ໝາກລໍາໄຍສົດຫວຽດນາມເຈາະຕະຫຼາດອົດສະຕຣາລີ

 ໃນວັນທີ 6 ສິງຫາທີ່ຜ່ານມາ ສສ ຫວຽດນາມ ໄດ້ສົ່ງອອກໝາກລໍາໄຍສົດຈຳນວນ 7,5 ໂຕນໄປຍັງລັດເຊົາຂອງອົດສະຕຣາລີ.

  ຕາມຂ່າວສານຫວຽດນາມລາຍງານວ່າເພື່ອສະໜັບສະໜູນການປະຊາສຳພັນໝາກລໍາໄຍສົດຫວຽດນາມໃນອົດສະຕຣາລີສຳນັກງານຝ່າຍການຄ້າຫວຽດນາມໃນອົດສະຕຣາລີ ແລະສະຖານທີ່ປະກອບການຫວຽດນາມໄດ້ປະຊາສຳພັນການນໍາເຂົ້າໝາກລໍາໄຍສົດ ແລະການເຊື່ອມໂຍງກັບສະຖານທີ່ປະກອບການອົດສະຕຣາລີ ທ່ານ ຫງວຽນຟູ້ຫວ່າ ຫົວໜ້າສຳນັກງານຝ່າຍການຄ້າຫວຽດນາມໃນອົດສະຕຣາລີ ເປີດເຜີຍວ່າທາງສຳນັກງານໄດ້ຮ່ວມກັບບໍລິສັດ 4waysfresh ຈັດກິດຈະກຳປະຊາສຳພັນໝາກລໍາໄຍສົດຫວຽດນາມໃຫ້ກັບສະມາຄົນຄົນຫວຽດນາມ ແລະປະຊາຊົນອົດສະຕຣາລີໃນລັດເຊົາ ແລະ ລັດເວສເທີນໃນອົດສະຕຣາລີ ແລະ ຄາດຄະເນວ່າໃນອາທິດນີ້ ຈະມີການສົ່ງອອກໝາກລໍາໄຍຫາຍເຢືອງ 9 ໂຕນໄປຍັງອົດສະຕຣາລີ.

  ສຳນັກງານຝ່າຍການຄ້າຫວຽດນາມໃນອົດສະຕຣາລີ ຄາດຄະເນວ່າໝົດປີ 2020 ນີ້ ຫວຽດນາມຈະສາມາດສົ່ງອອກໝາກລໍາໄຍສົດໄປຍັງອົດສະຕຣາລີໄດ້ທັງໝົດ 30 ໂຕນ.

----------

ໜັງສືພິມເສດຖະກິດ-ສັງຄົມ

แชร์