ຂ່າວສານ ທຫລ ອວຍພອນສື່ມວນຊົນ

 ເພື່ອເປັນການສະແດງຄວາມຮູ້ບຸນຄຸນ ແລະທັງເປັນການເພີ່ມຄວາມທະວີຄວາມສາມັກຄີກັບອົງການສື່ມວນຊົນລາວ ແລະ ໃນວັນທີ 31 ກໍລະກົດ 2020 ໂດຍ ໄດ້ຮັບການມອບໝາຍຈາກຫົວໜ້າຫ້ອງທະນາຄານແຫ່ງ ສປປ ລາວ; ທ່ານ ຣັດສະໝີ ດວງສັດຈະບັນນາທິການວາລະສານ-ລາຍການວິທະຍຸທະນາຄານແຫ່ງ ສປປ ລາວ ພ້ອມຄະນະໄດ້ເຂົ້າອວຍພອນຄະນະນຳສະຖານີວິທະຍຸກະຈາຍສຽງແຫ່ງຊາດລາວເນື່ອງໃນວັນສ້າງຕັ້ງສື່ມວນຊົນລາວ ແລະການພີມຈຳໜ່າຍຄົບຮອບ 65 ປີ (ວັນທີ 13 ສິງຫາ 1955-ວັນທີ 13 ສິງຫາ 2020) ແລະວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ (ວັນທີ 13 ສິງຫາ 1960-ວັນທີ 13 ສິງຫາ 2020).

 ໃນໂອກາດດັ່ງກ່າວ, ທ່ານ ຣັດ ສະໝີ ດວງສັດຈະໄດ້ຕາງໜ້າໃຫ້ຄະນະນຳຫ້ອງການກໍ່ຄືຄະນະນັກຂ່າວທະນາຄານແຫ່ງ ສປປ ລາວ ໄດ້ນຳກະຕ່າຂອງຂວັນພ້ອມດ້ວຍ ເງິນສົດ 3,5 ລ້ານກີບ ມອບໃຫ້ແກ່ສະຖານີວິທະຍຸກະຈາຍສຽງ ແຫ່ງຊາດລາວ ຊຶ່ງຮັບໂດຍແມ່ນ ທ່ານ ໂພສີ ແກ້ວມະນີວົງ ຄະນະພັກກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວ, ຜູ້ອຳນວຍການໃຫຍ່ສະຖານີວິທະຍຸກະຈາຍສຽງແຫ່ງຊາດລາວ ແລະເງິນຈຳນວນດັ່ງກ່າວແມ່ນເປັນການປະກອບສ່ວນເຂົ້າໃນການຈັດພີມປຶ້ມມູນເຊື້ອ 60 ປີແຫ່ງການກຳເນີດ ແລະເຕີບໃຫຍ່ຂະຫຍາຍຕົວຂອງສະຖານີວິທະຍຸກະຈາຍສຽງແຫ່ງຊາດລາວ.

  ຈາກນັ້ນ; ກໍ່ໄດ້ມີການແຂ່ງຂັນກີລາເປຕັງ ຊຶ່ງມີນັກກີລາມາຈາກສຳນັກຂ່າວສື່ສິ່ງພີມ, ສື່ເອເລັກໂຕຣນິກ ແລະບັນດາຂະແໜງການ, ໂຄສົກຈາກລາຍການຕ່າງໆໄດ້ເຂົ້າຮ່ວມການແຂ່ງຂັນກີລາດັ່ງກ່າວ, ສຳລັບຄະນະກີລາຈາກທະນາຄານແຫ່ງ ສປປ ລາວ ແມ່ນໄດ້ປະເພດ 3.

--------

ໜັງສືພິມເສດຖະກິດ-ສັງຄົມ

แชร์