ມວນຊົນໃຫ້ຄວາມສົນໃຈຫຼາຍ ຕໍ່ງານບຸນກະບອງໃຫຍ່ເຜົ່າບຣູ

ງານເທສະການສືບສານຕຳ ນານກະບອງໃຫຍ່ຂອງຊົນເຜົ່າບຣູ ເຂດຈຸດສຸມໂພນງາມ ເມືອງອາດ ສະພອນ ແຂວງສະຫວັນນະເຂດ ໄດ້ຈັດຂຶ້ນໃນລະຫວ່າງວັນທີ 5-7 ກຸມພາທີ່ຜ່ານມານີ້, ໂດຍການເຂົ້າຮ່ວມຂອງທ່ານ ແສງທອງ ວັງແກ້ວມະນີ ເຈົ້າເມືອງອາດສະພອນ,ມີບັນດາທ່ານການນຳຂັ້ນແຂວງ- ເມືອງ, ແຂກ, ພ້ອມດ້ວຍນັກທ່ອງ ທ່ຽວທັງພາຍໃນ ແລະພາຍນອກ ເຂົ້າຮ່ວມຢ່າງຫຼວງຫຼາຍ.

ໃນງານດັ່ງກ່າວ, ມວນຊົນທີ່ ເຂົ້າຮ່ວມກໍ່ໄດ້ຮ່ວມກັນແຫ່ກະບອງໃຫຍ່ຈາກທ້າຍບ້ານເຂົ້າຫາສວນ ວັດທະນະທຳຂອງບ້ານ, ໂດຍມີຂະບວນແຫ່ທີ່ແຕ່ງກາຍເປັນເອກະລັກ ຂອງເຜົ່າບຣູ, ກ້ອນຟ້ອນຂອງ ເຜົ່າ, ພ້ອມນັ້ນຍັງມີກະບອງໃຫຍ່ທີ່ສູງເຖິງ 15 ແມັດ ທີ່ເປັນຈຸດເດັ່ນ ຂອງງານ. ທ່ານ ບຸນລັດ ລໍບານ ເຍັນ  ຫົວໜ້າຈຸດສຸມໂພນງາມກໍ່ໄດ້ກ່າວປີດງານ, ຊຶ່ງງານດ່ັງກ່າວໄດ້ຈັດຂຶ້ນຄັ້ງທໍາອິດເມື່ອປີ ຄສ 2008 ກົງກັບ ພສ 2551 ໃນມື້ຂຶ້ນ 3 ຄໍ່າເດືອນ 3 ລາວ, ເມື່ອ ຫຼາຍປີຄືນຫຼັງກະບອງແມ່ນມີຄວາມສຳຄັນຫຼາຍໃນຂົງເຂດທີ່ຫ່າງໄກ ສອກຫຼີກຫ່າງໄກຈາກຊຸມຊົນທີ່ມີ ຄວາມສີວິໄລບໍ່ທັນມີຕະກຽງ ຫຼື ໄຟຟ້າຄືທຸກມື້ນີ້ບັນພະບຸລຸດເຮົາຮູ້ປະດິດສ້າງກະບອງ ໂດຍເຈາະເອົາ ນ້ຳມັນຍາງຈາກຕົ້ນໄມ້ຍາງ ແລະ ໄມ້ໂດກ (ໄມ້ດອກ) ມາປະສົມກັນ ແລ້ວໃຊ້ໃບຕອງຫໍ່ເຮັດກະບອງເພື່ອໄຕ້ເອົາແສງສະຫວ່າງໃນຍາມຄໍ່າ ຄືນ, ຈຸດປະສົງຂອງການຈັດງານບຸນກະບອງໃຫຍ່ນີ້ກໍ່ເພື່ອໃຫ້ລູກ ຫຼານຮູ້ຄຸນຄ່າຂອງກະບອງທີ່ໄດ້ ມາຈາກທຳມະຊາດ,  ຮູ້ຄຸນຄ່າຂອງ ປ່າໄມ້ ແລະ ຊ່ວຍກັນປົກປັກຮັກສາ, ເພື່ອເປັນການເສີມຂະຫຍາຍແນວ ທາງນະໂຍບາຍຂອງພັກ-ລັດຖະ ບານໃນການປົກປັກຮັກສາຮີດຄອງ ປະເພນີ ແລະວັດທະນະທຳອັນດີງາມຊອງຊາດເວົ້າລວມ, ເວົ້າສະ ເພາະກໍ່ຄືເຜົ່າບຣູ,  ເພື່ອເປັນການສົ່ງ ເສີມການທ່ອງທ່ຽວທາງດ້ານວັດທະນະທຳ ແລະເສີມຂະຫຍາຍມູນ ເຊື້ອຄວາມສາມັກຄີບັນດາເຜົ່າພາຍ ໃນເມືອງອາດສະພອນຂອງພວກ ເຮົາ.

ຈາກນັ້ນ ທ່ານ ແສງທອງ ວັງ ແກ້ວມະນະນີ ໄດ້ໃຫ້ກຽດໂອ້ລົມ ໂດຍໄດ້ສະແດງຄວາມພາກພູມໃຈ ແລະຮູ້ສຶກເປັນກຽດທີ່ໄດ້ຮັບຕ້ອນ ບັນດານັກທ່ອງທ່ຽວທັງພາຍໃນ ແລະພາຍນອກທີ່ໄດ້ເຂົ້າມາທ່ຽວຊົມງານບຸນກະບອງໃຫຍ່ ເຜົ່າບຣູ ໃນຄັ້ງນີ້, ເມືອງອາດສະພອນ ປະ ກອບມີ 3 ເຜົ່າອາໄສຢູ່ຮ່ວມກັນຄື: ເຜົ່າຜູ້ໄທ 71, 23%, ເຜົ່າບຣູ 27,78% ແລະເຜົ່າລາວ 0,97%  ຊຶ່ງແຕ່ລະເຜົ່າກໍ່ມີວັດທະນະທຳ ແລະວິຖີວິດທີແຕກຕ່າງກັນ, ອັນ ເປັນສາເຫດທີ່ໃຫ້ເມືອງມີຄວາມຫຼາກຫຼາຍທາງດ້ານວັດທະນະທຳ ທີ່ໜ້າສົນໃຈ, ເມືອງອາດສະພອນ ເປັນເມືອງທີ່ອຸດົມສົມບູນໄປດ້ວຍ ຊັບພະຍາກອນທຳມະຊາດ ແລະມີ ແຫຼ່ງທ່ອງທ່ຽວຫຼາກຫຼາຍ, ຊຶ່ງພາຍ ໃນເມືອງມີແຫຼ່ງທ່ອງທ່ຽວທັງໝົດ 27 ແຫ່ງ, ໃນນັ້ນແຫຼ່ງທ່ອງທ່ຽວ ທາງດ້ານທຳມະຊາດ 19 ແຫ່ງ ແລະ ແຫຼ່ງທ່ອງທ່ຽວທາງດ້ານວັດ ທະນະທຳ 8 ແຫ່ງ, ງານບຸນກະ ບອງໃຫຍ່ເຜົ່າບຣູນີ້ກໍ່ແມ່ນກິດຈະ ກຳທ່ອງທ່ຽວໜຶ່ງທີ່ສຳຄັນຂອງ ເມືອງ, ສະນັ້ນຂໍຮຽກຮ້ອງມາຍັງພໍ່ ແມ່ປະຊາຊົນຕະຫຼອດຮອດການຈັດຕັ້ງທຸກຂັ້ນພາຍໃນເມືອງຈົ່ງຊ່ວຍ ຮັກສາຄວາມສະຫງົບປອດໄພ ແລະ ຕ້ອນຮັບນັກທ່ອງທ່ຽວທີ່ເຂົ້າມາ ທ່ຽວເມືອງອາດສະພອນຂອງພວກ ເຮົາດ້ວຍໃບໜ້າຍີ້ມແຍ້ມແຈ່ມໃສ ແລະມ່ວນຊື່ນ. ຈາກນັ້ນ ຄະນະ ປະທານກໍ່ໄດ້ຮ່ວມກັນຈູດກະບອງ ເພື່ອເປັນການເປີດງານດັ່ງກ່າວ ຢ່າງເປັນທາງການ.

แชร์