ຄຳມ່ວນ ເປີດການສອບເສັງຈົບຊັ້ນ ມ7 ບຳລຸງ

  ໃນວັນທີ 4 ສິງຫາ 2020 ທີ່ສູນການສຶກສານອກໂຮງຮຽນ ໄດ້ຈັດພິທີເປີດການສອບເສັງຈົບຊັ້ນ ມ7 ບຳລຸງສົກ 2019-2020 ເປັນກຽດເຂົ້າຮ່ວມເປີດຫົວບົດສອບເສັງໂດຍ ທ່ານ ສີໄຮ ແກ້ວໄກຖິ່ນ ຫົວໜ້າພະແນກສຶກສາທິການ ແລະກີລາແຂວງ, ມີຕາງ ໜ້າກົມການສຶກສານອກໂຮງຮຽນພ້ອມຄະນະກຳມະການ, ບັນດາ ພະນັກງານຄູ-ອາຈານທີ່ກ່ຽວຂ້ອງ ແລະນັກສອບເສັງເຂົ້າຮ່ວມ.

ການສອບເສັງຈົບຊັ້ນມັດທະຍົມຕອນປາຍ ມ7 ບຳລຸງສົກ 2019-2020 ຄັ້ງນີ້ມີນັກຮຽນທັງໝົດ 49 ຄົນ, ຍິງ 14 ຄົນ, ການສອບເສັງມີ 4 ວິຊາຄື: ວິຊາວັນນະຄະດີ-ພາສາລາວ, ເຄມີ ສາດ, ຄະນິດສາດ ແລະວິຊາປະ ຫວັດສາດ.

  ຊຶ່ງຈະໄດ້ໃຊ້ເວລາໃນການສອບເສັງ 2 ວັນ, ນັບແຕ່ວັນທີ 4-5 ສິງຫາ 2020 ຈຶ່ງຈະສຳເລັດ, ທັງນີ້ກໍ່ເພື່ອເປັນການວັດແທກຄວາມຮູ້ຄວາມສາມາດຂອງຜູ້ຮຽນຕະຫຼອດໄລຍະການຮໍ່າຮຽນຕາມຫຼັກສູດລະບົບບຳລຸງແລະຢັ້ງຢືນວັດແທກລະດັບການສຶກສາຂອງກຸ່ມເປົ້າໝາຍ, ທັງເປັນການປຸກລະດົມແນວຄວາມຄິດຂອງປວງຊົນລາວ ກໍ່ຄືຜູ້ທີ່ພາດໂອກາດທາງດ້ານການ ສຶກສາໃນລະບົບໂຮງຮຽນໃຫ້ມີຄວາມບຸກໜ້າບືນຕົວເພື່ອຍົກລະດັບການສຶກສາຂອງຕົນໃຫ້ສູງຂຶ້ນ.

-------

ໜັງສືພິມເສດຖະກິດ-ສັງຄົມ

แชร์