ເມືອງມຸນລະປາໂມກ ຝຶກອົບຮົມຄູໃນການນໍາໃຊ້ຫຼັກສູດໃໝ່

  ໃນວັນທີ 3 ສີງຫາ 2020 ຫ້ອງການສືກສາທິການ ແລະກີລາ ເມືອງມຸນລະປາໂມກ ເປີດກອງປະຊຸມຝຶກອົບຮົມຄູປະຈໍາການໃນການນໍາໃຊ້ຫຼັກສູດໃໝ່ຂັ້ນປະຖົມປີທີ 2 ໃຫ້ກຽດເປັນປະທານຂອງ ທ່ານ ສີສະຫວັດ ພົມມະລິວັນ ຄະນະປະຈໍາພັກເມືອ, ຜູ້ຊີ້ນໍາວຽກງານຂົງເຂດວັດທະນະທໍາສັງຄົມທ່ານ ນາງ ຄໍາດີ ສອນວິເສດຄະ ນະຫ້ອງການສຶກສາທິການ ແລະກີລາເມືອງຜູ້ຊີ້ນໍາວຽກວິຊາການ, ທ່ານ ນາງ ຂຽວພອນ ສີຫາວົງ ຄູຝຶກມາຈາກວິທະຍາໄລຄູປາກເຊພ້ອມຄະນະ, ມີຄູສອນ ປ2 ທົ່ວ ເມືອງ, ໜ່ວຍງານທີ່ກ່ຽວຂ້ອງຈາກຫ້ອງການສືກສາທິການ ແລະກີລາເມືອງເຂົ້າຮ່ວມກອງປະຊຸມຈະໄດ້ດໍາເນີນໄປເປັນເວລາ 5 ວັນນັບແຕ່ວັນທີ 3-7 ສີງຫາ 2020 ຈຶ່ງຈະສໍາເລັດ.

  ທ່ານ ສີສະຫັວດ ພົມມະລິວັນ ກ່າວວ່າ: ໃນໄລຍະການຝຶກອົບຮົມໃນ 5 ວັນໃຫ້ບັນດາທ່ານທີ່ເປັນຄູຝຶກ ແລະຜູ້ທີ່ຝຶກອົບຮົມໃນຄັ້ງນີ້ໃຫ້ເອົາໃຈໃສ່ໃນການເຮັດໜ້າທີ່ໃຫ້ສຸດກົກສຸດປາຍ, ອັນໄດບໍ່ເຂົ້າໃຈໃຫ້ມີການແລກປ່ຽນ, ຊັກຖາມເພື່ອໃຫ້ການຝຶກອົບຮົມມີປະສິດທິຜົນສູງ ແລະສໍາເລັດຕາມລະດັບຄາດໝາຍ, ໃນການຝຶກອົບຮົມຄັ້ງນີ້ຈະໄດ້ຝຶກໃນ 7 ພາກ: ພາກທີ 1 ຫຼັກສູດຊັ້ນປະຖົມສືກສາປີທີ 2 ພາກ ແນະນໍາລວມ, ພາກທີ 2 ວິຊາສິລະປະກໍາ ແລະ ຫັດຖະກໍາ, ຄຸນສົມບັດສຶກສາ, ສິລະປະດົນຕີ ແລະພາລະສືກສາ, ພາກທີ 3 ວິຊາວິທະຍາສາດ ແລະສິ່ງແວດລ້ອມ, ພາກ ທີ 4 ການວັດ ແລະການປະເມີນຜົນ, ພາກທີ 5: ວິຊາພາສາລາວ, ບົດສອນວິຊາພາສາລາວ,ເຕັກນິກການສອນວິຊາພາສາລາວ, ການສອນໂດຍໃຊ້ປຶ້ມນິທານ ແລະປຶ້ມອ່ານເສີມ, ພາກທີ 6 ການສອນຫ້ອງຄວບ, ພາກທີ 7 ວິທີການສໍາລັບຄູເພື່ອພັດ ທະນາຕົນເອງ.

 

แชร์