ເມືອງເຊໂປນ ສອບເສັງຈົບຊັ້ນມັດທະຍົມຕອນປາຍ

  ເມື່ອອາທິດຜ່ານມາທີ່ສູນສອບເສັງໂຮງຮຽນ ມສ ເຊໂປນເມືອງເຊໂປນ ແຂວງສະຫວັນນະເຂດ ໄດ້ຈັດພິທີການສອບເສັງຈົບຊັ້ນມັດທະຍົມຕອນປາຍ (ມ7) ສົກປີ 2019-2020 ຂຶ້ນຢ່າງເປັນທາງການເຂົ້າຮ່ວມຂອງທ່ານ ນາງ ຫຼິງທອງ ແສງຕາວັນ ຫົວໜ້າພະແນກສຶກສາທິການ ແລະ ກີລາແຂວງ, ທ່ານ ຄໍາຟອງ ໄຊທິບຸດ ຮອງເຈົ້າເມືອງເຊໂປນ ທ່ານ ຄໍາເພັດ ໄຊຍະເທບ ຫົວໜ້າຫ້ອງສຶກສາທິການ ແລະກີລາ ເມືອງ, ມີບັນດາຄະນະກຳມະການ ຮັບຜິດຊອບການສອບເສັງທີ່ໄດ້ຮັບການແຕ່ງຕັ້ງ, ແຂກຖືກເຊີນພ້ອມດ້ວຍນັກສອບເສັງຢູ່ໃນສູນເຂົ້າຮ່ວມ.

  ທ່ານ ຄໍາເພັດ ໄຊຍະເທບ ຫົວໜ້າຫ້ອງການສຶກສາທິການ ແລະ ກີລາເມືອງໄດ້ລາຍງານໃຫ້ຮູ້ວ່າ: ໃນການສອບເສັງຈົບຊັ້ນມັດທະຍົມຕອນປາຍ (ມ7) ແມ່ນໄດ້ກຳນົດເອົາໂຮງຮຽນ ມສ ເຊໂປນ ເປັນສູນສອບເສັງມີນັກຮຽນສອບ ເສັງທັງໝົດ 251 ຄົນ, ຍິງ 126 ຄົນ, ແບ່ງອອກເປັນ 12 ຫ້ອງສອບເສັງ, ຊຶ່ງມາຈາກ 4    ໂຮງຮຽນຄື: ໂຮງຮຽນ ມສ ເຊໂປນ, ໂຮງຮຽນ ມສ ນາບໍ່, ໂຮງຮຽນ ມສ ຫ້ວຍສາ ແລະໂຮງຮຽນ ມສ ດົງສະຫວັນ, ສອບເສັງ ມີ 4 ວິຊາຫຼັກຄື: ວິຊາພາສາລາວ-ວັນນະຄະດີ, ວິຊາຊີວະຊາດ, ວິຊາຄະນິດສາດ, ວິຊາພູມສາດ ເພື່ອເຮັດໃຫ້ການສອບເສັງໄດ້ຮັບຄຸນນະພາບຖືກຕ້ອງຕາມລະບຽບທີ່ທາງກະຊວງສຶກສາທິການ ແລະ ກີລາວາງອອກ.

  ໂອກາດນີ້ທ່ານ ນາງ ຫຼິງທອງແສງຕາວັນ ຫົວໜ້າພະແນກສຶກສາທິການ ແລະກີລາແຂວງ, ທ່ານ ຄໍາຟອງ ໄຊທິບຸດ ຮອງເຈົ້າເມືອງ ເຊໂປນ, ທ່ານ ຄໍາເພັດ ໄຊຍະເທບ ຫົວໜ້າຫ້ອງສຶກສາທິການ ແລະກີ ລາເມືອງ, ກໍ່ໄດ້ຮ່ວມກັນເປີດຫົວບົດສອບເສັງຈົບຊັ້ນມັດທະຍົມຕອນປາຍນໍາອີກດ້ວຍ.

--------

ໜັງສືພິມເສດຖະກິດ-ສັງຄົມ

แชร์