອດສະມາຊິກຊາວ ໜຸ່ມ-ໄວໜຸ່ມເຂົ້າຮ່ວມ.

  ໃນການລົງເຄື່ອນໄຫວພົບປະໂອ້ລົມ ແລະສຶກສາອົບຮົມຊາວໜຸ່ມ-ໄວໜຸ່ມໃນຄັ້ງນີ້ຄະນະບໍລິຫານງານຊາວໜຸ່ມແຂວງຄໍາມ່ວນ ໄດ້ນໍາເອົາບັນດາເອກະສານສໍາຄັນຕ່າງໆ ທີ່ຕິດພັນກັບສະມາຊິກຊາວໜຸ່ຄື:ເອກະສານມູນເຊື້ອວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ ຄົບຮອບ 65 ປີ, ເອກະສານຢ່າປ່ອຍປະຊີວິດໄວໜຸ່ມຜ່ານໄປຢ່າງບໍ່ມີຄຸນປະໂຫຍດອັນໃດໃຫ້ແກ່ຄອບຄົວ, ສັງຄົມ ແລະ ປະເທດຊາດພ້ອມດ້ວຍເຜີຍແຜ່ກົດໝາຍ ແລະກົດລະບຽບຂອງຄະນະຊາວໜຸ່ມປະຊາຊົນປະຕິວັດລາວເພື່ອເຮັດໃຫ້ສະມາຊິກຊາວໜຸ່ມ-ໄວໜຸ່ມໄດ້ຮັບຮູ້ຄວາມເປັນມາຂອງປະຫວັດສາດລາວກໍ່ຄືມູນເຊື້ອການຕໍ່ສູ້ຢ່າງພິລະອາດຫານຂອງຊາວໜຸ່ມລາວໃນເມື່ອກ່ອນທີ່ໄດ້ສ້າງມູນເຊື້ອວິລະກໍາຈົນມາເຖິງ 65 ປີ ໄວ້ໃຫ້ຄົນຮຸ້ນຫຼັງໄດ້ພ້ອມກັນສືບທອດພາລະກິດປະຕິວັດ 2 ໜ້າທີ່ຍຸດທະສາດຄື: ປົກປັກຮັກສາ ແລະສ້າງສາພັດທະນາປະເທດຊາດ ເວົ້າລວມແມ່ນຄວາມຫວັງໃຫ້ກັບຄົນຮຸ້ນໜຸ່ມເປັນກໍາລັງຫຼັກໃຫ້ແກ່ຄອບຄົວ, ສັງຄົມ ແລະປະເທດຊາດຈົ່ງຢ່າປ່ອຍປະຊີວິດໜຸ່ມຜ່ານໄປໂດຍບໍ່ມີປະໂຫຍດຈົ່ງສ້າງແຕ່ຄວາມດີປະຕິບັດໄດ້ຕໍ່ລະບຽບກົດໝາຍຂອງບ້ານເມືອງກໍ່ຄືກົດໝາຍ, ກົດລະບຽບຂອງຄະນະຊາວໜຸ່ມປະຊາຊົນປະຕິວັດລາວເພື່ອພ້ອມກັນປະຕິບັດໜ້າທີ່, ສິດ, ພັນ. ທະ ແລະເພື່ອປົກປ້ອງສິດຜົນປະໂຫຍດຂອງຊາວໜຸ່ມລາວທີ່ມີຕໍ່ສັງຄົມ.

 ໃນຕອນທ້າຍບັນດາສະມາຊິກຊາວໜຸ່ມຍັງໄດ້ຮັບຟັງການໂອ້ລົມຂອງທ່ານ ສາຍຄໍາ ພະໄຊສິດທິ ເດດ ເລຂາຄະນະບໍລິຫານງານຊາວໜຸ່ມແຂວງຄໍາມ່ວນຊຶ່ງສະຫາຍໄດ້ຕີລາຄາສູງຕໍ່ການຊີ້ນໍາໆ ພາຂອງຄະນະບໍລິຫານງານຊາວ ໜຸ່ມເມືອງກໍ່ຄືການນໍາພາຂອງບ້ານທີ່ມີຕໍ່ຂະບວນການຂອງຊາວໜຸ່ມ-ເຍົາວະຊົນຈົນເຮັດໃຫ້ບັນດາບ້ານທົ່ວເມືອງໄດ້ກາຍເປັນບ້ານ 4 ບຸກ ແລະສະມາຊິກຊາວໜຸ່ມ 4ບຸກ, ພ້ອມດຽວກັນຍັງໄດ້ເນັ້ນໜັກ ໃຫ້ສະມາຊິກຊາວໜຸ່ມ-ໄວໜຸ່ມກໍ່ຄື ການນໍາພາຂອງບ້ານຈົ່ງເພີ່ມທະວີ ຕໍ່ວຽກງານສຶກສາອົບຮົມການ ເມືອງ-ແນວຄິດ ໂດຍການປຸກລະດົມໃຫ້ເຂົາເຈົ້າໄດ້ຮັບຮູ້ມູນເຊື້ອ ການຕໍ່ສູ້, ມູນເຊື້ອຄວາມສາມັກຄີ, ມູນເຊື້ອຄວາມດຸໜັ່ນ ແລະມູນເຊື້ອວັດທະນະທໍາຮີດຄອງປະເພນີລາວ ເຂົ້າເຖິງຈິດສໍານຶກຂອງຊາວໜຸ່ມ-ໄວໜຸ່ມໃຫ້ທົ່ວເຖິງ, ຍົກສູງຕໍ່ມູນເຊື້ອຄວາມສາມັກຄີຮັກສາໄດ້ຮີດຄອງປະເພນີອັນດີງາມຂອງຊາດ ລາວ, ນໍາພາສະມາຊິກຊາວໜຸ່ມສ້າງຂະບວນການອອກແຮງງານ, ສົ່ງເສີມວິຊາຊີບສ້າງວຽກເຮັດ ງານທໍາດ້ວຍຫຼາຍກິດຈະກຳການ ເຄື່ອນໄຫວທີ່ຖືກຕ້ອງ, ຢຸດຕິການ ໄປອອກແຮງງານຢູ່ຕ່າງປະເທດທີ່ຜິດຕໍ່ລະບຽບກົດໝາຍເພື່ອສ້າງຄວາມເຂັ້ມແຂງໃຫ້ກໍາລັງຊາວໜຸ່ມຂອງຕົນກໍ່ຄືເປັນກໍາລັງແຮງຫຼັກໃຫ້ແກ່ພໍ່ແມ່ພ້ອມຍັງເປັນຮົ້ວປ້ອງ ກັນໃຫ້ແກ່ສັງຄົມແລະປະເທດຊາດດັ່ງຄໍາຂວັນຂອງຊາວໜຸ່ມທີ່ວ່າ:“ບ່ອນໃດຍາກຊາວໜຸ່ມບຸກບ່ອນໃດທຸກຊາວໜຸ່ມຜ່ານຜ່າເມື່ອໃດຊາດຕ້ອງການຊາວໜຸ່ມຂານອາສາ”

-----------------

ຂຽນໂດຍ: ກັນຍາ ສີສົມຈັນ

ຮູບພາບ: ໜັງສືພິມເສດຖະກິດ-ສັງຄົມ

แชร์