ສະຫວັນນະເຂດ ສອບເສັງ ມ7 ບໍາລຸງທົ່ວແຂວງ

  ວັນທີ 4 ສິງຫາ 2020 ພະແນກສຶກສາທິການ ແລະກີລາ ແຂວງສະຫວັນນະເຂດ ໄດ້ຈັດພິທີ ເປີດຫົວບົດສອບເສັງ ມ7 ບໍາລຸງ ທົ່ວແຂວງສະຫວັນນະເຂດປະຈໍາ ສົກຮຽນ 2019-2020, ໂດຍ ໃຫ້ກຽດເປັນປະທານມີ ທ່ານ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ, ທ່ານ ນາງ ຫຼິງທອງ ແສງຕາວັນ ຫົວໜ້າພະແນກສຶກສາທິການ ແລະກີລາແຂວງ, ມີບັນດາ ພະນັກງານຄູ-ອາຈານ ແລະນັກສອບເສັງເຂົ້າຮ່ວມ.

 ທ່ານ ສີວິໄຊ ໃຈແກ້ວ ຫົວໜ້າ ຂະແໜງສຶກສານອກໂຮງຮຽນໄດ້ ຜ່ານບົດລາຍງານການຈັດຕັ້ງປະຕິບັດການສອບເສັງຈົບຊັ້ນ ມ7 ບໍາລຸງທົ່ວແຂວງໃນຄັ້ງນີ້ຮູ້ວ່າ: ການສອບເສັງສູນການສຶກສານອກໂຮງຮຽນແມ່ນຈະດໍາເນີນເປັນເວລາ  2 ວັນ, ເລີ່ມແຕ່ວັນທີ 4-5 ສິງຫາ 2020, ມີນັກສອບທົ່ວແຂວງທັງໝົດ 304 ຄົນ, ຍິງ 142 ຄົນ, ແບ່ງອອກເປັນ 8 ສູນຄື: ສູນການ ສຶກສານອກໂຮງຮຽນນະຄອນໄກ ສອນພົມວິຫານ+ສູນການສຶກສາ ນອກໂຮງຮຽນຫຼັກ 9, ສູນການ ສຶກສານອກໂຮງຮຽນເມືອງຊົນນະບູລີ, ສູນການສຶກສານອກໂຮງ ຮຽນເມືອງອຸທຸມພອນ, ສູນການສຶກສານອກໂຮງຮຽນເມືອງໄຊບູ ລີ, ສູນການສຶກສານອກໂຮງຮຽນ ເມືອງທ່າປາງທອງ, ມສ ພູຄໍາ,  ມສ ນອງ+ສູນການສຶກສານອກ ໂຮງຮຽນເມືອງເຊໂປນ ແລະສູນ ມສ ພີນ, ມີ 4 ວິຊາສອບເສັງຄື: ພາສາລາວ-ວັນນະຄະດີ, ເຄມີສາດ, ຄະນິດສາດ ແລະປະຫວັດສາດ.

  ຈາກນັ້ນ, ທ່ານ ໂພໄຊ ໄຊຍະສອນ ຮອງເຈົ້າແຂວງສະຫວັນນະ ເຂດກໍ່ໄດ້ມີຄຳເຫັນວ່າ: ວຽກງານ ຂອງການສຶກສາແມ່ນທັກສະການ ພັດທະນາການຮໍ່າຮຽນ, ການສຶກສາແມ່ນການຮຽນຮູ້ທຸກສິ່ງໃຫ້ເຂົ້າ ໃຈຮຽນເພື່ອຮູ້, ພັກ-ລັດ ຈຶ່ງໄດ້ສຸມໃສ່ກໍາລັງທ່າແຮງອັນມະຫາ ສານ, ລະດັບການສຶກສາຂອງຂັ້ນທ້ອງຖິ່ນທີ່ມີລະດັບການສຶກສາ, ດັ່ງນັ້ນການສຶກສາ ຈຶ່ງມີຄວາມຈໍາ ເປັນທີ່ສຸດ, ປະຈຸບັນນີ້ກໍ່ຄືວິຊາສະເພາະທີ່ຕິດພັນບຸກຄົນໃນປະຈຸບັນ ເປັນວິຊາອາຊີບເສີມ, ປະຈຸບັນກໍ່ໄດ້ ມີການສົ່ງເສີມທາງດ້ານຍົກລະດັບທາງດ້ານການຮຽນຮູ້ການບໍລິການ, ຄຽງຄູ່ກັບວິຊາສະເພາະຄວາມຮູ້ຄວາມສາມາດຂອງປະຊາຊົນໃນ ປະຈຸບັນ, ພ້ອມດຽວກັນນີ້ກໍ່ຍັງເນັ້ນ ໜັກໃຫ້ຄະນະກຳມະການທີ່ຖືກແຕ່ງ ຕັ້ງຮັບຜິດຊອບການສອບເສັງຄັ້ງ ນີ້ຈົ່ງຢຶດໝັ້ນຕໍ່ອຸດົມການ, ມີຈັນຍາບັນຕັ້ງໜ້າປະຕິບັດລະບຽບການ ສອບເສັງ ແລະຮຽກຮ້ອງໃຫ້ນັກສອບເສັງຈົ່ງຕັ້ງໃຈເຮັດບົດສອບເສັງຂອງໃຜລາວ, ຫຼີກລ້ຽງການເຮັດຜິດກົດລະບຽບການສອບເສັງເປັນຕົ້ນແມ່ນການໃຊ້ໂທລະສັບມືຖື ຫຼື ກາຍກັນເພື່ອໃຫ້ການສອບເສັງດໍາເນີນໄປດ້ວຍຜົນສໍາເລັດຢ່າງຈົບງາມ.

--------

ໜັງສືພິມເສດຖະກິດ-ສັງຄົມ

แชร์