ຈຳປາສັກແຕ່ງຕັ້ງຫົວໜ້າພະແນກ ຍທຂ ຄົນໃໝ່

  ອໍານາດການປົກຄອງແຂວງຈໍາປາສັກໄດ້ມີການຍົກຍ້າຍ ແລະ ແຕ່ງຕັ້ງຫົວໜ້າພະແນກໂຍທາທິການ ແລະ ຂົນສົ່ງຄົນໃໝ່ເພື່ອຮັບໃຊ້ໜ້າທີ່ໃນການບໍລິຫານໃຫ້ວຽກ ງານ ຍທຂ ແຂວງໃຫ້ມີທ່າກ້າວຂະຫຍາຍຕົວຍິ່ງຂຶ້ນ.

ພິທີມອບ-ຮັບໜ້າທີ່ດັ່ງກ່າວໄດ້ມີຂຶ້ນໃນວັນທີ 7 ກໍລະກົດ 2020 ພະແນກ ຍທຂ ແຂວງຈໍາປາສັກ ໂດຍການເປັນປະທານຂອງທ່ານ ເມກສະຫວັນ ພົມພິທັກ ປະທານສະພາປະຊາຊົນແຂວງຈໍາປາສັກ, ມີທ່ານການນໍາຈາກກະຊວງ ແລະບັນດາທ່ານການນໍາຂັ້ນແຂວງເຂົ້າຮ່ວມ.

  ການຍົກຍ້າຍ ແລະແຕ່ງຕັ້ງມອບ-ຮັບໜ້າທີ່ພະແນກໂຍທາທິການ ແລະຂົນສົ່ງລະຫວ່າງ ທ່ານ ສຸກກະເສີມ ປາກດີມະນີວົງ ຫົວໜ້າພະແນກ ຍທຂ ແຂວງຈໍາປາສັກຜູ້ເກົ່າທີ່ຈະໄປຮັບໜ້າທີ່ໃໝ່ຢູ່ກະຊວງໂຍທາທິການ ແລະຂົນສົ່ງ ແລະແຕ່ງຕັ້ງທ່ານ ຈັນທະວີສຸກ ວັນສີລິ ເປັນຫົວໜ້າພະແນກ ຍທຂ ແຂວງຈໍາປາສັກຜູ້ໃໝ່.

   ຈຸດປະສົງກໍແມ່ນເພື່ອສືບຕໍ່ນໍາພາ-ຊີ້ນໍາຈັດຕັ້ງປະຕິບັດວຽກງານທີ່ຍັງຄົງຄ້າງ, ໂດຍສະເພາະແມ່ນແຜນພັດທະນາເສດຖະກິດ-ສັງຄົມ 5 ປີຄັ້ງທີ 8 ຂອງແຂວງໃຫ້ບັນລຸຜົນສໍາເລັດຕາມຄາດໝາຍທີ່ວາງໄວ້ ແລະບັນດາໜ້າວຽກຕ່າງໆທີ່ເປັນຍຸດທະສາດໃນການພັດທະນາແຂວງໃຫ້ມີຄວາມສີວິໄລກ້າວໜ້າ.

______________

ຂ່າວ: ໂພທິຣາດ 

ຮູບພາບ: #ຫນັງສືພິມເສດຖະກິດສັງຄົມ

แชร์