ລາວໂທລະຄົມ ສ້າງລາຍຮັບໄດ້ 1,8 ພັນຕື້ກີບ

  ບໍລິສັດລັດວິສາຫະກິດ ລາວໂທ ລະຄົມມະນາຄົມ ໄດ້ຈັດກອງປະຊຸມສະ ຫຼຸບຜົນງານການເຄື່ອນໄຫວວຽກງານປະ ຈໍາປີ 2018 ແລະທິດທາງແຜນການໃນ ປີ 2019 ຂຶ້ນໃນວັນທີ 13 ກຸມພາ 2019 ທີ່ນະຄອນຫຼວງວຽງຈັນ ພາຍໃຕ້ ການເປັນປະທານຂອງທ່ານ ຖາວອນ ສົມສະກຸນ ຜູ້ອໍານວຍການໃຫຍ່ບໍລິສັດ ລັດວິສາຫະກິດລາວໂທລະຄົມມະນາຄົມ, ໃຫ້ກຽດເຂົ້າຮ່ວມຂອງທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະການສື່ສານ, ມີບັນດາກຳມະການສະພາຂາຮຸ້ນ, ຜູ້ ແທນກອງປະຊຸມຈາກ ລລທ ສູນກາງ ແລະສາຂາແຂວງທົ່ວປະເທດ ພ້ອມດ້ວຍ ແຂກຖືກເຊີນເຂົ້າຮ່ວມ.

  ທ່ານ ຖາວອນ ສົມສະກຸນ ໄດ້ຂຶ້ນຜ່ານ ບົດສະຫຼຸບຜົນງານການເຄື່ອນໄຫວວຽກ ງານດຳເນີນທຸລະກິດໃນປີ 2018 ແລະ ທິດທາງແຜນການໃນປີ 2019 ຕໍ່ກອງ ປະຊຸມ ຊຶ່ງທ່ານໄດ້ຍົກໃຫ້ເຫັນຜົນງານພົ້ນເດັ່ນທີ່ລາວໂທລະຄົມສາມາດຍາດ ມາໄດ້ໃນໜຶ່ງປີຜ່ານມາເປັນຕົ້ນແມ່ນ ໄດ້ ລົງທຶນຂະຫຍາຍຕາໜ່າງລະບົບໂທລະ ຄົມມະນາຄົມໃນມູນຄ່າທັງໝົດ 60 ລ້ານໂດລາ, ປະຈຸບັນລາວໂທລະຄົມມີ ສະຖານີມືຖື 2G,3G,4G ແລະ4,5G ທັງໝົດ 6.653 ສະຖານີ, ມີສັນຍານ ໂທລະສັບມືຖືຄວບຄຸມໄດ້ 18 ແຂວງ, 148 ເມືອງ, 8.500 ກວ່າບ້ານ ໃນນີ້ 2G ກວມ 72%, 3G ກວມ 62% ແລະ4G ກວມ 49% ຂອງຈໍານວນໝູ່ບ້ານທັງໝົດ ແລະ4,5G ກວມເອົາ 22% ຂອງຕົວ ເມືອງໃຫຍ່. ທັງໝົດນີ້ກາຍເປັນປັດໄຈ ຫຼັກທີ່ພັກດັນໃຫ້ລາວໂທລະຄົມສາມາດ ຂະຫຍາຍລູກຄ້າໃໝ່ ແລະຮັກສາຈໍານວນ ລູກຄ້າເກົ່າໄວ້ໄດ້, ມາຮອດປະຈຸບັນມີລູກ ຄ້າໃຊ້ໂທລະສັບມືຖືໃນລະບົບຈໍານວນ 1.6 ລ້ານເລກໝາຍ, ໂທລະສັບຕັ້ງໂຕະ 40 ພັນໝາຍເລກ, ໂທລະສັບວິນໂຟນ 430 ພັນເລກໝາຍ ແລະອິນເຕີເນັດ 1,4 ລ້ານລູກຄ້າ ໃນປີ 2108 ຜ່ານມາ ສາມາດສ້າງລາຍຮັບໄດ້ທັງໝົດ 1.868,7  ຕື້ກີບ (ລວມອາກອນ), ເພີ່ມຂຶ້ນ ຈາກປີ 2017 ເທົ່າກັບ 1,4%, ໃນນັ້ນມີ ກຳໄລສຸດທິ 223,7 ຕື້ກີບ, ສາມາດປະ ຕິບັດພັນທະໃຫ້ລັດຖະບານໄດ້ທັງໝົດ ຈໍານວນ 541,5 ຕື້ກີບ, ຊຶ່ງກວມເອົາອັດ ຕາສ່ວນ 34,6% ຂອງລາຍຮັບທີ່ລາວ ໂທລະຄົມ ປະຕິບັດໄດ້ໃນປີ 2108, ນອກ ຈາກນັ້ນຍັງໄດ້ປັບປຸງລະບຽບ, ນະ ໂຍບາຍສະຫວັດດີການສັງຄົມຕ່າງໆ ເພື່ອຍົກສູງລະດັບຊີວິດການເປັນຢູ່ໃຫ້ ພະນັກງານດີຂຶ້ນເລື້ອຍໆ ໄປຄຽງຄູ່ກັບການດໍາເນີນທຸລະກິດຍັງໄດ້ປະກອບ ສ່ວນຊ່ວຍເຫຼືອ ແລະໃຫ້ການອຸປະຖໍາຕໍ່ ອົງການຈັດຕັ້ງພັກ-ລັດ ແລະສັງຄົມເປັນ ມູນຄ່າ 1,4 ຕື້ກີບ.

  ສໍາລັບປີ 2019 ນີ້ ລາວໂທລະຄົມ ຈະສູ້ຊົນສ້າງຖານລູກຄ້າໃໝ່ໃຫ້ເພີ່ມ 149.706 ເລກໝາຍ ແລະສ້າງລາຍຮັບ ໃຫ້ໄດ້ທັງໝົດ 1.974 ຕື້ກີບ ທຽບໃສ່ ປີ 2018 ເພີ່ມຂຶ້ນ 6,3% ຄາດຄະເນ ກໍາໄລສຸດທິ 319,2 ຕື້ກີບ ເພີ່ມຂຶ້ນ 19,8% ແລະຄາດຄະເນວ່າຈະສາມາດ ມອບພັນທະ ແລະເງິນປັ່ນຜົນໃຫ້ລັດຖະ ບານຈໍານວນ 579,5 ຕື້ກີບ ກວມເອົາອັດ ຕາສ່ວນບໍ່ຫຼຸດ 28,6% ຂອງລາຍຮັບປີ 2019 ນອກນັ້ນຍັງຈະໄດ້ລົງທຶນໃນເບື້ອງ ຕົ້ນ ຊຶ່ງມີມູນຄ່າທັງມົດ 17,8 ລ້ານໂດລາ ເພື່ອສືບຕໍ່ປັບປຸງ ແລະຂະຫຍາຍຕາໜ່າງ ລະບົບໂທລະຄົມມະນາຄົມສະເພາະ ແມ່ນອິນເຕີເນັດ Mobile Broadband and Fix ed Broadband ໃຫ້ຮັບ ປະກັນທາງດ້ານປະລິມານ ແລະຄຸນນະພາບ, ຂໍ້ມູນມີຄວາມປອດໄພ ແລະເປັນ ລະບົບທັນສະໄໝເພື່ອຮັບປະກັນໃຫ້ແກ່ການບໍລິ ການສັງຄົມທັງໝົດເຫຼົ່ານີ້ກໍ່ເພື່ອໃຫ້ບັນລຸຕາມແຜນຍຸດທະສາດ ແລະວິໃສທັດກ້າວໄປສູ່ຍຸກ Lao Digital Life.

ຂ່າວ ວົງມະນີ-ນສພ ເສດຖະກິດ-ສັງຄົມ

แชร์