ຊາວໜຸ່ມເມືອງຫີນບູນ ສຳເລັດກອງປະຊຸມຄົບຄະນະ

   ກອງປະຊຸມວິສາມັນຄົບຄະນະບໍລິຫານງານຊາວໜຸ່ມ ເມືອງຫີນບູນ ຄັ້ງທີ 2 ສະໄໝທີ VII ໄດ້ຈັດຂຶ້ນໃນວັນທີ 6 ສິງຫາ ຜ່ານມາທີ່ຫ້ອງປະຊຸມກອງບັນຊາການ ປກສ ເມືອງຫີນບູນ ໂດຍການເປັນປະທານຂອງ ທ່ານ ນິກອນ ຄຸດມະນີ ເລຂາຄະນະບໍລິຫານງານຊາວໜຸ່ມເມືອງ,ເປັນກຽດເຂົ້າຮ່ວມ ຂອງທ່ານ ສາຍຄຳ ພະໄຊສິດທິເດດ ເລຂາຄະນະບໍລິຫານຊາວໜຸ່ມແຂວງທ່ານ ກອນແກ້ວ ເພັດບົວພາ ປະທານແນວລາວສ້າງຊາດເມືອງ,ມີບັນດາສະຫາຍຄະນະປະຈຳຄະນະບໍລິຫານງານຊາວໜຸ່ມແຂວງ, ຄະນະບໍລິຫານງານຊາວໜຸ່ມເມືອງຕະຫຼອດຮອດເລຂາໜ່ວຍຊາວໜຸ່ມ-ສະມາຊິກຊາວໜຸ່ມອ້ອມຂ້າງເມືອງເຂົ້າຮ່ວມ 44 ສະຫາຍ, ຍິງ 8 ສະຫາຍ.

   ທ່ານ ນາງ ອໍາໄພວັນ ຟອງສະມຸດ ຮອງເລຂາຄະນະບໍລິຫານງານຊາວໜຸ່ມເມືອງກໍ່ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານຊາວໜຸ່ມ-ເຍົາວະຊົນ 6 ເດືອນຕົ້ນປີ ແລະທິດທາງແຜນການ 6 ເດືອນທ້າຍ ປີ 2020  ຊຶ່ງສະຫາຍໄດ້ຍົກ ໃຫ້ເຫັນຜົນສຳເລັດຂອງການເຄື່ອໄຫວວຽກງານແຕ່ລະດ້ານພ້ອມທັງຕີລາຄາດ້ານດີ, ຂໍ້ຄົງຄ້າງ ແລະບົດຮຽນທີ່ຖອດຖອນໄດ້ເພື່ອພ້ອມກັນສຸມໃສ່ຈັດຕັ້ງປະຕິບັດໃນຕໍ່ໜ້າ.

   ຈາກນັ້ນທ່ານ ເຫຼັງຄຳ ໄຊຄຳຜັນ ຮອງເລຂາຄະນະບໍລິຫານງານຊາວໜຸ່ມແຂວງໄດ້ຂຶ້ນເຜີຍແຜ່ມະຕິກອງປະຊຸມໃຫ່ຍຜູ້ແທນຊາວໜຸ່ມທົ່ວແຂວງຄຳມ່ວນສະໄໝທີ VIII ເພື່ອໃຫ້ບັນດາສະຫາຍຄະນະບໍລິຫານງານຊາວໜຸ່ມເມືອງ, ຄະນະຮາກຖານ-ໜ່ວຍຊາວໜຸ່ມນຳໄປຄົ້ນຄວ້າຫັນເປັນແຜນງານ, ໂຄງການ ແລະ ແຜນການກິດ ຈະກຳລະອຽດໄດ້ມີການເຄື່ອນໄຫວຢ່າງຕັ້ງໜ້າເພື່ອສ້າງເປັນຕົວຊີ້ວັດໃນການຈັດຕັ້ງປະຕິບັດວຽກງານແຜນພັດທະນາຊາວໜຸ່ມ-ເຍົາວະຊົນທົ່ວແຂວງໂດຍສະເພາະທົ່ວເມືອງຫີນບູນ ໄດ້ມີຜົນງານເອກອ້າງເຂົ້າໃນກອງປະຊຸມຄົບຄະນະຄັ້ງຕໍ່ໄປ.

    ໂອກາດດຽວກັນນີ້ຄະນະບໍລິຫານງານຊາວໜຸ່ມເມືອງຫີນບູນໄດ້ມອບເງິນຊ່ວຍເຫຼືອຜູ້ໄດ້ຮັບຜົນກະທົບຈາກໄພທໍາມະຊາດຢູ່ທີ່ເມືອງນາກາຍ ແລະ ເມືອງບົວລະພາ ເປັນເງິນ 600.000 ກີບ ຕາງໜ້າຮັບໂດຍທ່ານ ສາຍຄໍາ ພະໄຊສິດທິເດດ ເລຂາຄະນະບໍລິຫານງານຊາວໜຸ່ມແຂວງ.

    ຕອນທ້າຍກອງປະຊຸມຍັງໄດ້ຮັບຟັງການໂອ້ລົມຂອງທ່ານ ສາຍຄໍາ ພະໄຊສິດທິເດດ ເລຂາຄະນະບໍລິຫານງານຊາວໜຸ່ມແຂວງຊຶ່ງສະຫາຍໄດ້ຍ້ອງຍໍຊົມເຊີຍ ແລະຍັງ ໄດ້ເນັ້ນໜັກມາຍັງບັນດາສະຫາຍຄະນະບໍລິຫານງານຊາວໜຸ່ມເມືອງຈົ່ງເພີ່ມທະວີຕໍ່ວຽກງານສຶກສາອົບຮົມການເມືອງ-ແນວຄິດ ໂດຍອີງໃສພາລະບົດບາດຂອງຊາວ ໜຸ່ມໂດຍມີພັກເປັນຜູ້ຊີ້ນໍາ-ນໍາພາ ໂດຍກົງ ແລະຮອບດ້ານ, ພ້ອມກັນນໍາເອົາບັນດາເອກະສານສໍາຄັນຂອງຊາດ, ຂອງພັກ ແລະຂອງຊາວໜຸ່ມນໍາໄປເຜີຍແຜ່ສູ່ບັນດາທ້ອງຖີ່ນ ຮາກຖານບ້ານ ໂດຍສະເພາະນໍາເອົາມູນເຊື້ອການຕໍ່ສູ້ຂອງຊາດ, ມູນເຊື້ອຄວາມສາມັກຄີ, ມູນເຊື້ອ ຄວາມດຸໜັ່ນ ແລະມູນເຊື້ອວັດທະນາທໍາຮີດຄອງປະເພນີລາວເຂົ້າເຖີງຊີວິດຊາວໜຸ່ມ-ໄວໜຸ່ມໃຫ້ທົ່ວເຖິງ, ພ້ອມກັບການປັບປຸງການຈັດຕັ້ງຢູ່ຂັ້ນບ້ານໃຫ້ມີຄວາມເຂັ້ມແຂງພ້ອມໆກັບການສ້າງຊາວໜຸ່ມຕະລຸມບອນໄດ້ມີການເຄື່ອນໄຫວຊ່ວຍເຫຼືອຢ່າງເປັນຂະບວນຟົດຟື້ນຕິດພັນກັບການປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວເພື່ອສ້າງຄະນະຊາວໜຸ່ມທຸກຂັ້ນເຕີບໃຫຍ່ເຂັ້ມແຂງໃຕ້ຮົ່ມທຸງຂອງພັກເພື່ອໃຫ້ສົມກັບພັກໄດ້ໄວ້ເນື້ອເຊື່ອ ໃຈຕໍ່ອົງການຈັດຕັ້ງຊາວໜຸ່ມ ແລະປະຕິບັດໄດ້ດັ່ງກັບພັກໄດ້ຂະໜານນາມຊາວໜຸ່ມວ່າ: “ຊາວໜຸ່ມປຽບເໝືອນກະດູກສັນຫຼັງຂອງປະເທດຊາດເປັນແຂນຂວາຂອງພັກ”.

----------------

ຂຽນໂດຍ: ກັນຍາ ສີສົມຈັນ 

ຮູບພາບ: #ຫນັງສືພິມເສດຖະກິດສັງຄົມ

แชร์