6 ເດືອນທ້າຍປີພາສີດ່ານສາກົນວັງເຕົ່າຈະສູ້ຊົນເກັບລາຍຮັບໃຫ້ໄດ້ 444 ຕື້ກວ່າກີບ

  ເຖິງແມ່ນວ່າສະພາບເສດຖະກິດບ້ານເຮົາໃນລະຫວ່າງກາງຫາທ້າຍປີນີ້ຈະມີລັກສະນະຖົດຖອຍກວ່າປີກ່ອນເລັກນ້ອຍທຸລະກິດໃນຫຼາຍຂະແໜງການໄດ້ຮັບຜົນກະທົບຈາກຫຼາຍບັນຫາໂດຍສະເພາະແມ່ນການແຜ່ລະບາດຂອງພະຍາດໂຄວິດ-19 ແຕ່ເຖິງຢ່າງໄດ້ກໍຕາມໃນ 6 ເດືອນທ້າຍປີນີ້ພາສີດ່ານສາກົນວັງເຕົ່າຈະໄດ້ສູ້ຊົນຢ່າງຕັ້ງໜ້າເຂົ້າໃນການຈັດເກັບລາຍຮັບເຂົ້າງົບປະມານແຫ່ງລັດໄດ້ບັນລຸແຜນການທີ່ວາງໄວ້.
  ທ່ານ ວິເລືອງ ວໍລະບຸດ ຮອງຫົວໜ້າດ່ານສາກົນວັງເຕົ່າທັງເປັນຫົວໜ້າພາສີດ່ານສາກົນວັງເຕົ່າເມືອງໂພນທອງ ແຂວງຈໍາປາສັກ, ໄດ້ລາຍງານຕໍ່ນັກຂ່າວໜັງສືພິມເສດຖະ ກິດ-ສັງຄົມ ປະຈໍາແຂວງໃຫ້ຮູ້ກ່ຽວກັບການປະຕິບັດການຈັດເກັບລາຍຮັບເຂົ້າງົບປະມານແຫ່ງລັດໃນ 6 ເດືອນທ້າຍປີ 2020 ໃຫ້ຮູ້ວ່າ: ເພື່ອເຮັດໃຫ້ແຜນຄາດໝາຍສູ້ຊົນ 6 ເດືອນທ້າຍປີ 2020 ໃນການຈັດເກັບລາຍຮັບເຂົ້າງົບປະມານລັດພາສີດ່ານສາກົນວັງເຕົ່າພວກເຮົາແມ່ນຈະໄດ້ສຶບຕໍ່ໂຄສະນາເຜີຍແຜ່ ແລະ ເຊື່ອມ ຊຶມບັນດານິຕິກໍາ,ຄໍາສັ່ງ ແລະລະບຽບການກົດໝາຍທີ່ເຫັນວ່າມີການກ່ຽວພັນກັບວຽກງານພາສີ,ເປັນຕົ້ນແມ່ນກົດໝາຍການລົງທຶນ, ກົດໝາຍສ່ວຍສາອາກອນ ແລະກົດໝາຍອື່ນໆໃຫ້ຜູ້ປະກອບການ ແລະພະນັກງານວິຊາການໃຫ້ເຂົ້າໃຈໄປໃນລວງເລີກ ແລະເຂົ້າເຖິງທັງຜູ້ໃຊ້ບໍລິການ ແລະຜູ້ໃຫ້ບໍລິການຕາມ 5 ວິໄສທັດຂອງພະນັກ ງານພາສີຍຸກໃໝ່ຄື: ຕ້ອງມີຄວາມໂປ່ງໃສ,ຄວາມສໍານານງານ, ຄວາມທັນສະໄໝ, ຄວາມທ່ຽງທໍາ ແລະຄວາມໄວ້ວາງໃຈ, ສ້າງສີ່ງອໍານວຍຄວາມສະດວກທາງດ້ານພາ ສີເພື່ອແນໃສ່ການເກັບລາຍຮັບໃຫ້ຖືກຕ້ອງ, ຄົບຖ້ວນ, ຊັດເຈນ ແລະທັນກໍານົດເວລາ, ສຶບຕໍ່ຈັດຕັ້ງປະຕິບັດ ແລະຜັນຂະຫຍາຍເນື້ອໃນຈິດໃຈຍັດຕິກອງປະຊຸມໃຫຍ່ຂອງກົມພາສີວ່າດ້ວຍມາດຕະການ-ການຈັດເກັບລາຍຮັບໃນ 6 ເດືອນທ້າຍປີ 2020 ຂະແໜງພາສີໃນຂອບເຂດທົ່ວປະເທດເປັນບ່ອນອີງໃນການຈັດຕັ້ງປະຕິບັດ.
  ຢ່າງໃດກໍດີຫົວໜ້າພາສີດ່ານສາກົນກ່າວຕື່ມວ່າ: ເຖິງແມ່ນວ່າພວກເຮົາຈະໄດ້ຮັບຜົນກະທົບທັງໃນຕົວ ແລະ ນອກຕົວແຕ່ພວກເຮົາກໍ່ຈະສູ້ຊົນ, ບຸກບືນໄປດ້ວຍກັນຈົນສຸດຄວາມສາມາດ ແລະພວກເຮົາມີຄວາມເຊື່ອໝັ້ນວ່າຈະນໍາເອົາໂຕເລກແຜນການທີ່ຍັງເຫຼືອໃນ 6 ເດືອນທ້າຍປີຈໍານວນ 444,2 ຕື້ກີບ ໄປຈັດຕັ້ງປະຕິບັດໃຫ້ໄດ້ຕາມແຜນການ ຫຼືລື່ນແຜນການມອບໝາຍ.

แชร์