ຫວຽດນາມຄາດວ່າຈະສົ່ງອອກປາຈາບັນລຸ 2,4 ຕື້ໂດລາ

   ນັບແຕ່ຕົ້ນປີ 2019 ລາຄາປາຈາສົ່ງອອກຂອງ ສສ ຫວຽດ ນາມຫຼຸດລົງແຕ່ຍັງຮັກສາຢູ່ໃນລະດັບສູງ ເພື່ອຮັບປະກັນໃຫ້ຜູ້ລ້ຽງປາ ຈາມີຜົນກຳໄລ.

ຕາມຂ່າວຕ່າງປະເທດລາຍງານວ່າ ສະຫະສະມາຄົມປຸງແຕ່ງ ແລະ ສົ່ງອອກສິນຄ້າໃນນ້ຳຫວຽດນາມຖືວ່າ, ພາຍຫຼັງໄລຍະທີ່ປະສົບກັບຄວາມ ຫຍຸ້ງຍາກໃນການສົ່ງອອກ, ປາຈາຂອງຫວຽດນາມ ພວມກັບຄືນສູ່ທ່າ ດີເມື່ອຜູ້ລ້ຽງປາຈາໄດ້ຮັບຜົນກຳໄລແຕ່ 8.000–14.000 ດົງຕໍ່ກິໂລ ກຣາມ ໃນປີ 2018; ນີ້ຖືວ່າ ແມ່ນຜົນກຳໄລສູງທີ່ສຸດນັບແຕ່ກ່ອນມາ ຮອດປະຈຸບັນ. ຕາມທ່ານ ເຢືອງເຫງ້ຍກວັກ ປະທານສະມາຄົມປາຈາ ຫວຽດນາມກ່າວວ່າ ຂະແໜງປາຈາໄດ້ມີບາດກ້າວບຸກທະລຸທາງດ້ານ ມູນຄ່າສົ່ງອອກທີ່ລື່ນກາຍຕົວເລກ 2,26 ຕື້ໂດລາສະຫະລັດ ໃນປີ 2018, ປະລິມານວັດຖຸດິບບັນລຸກວ່າ 1,3 ລ້ານໂຕນ.

    ຢ່າງໃດກໍຕາມ ຄາດຄະເນວ່າ ປີ 2019 ນີ້ ຫວຽດນາມຈະສາມາດ ສົ່ງອອກປາຈາໃຫ້ບັນລຸໄດ້ປະມານ 2,4 ຕື້ໂດລາ.

แชร์