ເຈດີບີ ມອບເງິນ 100 ລ້ານກີບ ຊ່ວຍເຫຼືອໄພນໍ້າຖ້ວມທີ່ໄຊຍະບູລີ

   ໃນວັນທີ 10 ສິງຫາ 2020 ທີ່ສໍານັກງານໃຫຍ່ທະນາຄານຮ່ວມພັດທະນາ ຫຼື JDB ໄດ້ມີພິທີມອບຮັບເງິນຊ່ວຍເຫຼືອຈໍານວນ 100 ລ້ານກີບ ເພື່ອຊ່ວຍເຫຼືອບັນ ເທົາທຸກໃຫ້ແກ່ປະຊາຊົນແຂວງໄຊຍະບູລີທີ່ໄດ້ຮັບຜົນກະທົບຈາກໄພນໍ້າຖ້ວມ,ເປັນກຽດເຂົ້າຮ່ວມໃນພິທີຄັ້ງນີ້ມີທ່ານ ພົງສະຫວັນ ສິດພະວົງ ເຈົ້າແຂວງໄຊຍະບູລີ, ທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາ ແລະ ຄະນະຜູ້ບໍລິການທະນາຄານຮ່ວມພັດທະນາຕະຫຼອດຮອດວິຊາການທີ່ກ່ຽວຂ້ອງທັງສອງຝ່າຍກໍ່ໄດ້ເຂົ້າຮ່ວມເປັນສັກຂີພິຍານຢ່າງພ້ອມພຽງ.
  ໃນພິທີດັ່ງກ່າວທ່ານ ວິໄລ ສີພະພອນ ຜູ້ອໍານວຍການໃຫຍ່ທະນາຄານຮ່ວມພັດທະນາ JDB ໄດ້ກ່າວຈຸດປະສົງໃນການຊ່ວຍເຫຼືອໃນຄັ້ງນີ້ຊຶ່ງແຂວງໄຊຍະບູລີ ແລະທະ ນາຄານຮ່ວມພັດທະນາໄດ້ມີສາຍພົວພັນກັນມາຍາວນານຈຶ່ງເຫັນໄດ້ຜົນກະທົບຈາກໄພນໍ້າຖ້ວມ ແລະ ລົມພະຍຸພັດທະລົ່ມເຮັດໃຫ້ໂຮງຮຽນໃນເຂດພູດອຍໄດ້ຮັບຄວາມເສຍຫາຍດັ່ງນັ້ນທະນາຄານຮ່ວມພັດທະນາຈື່ງໄດ້ມອບເງິນ ຊ່ວຍເຫຼືອ 100 ລ້ານກີບ, ຈາກນັ້ນ ທ່ານ ອິນແປງ ອຸທຸມພອນ ປະທານບໍລິສັດພັນທະມິດກໍ່ສ້າງ ແລະສ້ອມແປງຂົວທາງກໍ່ໄດ້ປະກອບສ່ວນໃຫ້ເງິນຊ່ວຍເຫຼືອຕື່ມອີກ 50 ລ້ານກີບ ເພື່ອເປັນການປະກອບສ່ວນຊ່ວຍເຫຼືອສັງຄົມໂດຍສະເພາະຜູ້ທີ່ໄດ້ຮັບຜົນກະທົບຢາກໄພນໍ້າຖວມທີ່ແຂວງໄຊຍະບູລີລວມມູນຄ່າການຊ່ວຍເຫຼືອຄັ້ງນີ້ 150 ລ້ານກີບ ແລະກ່າວຮັບໂດຍທ່ານ ເພັດພິໄຊ ສູນວິໄລ ຫົວໜ້າຫ້ອງວ່າການແຂວງໄຊຍະບູລີ.
 ທ່ານ ເພັດວິໄຊ ສູນວິໄລ ຍັງໄດ້ສະແດງຄວາມຂອບອົກຂອບໃຈເປັນຢ່າງສູງມາຍັງທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາທີ່ມີນໍ້າ ໃຈອັນປະເສີດທີ່ໄດ້ໃຫ້ຄວາມຊ່ວຍເຫຼືອໃນຄັ້ງນີ້ຊຶ່ງເປັນພາກສ່ວນທໍາອິດທີ່ໄດ້ໃຫ້ການຊ່ວຍເຫຼືອບັນເທົາທຸກໃຫ້ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມໃນຄັ້ງນີ້ແລະທ່ານກໍ່ໄດ້ສະແດງຄວາມຂອບອົກຂອບໃຈມາຍັງບໍລິສັດ ພັນທະມິດ ກໍ່ສ້າງ ແລະສ້ອມແປງຂົວທາງທີ່ໄດ້ມີນໍ້າໃຈເອື້ອເຟື້ອເພື່ອແຜ່ປະກອບສ່ວນຊ່ວຍເຫຼືອແຂວງໄຊຍະບູລີ ທີ່ໄດ້ຮັບຜົນກະທົບຈາກໄພນໍ້າຖ້ວມ ແລະລົມພາຍຸໃນຄັ້ງນີ້ ແລະຫວັງຢ່າງຍິ່ງວ່າໃນໂອກາດໜ້າຈະໄດ້ຮັບການຊ່ວຍເຫຼືອຈາກທະນາຄານຮ່ວມພັດທະນາອີກ.

___________

ຂ່າວ: ຄໍາຕົ້ນ ວໍລະຈັກ, ຮູບພາບ: ໜັງສືພິມເສດຖະກິດ-ສັງຄົມ

แชร์