ບໍ່ນໍ້າຮ້ອນຫົວນໍ້າເກິ່ງ ແຫຼ່ງທ່ອງທ່ຽວທຳມະຊາດທີ່ສວຍງາມ

   ຫຼາຍຄົນທີ່ເຄີຍໄປທ່ຽວໃນສະຖານທີ່ຕ່າງໆ ແຂວງບໍ່ແກ້ວ ຕ່າງກໍ່ມີຄວາມແຕກຕ່າງກັນໄປຖ້າເວົ້າເຖິງທໍາມະຊາດທີ່ງົດງາມ, ປະຈຸບັນນີ້ກໍ່ຄົງຈະມີຫຼາຍບ່ອນເພາະ ວ່າແຂວງບໍ່ແກ້ວມີທິວທັດທໍາມະຊາດ, ພູຜາປ່າດົງທີ່ຂຽວຕະຫຼອດປີ, ແຕ່ຖ້າເວົ້າເຖິງຄວາມເປັນທຳມະຊາດທາງດ້ານສາຍນໍ້າ ແລະເໝາະແກ່ການຫຼິ້ນກິນເຂົ້າໃນວັນພັກຜ່ອນຂອງຊາວເມືອງແບບຊຸມເຮົາເຈົ້າຂ້ອຍຂໍແນະນຳແຫຼ່ງທ່ອງທ່ຽວບໍ່ນໍ້າຮ້ອນຫົວນໍ້າເກິ່ງ ເມືອງຕົ້ນເຜິ້ງ ແຂວງບໍ່ແກ້ວ ຊຶ່ງເປັນສະຖານທີ່ໆພວມໄດ້ຮັບຄວາມນິ ຍົມຈາກນັກທ່ອງທ່ຽວຫຼາຍຂຶ້ນ.

  ບໍ່ນໍ້າຮ້ອນຫົວນໍ້າເກິ່ງເປັນໜຶ່ງສະຖານທີ່ທ່ອງທ່ຽວທີ່ໜ້າສົນໃຈຊຶ່ງຕັ້ງຢູ່ບ້ານນໍ້າຟ້າ, ເມືອງຕົ້ນເຜິ້ງຫ່າງຈາກເທສະບານແຂວງ 44 ກິໂລແມັດ, ຊຶ່ງເປັນບໍ່ນໍ້າທຳມະ ຊາດທີ່ໄຫຼມາຈາກນໍ້າຟ້າປະມານ 4 ກິໂລແມັດ ແລະສະຖານທີ່ແຫ່ງນີ້ແມ່ນສາມາດເດີນທາງໄປທ່ຽວຊົມໄດ້ຕະຫຼອດປີນອກຈາກຈະໄດ້ສຳຜັດກັບຄວາມອຸ່ນ,ຄວາມຮ້ອນຂອງບໍ່ນໍ້າແຫ່ງນີ້ແລ້ວຍັງຈະໄດ້ສໍາພັດຄວາມສວຍງາມຂອງທໍາມະຊາດເພາະສະຖານທີ່ແຫ່ງນີ້ປົກຄຸມໄປດ້ວຍປ່າໄມ້ທີ່ຂຽວງາມ ແລະສັດສາວາສິ່ງນາໆ ຊະນິດ.

 ອອກພັນສາປີນີ້, ເມື່ອທ່ານໃດໄດ້ໄປເຂດເມືອງຕົ້ນເຜິ້ງ ແຂວງບໍ່ແກ້ວ ຢ່າລືມໄປແວ່ຊົມ ແລະແຊ່ນໍ້າຮ້ອນທີ່ບໍ່ນໍ້າຮ້ອນເມືອງຕົ້ນເຜິ້ງອັນລືຊື່ນີ້ເພື່ອຜ່ອນຄາຍອາລົມ ແລະເຮັດໃຫ້ຈິດໃຈສົດຊື່ນແຈ່ມໃສຂຶ້ນ.

__________

ຂ່າວ: ວົງມະນີ

ຮູບພາບ: ໜັງສືພິມເສດຖະກິດ-ສັງຄົມ

 

แชร์