6 ເດືອນຕົ້ນປີ ສ່ວຍສາອາກອນໄຊຍະບູລີເກັບລາຍຮັບໄດ້ 41,01%

  ທ່ານ ບຸນເສັງ ວົງສະນິດ ຫົວໜ້າສ່ວຍສາອາກອນປະຈຳແຂວງໄຊຍະບູລີໄດ້ໃຫ້ຮູ້ວ່າ: ສ່ວຍສາອາກອນແຂວງໄດ້ຮັບຕົວເລກແຜນເກັບລາຍຮັບເບື້ອງຕົ້ນ 251 ຕື້ກວ່າກີບ ຜ່ານການຈັດເກັບລາຍຮັບ 6 ເດືອນຕົ້ນປີສາມາດເກັບລາຍຮັບເຂົ້າງົບປະມານໄດ້ທັງໝົດ 102 ຕື້ກວ່າກີບ ເທົ່າກັບ 41,01% ຂອງແຜນການປີ, ທຽບໃສ່ແຜນ 6 ເດືອນຂອງກົມສ່ວຍສາອາກອນມອບໃຫ້ປະຕິບັດໄດ້ 85,43% ທຽບໃສ່ໄລຍະດຽວກັນຂອງປີຜ່ານມາຫຼຸດລົງ 1,66%, ເມື່ອເບິ່ງລວມແລ້ວຖືວ່າການເກັບອາກອນແຂວງໄຊຍະບູລີແມ່ນຢູ່ໃນລະດັບດີອັນດັບ 1 ໃນນີ້ລາຍຮັບອາກອນປົກກະຕິຕາມແຜນ 219 ຕື້ກວ່າກີບ ປະຕິບັດໄດ້ 87 ຕື້ກວ່າກີບ ເທົ່າກັບ 40,13% ຂອງແຜນປີ, ລາຍຮັບພາສີທີ່ດິນ,ຄ່າທໍານຽມ,ຄ່າຊື້-ຂາຍສິດນໍາໃຊ້ທີ່ດິນເຊັ່ນ: ລາຍຮັບພາສີທີ່ດິນຕາມແຜນ 9 ຕື້ກວ່າກີບ ປະຕິບັດໄດ້ 6 ຕື້ກວ່າກີບ ເທົ່າກັບ 74,23% ຂອງແຜນປີ, ລາຍຮັບຂຶ້ນທະບຽນ, ຈົດທະບຽນຕາມແຜນ 0,94 ຕື້ກວ່າກີບ ປະຕິບັດໄດ້ 0,36 ຕື້ກີບ ເທົ່າກັບ 39,21% ຂອງແຜນປີ, ລາຍຮັບຈາກການຊື້-ຂາຍສິດນໍາໃຊ້ທີ່ດິນຕາມແຜນ 0,33 ຕື້ກີບ ປະຕິບັດໄດ້ 0,11 ຕື້ກີບ ເທົ່າກັບ 35,09% ຂອງແຜນປີ,ທຽບໃສ່ໄລຍະດຽວກັນຂອງປີຜ່ານມາຫຼຸດລົງ 26,54%. ລາຍຮັບຄ່າທໍານຽມຕາມແຜນ 6 ຕື້ກວ່າກີບ ປະຕິບັດໄດ້ 3 ຕື້ກວ່າກີບ ເທົ່າກັບ 52,69% ຂອງແຜນປີ,ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 7,48%ຂອງແຜນປີ,ລາຍຮັບຄ່າບໍລິການຕາມແຜນ 8 ຕື້ກວ່າກີບ ປະຕິບັດໄດ້ 2 ຕື້ກວ່າກີບ ເທົ່າກັບ 34,05% ຂອງແຜນປີ, ລາຍຮັບກອງທຶນຢາຕາມແຜນ 6 ຕື້ກວ່າກີບ ປະຕິບັດໄດ້ 1 ຕື້ກວ່າກີບ ເທົ່າກັບ 20,78% ຂອງແຜນປີ.
  ສາເຫດການປະຕິບັດລາຍຮັບບໍ່ບັນລຸຕາມຄາດໝາຍຍ້ອນຜົນກະທົບຂອງພະຍາດໂຄວິດ-19 ຊຶ່ງລັດຖະບານໄດ້ມີນະໂຍບາຍຍົກເວັ້ນອາກອນ 3 ເດືອນ,ອາກອນລາຍໄດ້ຈາກເງິນເດືອນທີ່ມີລາຍຮັບຕໍ່າກວ່າ 5 ລ້ານກີບ ແລະ ຫົວໜ່ວຍຈຸນລະວິສາຫະກິດໄດ້ຖືກຍົກເວັ້ນ, ລາຍຮັບຈຸນລະວິສາຫະກິດ 50 ລ້ານກີບ ລົງມາຖືກຍົກເວັ້ນ, ລາຍຮັບອາກອນເງິນເດືອນ 1,3 ລ້ານກີບ ລາຍຮັບຈາກອາກອນກໍາໄລຈາກ 24% ມາເປັນ 20% ຄວາມເປັນເຈົ້າການຂອງຂະແໜງການຈັດເກັບລາຍຮັບບາງພະ ແນກການຍັງບໍ່ບັນລຸຕາມແຜນການ 6 ເດືອນຕົ້ນປີ ປະຕິບັດໄດ້ພຽງ 33%, ອີກດ້ານໜຶ່ງລາຍຮັບຈາກໂຄງການເຂື່ອນໄຟຟ້ານໍ້າຂອງທຽບໃສ່ໄລຍະດຽວກັນຂອງປີຜ່ານມາກໍ່ເຫັນວ່າຫຼຸດລົງ 20,28% ເປັນເງິນ 2,75 ຕື້ກີບ ຍ້ອນຈໍານວນກໍາມະກອນຫຼຸດລົງ.
  ທ່ານຍັງໄດ້ໃຫ້ຮູ້ຕື່ມວ່າ: 6 ເດືອນ ທ້າຍປີການເກັບລາຍຮັບອາກອນຈະໃຫ້ບັນລຸຕົວເລກຕາມແຜນດັດແກ້ໝົດປີ 174 ຕື້ກວ່າກີບ ໂດຍຊຸກຍູ້ການເກັບລາຍຮັບຂອງບັນດາເມືອງໃນທົ່ວແຂວງຕາມການແບ່ງຂັ້ນຄຸ້ມຄອງຕິດຕາມ, ຊຸກຍູ້ລາຍຮັບຄ່າທໍານຽມ, ຄ່າວິຊາການຂອງຂະແໜງການ, ລາຍຮັບຕາມຕົວເລກແຜນການ, ລາຍຮັບປະຈໍາປີ, ຄຸ້ມຄອງເກັບອາກອນຄ່າເຊົ່າຜ່ານລະບົບ Tax Ris ແລະຜ່ານລະບົບທະນາຄານໃຫ້ຫຼາຍຂຶ້ນ, ສົມທົບກັບເຈົ້າໜ້າທີ່ຈາລະຈອນ, ທະນາ ຄານການຄ້າຕ່າງປະເທດ, ຕັ້ງຈຸດກວດກາຢູ່ຕາມເສັ້ນທາງແຕ່ລະໄລຍະ, ສົມທົບກັບຂະແໜງພາສີຢູ່ດ່ານສາກົນ, ພະແນກ ຍທຂ ຕາມແຈ້ງການສະບັບເລກ ທີ 0477/ກງ, ລົງວັນທີ 18 ກຸມພາ 2020, ໄລ່ລຽງທຸລະກິດໃຫ້ທ່ວງທັນເວລາຕົ້ນຕໍແມ່ນເລັ່ງໃສ່ 2 ໂຄງການໃຫຍ່ (ເຂື່ອນໄຟຟ້ານໍ້າຂອງ,ໂຄງການໄຟຟ່າຫົງສາ) ແລະບັນດາບໍລິສັດຕ່າງໆທີ່ຄ້າງໄລ່ລຽງໃຫ້ທັນກັບກໍານົດເວລາ ແລະບັນລຸແຜນທີ່ວາງໄວ້ 6 ຕື້ກວ່າກີບ, ປະຈຸບັນໄດ້ 3 ຕື້ກວ່າກີບ, ຫັນຫົວໜ່ວຍທຸລະກິດທີ່ມີລາຍຮັບ 400 ລ້ານກີບຂຶ້ນໄປໃຫ້ ເຂົ້າໃນລະບົບ ອມພ ຊຶ່ງມີຫົວໜ່ວຍທຸລະກິດທັງໝົດໃນປີ 2020 ມີ 6.847 ຫົວໜ່ວຍໃນນີ້ແຂວງຄຸ້ມຄອງມີພຽງແຕ່ 459 ຫົວໜ່ວຍ, ເມືອງຄຸ້ມຄອງ 6.028 ຫົວໜ່ວຍສໍາລັບລາຍຮັບຂັ້ນບ້ານຄຸ້ມຄອງໄດ້ຖືກຍົກເວັ້ນລາຍຮັບຕໍ່ກວ່າ 50 ລ້ານກີບ ລົງມາມີ 3.024 ຫົວໜ່ວຍ ເປັນເງິນ 1 ຕື້ກວ່າກີບ, ລາຍຮັບທຸລະກິດ 50-400 ລ້ານກີບ ທີ່ເມືອງຄຸ້ມຄອງມີ 3.007 ຫົວໜ່ວຍ ເປັນເງິນ 4 ຕື້ກວ່າກີບ, ສໍາລັບລາຍຮັບ 400 ລ້ານຂຶ້ນໄປຢູ່ເມືອງມີ 177 ຫົວໜ່ວຍ ເປັນເງິນ 1 ຕື້ກວ່າກີບ ກໍ່ຈະໃຫ້ເຂົ້າລະບົບມູນຄ່າເພີ່ມສົ້ນເຂົ້າແບບມີກໍານົດ 4170/ກງ ໃຫ້ໄດ້ 166 ຫົວໜ່ວຍໃນນັ້ນຂັ້ນແຂວງຄຸ້ມຄອງ 73 ຫົວໜ່ວຍ, ເມືອງຄຸ້ມຄອງ 93 ຫົວໜ່ວຍ.

_____________

ຂ່າວ: ບຸນທີ 

ຮູບພາບ: ໜັງສືພິມເສດຖະກິດ-ສັງຄົມ

แชร์