ແອັບເປິ້ນປະກາດປ່ຽນຜ່ານແມັກສູ່ແອັບເປິ້ນສິລິຄອນ

  ວັນນີ້ຖືເປັນປະຫວັດສາດສຳລັບ Mac ໂດຍ Apple ໄດ້ປະກາດວ່າຈະເລີ່ມປ່ຽນຜ່ານ Mac ສູ່ silicon ແບບສະເພາະລະດັບໂລກເພື່ອມອບເຕັກໂນໂລຊີໃໝ່ທີ່ມີປະ ສິດທິພາບ ແລະຊົງພະລັງລະດັບແນວໜ້າຂອງອຸດສາຫະກຳ.

  ໂດຍນັກພັດທະນາສາມາດເລີ່ມອັບເດດແອັບຕ່າງໆ ໄດ້ທັນທີເພື່ອໃຊ້ປະໂຫຍດຈາກຄວາມສາມາດຂັ້ນສູງຂອງ Applesilicon ໃນ Mac ການປ່ຽນຜ່ານໃນຄັ້ງນີ້ຍັງເປັນການສ້າງສະຖາປັດຕະຍະກຳຮ່ວມໃນທຸກຜະລິດຕະພັນຂອງ Apple ເຮັດໃຫ້ນັກພັດທະນາສາມາດຂຽນ ແລະ ປັບປຸງແອັບຕ່າງໆ ຂອງຕົນສຳລັບລະບົບນິເວດ Apple ທັງ ໝົດໄດ້ງ່າຍຂຶ້ນ.

 ນອກຈາກນັ້ນໃນວັນນີ້ Apple ຍັງໄດ້ແນະນຳ mac OS Big Sur ຊຶ່ງເປັນ macOS ລຸ້ນໃໝ່ທີ່ສຳຄັນ ໂດຍມາພ້ອມການອັບເດດຄັ້ງ ໃຫຍ່ທີ່ສຸດໃນຮອບກວ່າທົດສະວັດ ແລະປະກອບດ້ວຍເຕັກໂນໂລຊີ ຕ່າງໆ ທີ່ຈະຊ່ວຍໃຫ້ເກີດການປ່ຽນ ຜ່ານສູ່ Apple silicon ໄດ້ເປັນຢ່າງດີນັກພັດທະນາສາມາດແປງແອັບທີ່ມີຢູ່ເດີມໃຫ້ທຳງານບົນ Apple silicon ໄດ້ຢ່າງງ່າຍດາຍ ພ້ອມໄດ້ຮັບປະໂຫຍດຈາກເຕັກໂນໂລຊີທີ່ຊົງພະລັງ ແລະປະສິດທິພາບໄດ້ທັນທີ ແລະຖືເປັນຄັ້ງທຳອິດທີ່ນັກພັດທະນາສາມາດເຮັດໃຫ້ ແອັບ iOS ແລະiPadOS ທຳງານແບບ Mac ໄດ້ໂດຍບໍ່ຕ້ອງປັບແກ້ສ່ວນໃດໆ.

แชร์