ເຄິ່ງປີເມືອງບາຈຽງ ເກັບລາຍຮັບໄດ້ 5 ຕື້ກວ່າກີບ

 ໃນ 6 ເດືອນຕົ້ນປີ 2020 ຜ່ານມາ ເມືອງບາຈຽງຈະເລີນສຸກ ແຂວງຈໍາປາສັກ ສາມາດຈັດຕັ້ງປະຕິບັດການຈັດເກັບລາຍຮັບເຂົ້າງົບປະມານໄດ້ 5 ຕື້ກວ່າກິບ ທຽບໃສແຜນການປີແມ່ນເຫັນວ່າຍັງບໍ່ໄດ້ຕາມແຜນການທີ່ວາງໄວ້.
  ເມື່ອທ້າຍອາທິດທີ່ຜ່ານມາຫ້ອງການໆເງິນເມືອງບາຈຽງຈະເລີນສຸກ ແຂວງຈໍາປາສັກ, ໄດ້ຈັດກອງປະຊຸມສະຫຼຸບວຽກງານການເງິນປີ 2019 ແລະວຽກງານການຈັດຕັ້ງປະຕິບັດ 6 ເດືອນ ຕົ້ນປີ 2020, ໂດຍການເປັນປະທານຂອງທ່ານ ອໍານວຍເຮືອງ ວົງສາ ຮອງເລຂາພັກເມືອງບາຈຽງຈະເລີນສຸກ, ທ່ານ ວັນທອງ ແກ້ວມະນີ ວົງ ຮອງຫົວໜ້າພະແນກການເງິນແຂວງຈໍາປາສັກ, ມີຄະນະປະຈໍາພັກເມືອງ, ຫົວໜ້າຫ້ອງການ, ພະແນກການທີ່ກ່ຽວຂ້ອງເຂົ້າຮ່ວມ.
  ໃນກອງປະຊຸມທ່ານ ສິວິໄລ ວົງພະຈັນ ຫົວໜ້າຫ້ອງການເງິນເມືອງບາຈຽງຈະເລີນສຸກໄດ້ກ່າວວ່າ: ໃນ 6 ເດືອນ ຕົ້ນປີຜ່ານມາເມືອງຂອງພວກເຮົາສາມາດຈັດຕັ້ງປະຕິບັດຈັດເກັບລາຍຮັບໄດ້ທັງໝົດ 5 ຕື້ກວ່າກີບ, ທຽບໃສ່ແຜນປີປະຕິບັດໄດ້ 40%,ໃນນັ້ນແມ່ນໄດ້ຈາກສ່ວຍສາອາກອນ 3 ຕື້ກວ່າກີບ, ໄດ້ຈາກຄຸ້ມຄອງຊັບສິນຂອງລັດ 2 ຕື້ກວ່າກີບ, ຊຶ່ງການຈັດເກັບລາຍຮັບດັ່ງກ່າວເມື່ອງທຽບໃສແຜນການແລ້ວເຫັນວ່າຍັງບໍ່ໄດ້ຕາມເປົ້າໝາຍທີ່ວາງໄວ້, ສາເຫດຍ້ອນເສດຖະກິດໃນບາງຂະແໜງການໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ໃນຕົ້ນປີ ແລະຈົນມາຄ່ອຍຟື້ນຕົວເມື່ອ 2-3 ເດືອນຜ່ານມານີ້.
  ຢ່າງໃດກໍຕາມການຈັດເກັບລາຍຮັບເຂົ້າງົບປະມານຂອງລັດໃນ 6 ເດືອນ ທ້າຍປີ 2020 ກໍ່ຈະສູ້ຊົນເຮັດໃຫ້ໄດ້ເພີ່ມຂຶ້ນຈາກຕົ້ນປີ, ໂດຍຈະໄດ້ສຸມໃສການຊຸກຍູ້ສົ່ງເສີມພາກຫົວໜ້າໜ່ວຍທຸລະກິດໃຫ້ມີການເຄື່ອງໄຫວຢ່າງເປັນປົກຄະຕິ ແລະມີຄວາມຕື່ນຕົວເຂົ້າມາເສຍພັນທະໃຫ້ແກ່ລັດຫຼາຍຂຶ້ນ.

____________

ຂ່າວ: ໂພທິຣາຊ. 

ຮູບພາບ: ໜັງສືພິມເສດຖະກິດ-ສັງຄົມ

  

แชร์